18:48 29.06.2022
ՀՀ ազգային պարալիմպիկ կոմիտեի նախաձեռնությամբ կազմակերպվող ամենամյա մրցաշարի անցկացման վայր, կոմիտեի որոշմամբ, այս տարի ընտրվել է Գյումրին, չնայած որ քաղաքի մարզադահլիճներն ու մարզասրահները լիովին հարմարեցված չեն և դժվարամատչելի են հաշմանդամություն ունեցող անձանց համար։ Եռօրյա փառատոնի ընթացքում 100-ից ավելի մարզիկներ Գյումրիում կմրցեն 7 մարզաձևերում։
Ամենամյա մարզական այս միջոցառումը բոլոր մասնակիցների համար սոցիալ-վերականգնողական նշանակություն ունի։ Մասնակիցներին իրենց կատարմամբ ողջունեցին «Զինվորի տան» նորաստեղծ պարային խմբի անդամները:
Պարալիմպիկ խաղերում, ընդհանուր առմամբ, ընդգրկված են 22 ամառային և 5 ձմեռային մարզաձևեր, բայց դրանք միշտ չէ, որ ներառվում են մրցումներում, հիմնական պատճառն այն է, որ ոչ բոլոր մարզական կառույցներն են հարմարեցված հաշմանդամություն ունեցող մարզիկների համար։
«Այցելել ենք բոլոր մարզասրահները, ու դժբախտաբար պետք է նշեմ, որ մարզակառույցները հարմարեցված չեն, իսկապես լավ վիճակ չէ, և պետք է փորձենք այս խաղերից հետո օգնել մարզին, որպեսզի այդ բացը լրացվի։ Զարմանալիորեն Գյումրիում դա շատ ընդգծված է»,- նշել է ՀՀ ազգային պարալիմպիկ կոմիտեի նախագահ Հակոբ Աբրահամյանը։
Գյումրիի մարզադպրոցներն ու դահլիճները նույն հասանելիության խնդիրն ունեն։ Հանրապետական 19-րդ փառատոնի եռօրյա մրցումներում այդ պատճառով սահմանափակ թվով մարզաձևեր են ընդգրկել, որոնց դեպքում հաշմանդամություն ունեցող մարզիկների տեղաշարժման հնարավորություններն ու պայմանները որոշ չափով ապահովված են։
Արդեն 19-րդ անգամ անցկացվող մարզական փառատոնը հաշմանդամություն ունեցողներին սպորտում ներգրավելու և նրանց հաջողություններն այս ոլորտում խրախուսելու նպատակ ունի։ Սա ամենամյա ստուգատես է, որին մասնակցում են արդեն լուրջ հաջողություններ գրանցած մարզիկները։
«Ես զբաղվում են սայլակավազքով, միջազգային շատ մրցումների եմ մասնակցել, առաջիկայում էլ պատրաստվում եմ մասնակցել Մեքսիկայում կայանալիք մրցումներին։ Սա հնարավորություն է տալիս, որ հաշմանդամություն ունեցող մարդիկ տանը չնստեն, ինտեգրվեն հասարակության մեջ, սպորտով զբաղվեն, իրենց ուժերը չափեն մյուս մասնակիցների հետ»,- ասում է սայլակավազքի մրցումների մասնակից, արարատցի Սմբատ Կարապետյանը։
Երեք օր շարունակ Գյումրիի տարբեր մարզադպրոցներում և դահլիճներում փառատոնի մասնակիցները կմրցեն միմյանց հետ ոչ միայն հաղթանակներ գրանցելու համար։ Սա առիթ է նաև միմյանց հնարավորություններն ու կարողությունները գնահատելու, խնդիրները համատեղ քննարկելու, առաջարկություններ ներկայացնելու համար։
Մարզական փառատոնի առաջին օրը մասնակիցները մրցեցին սեղանի թենիս, անվասայլակով բասկետբոլ և լող մարզաձևերում։ Մրցումները կշարունակվեն նաև վաղը, հաշմանդամային սայլակավազք, ծանրամարտ, բոչա, շախմատ մարզաձևերում։ Լավագույններին սպասվում են մրցանակներ։
15:59 30.04.2025
Երևանի 4 համայնքում փոշու պարունակությունը գերազանցել է սահմանային թույլատրելի կոնցենտրացիան«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը ապրիլի 23-29-ը։ Փոշու պարունակությունը գերազանցել է սահմանային թույլատրելի կոնցենտրացիան․ ◾️ Կենտրոն վարչական շրջանում՝ ապրիլի 25-ին, 27-ին և 28-ին, ◾️ Շենգավիթում՝ ապրիլի 26-ին և 28-ին, ◾️ Նոր Նորքում՝ ապրիլի 26-ին և 28-ին, ◾️ Արաբկիրում՝ չի գերազանցել։ Ազոտի երկօքսիդի պարունակությունը գերազանցել է․ ◾️ Նոր Նորքում՝ ապրիլի […] ...
15:57 30.04.2025
Զննությամբ հայտնաբերվել են թմրանյութ և ինքնաձիգի փամփուշտներ. նախաձեռնվել է քրեական վարույթՀամայնքային ոստիկանության Աշտարակի բաժնի ծառայողները տեղեկություն էին ստացել, որ Ուշի բնակավայրի 53-ամյա բնակիչը աճեցնում է կանեփ և անձնական օգտագործման համար պատրաստում թմրամիջոց: 53-ամյա տղամարդը թմրանյութ պահելու և օգտագործելու կասկածանքով ձերբակալվել և տեղափոխվել է Աշտարակի բաժին: Նրա անձնական խուզարկությամբ հայտնաբերվել է զգալի չափի մարիխուանայի նմանվող զանգված: Կազմված փաստաթղթերն ուղարկվել են նախաքննական մարմին: Նախաձեռնված քրեական վարույթի շրջանակում […] ...
15:53 30.04.2025
Դեմբելեն կրկնել է Մբապեի ցուցանիշըՊՍԺ-ի հարձակվող Ուսման Դեմբելեն Չեմպիոնների լիգայի կիսաեզրափակչի առաջին խաղում գրավելով Լոնդոնի «Արսենալի» դարպասը կրկնել է Կիլիան Մբապեի ցուցանիշը, հայտնում է Squawka-ն։ Ֆրանսիացի ֆուտբոլիստը Չեմպիոնների լիգայի ընթացիկ մրցաշրջանում գոլային 11 գործողություն ունի (8 գոլ, 3 արդյունավետ փոխանցում)։ Դա ՊՍԺ-ի պատմության լավագույն ցուցանիշն է ակումբային գլխավոր եվրագավաթի մեկ մրցաշրջանում։ 2020/21 մրցաշրջանում փարիզյան ակումբի նախկին հարձակվող Մբապեն նույն […] ...
15:50 30.04.2025
Հանձնաժողովը քննարկել ու մերժել է հարկային փոփոխությունների չեղարկմանը վերաբերող կոլեկտիվ հանրագրով ներկայացված առաջարկություններըԱզգային ժողովի տնտեսական հարցերի մշտական հանձնաժողովն ապրիլի 30-ի նիստում քննարկել է ««ՓՄՁ համագործակցության ասոցիացիա» հասարակական կազմակերպության կողմից կոլեկտիվ հանրագրով ներկայացված՝ «ՀՀ ԱԺ-ի կողմից 2023 թվականի հոկտեմբերի 25-ին ընդունված՝ «ՀՀ հարկային օրենսգրքում լրացումներ եւ փոփոխություններ կատարելու մասին» ՀՕ 340-Ն եւ 2024 թվականի հունիսի 12-ին ընդունված՝ «ՀՀ հարկային օրենսգրքում փոփոխություններ կատարելու մասին ՀՕ-285-Ն օրենքներն ուժը կորցրած ճանաչելու, […] ...
15:44 30.04.2025
Հռոմում տեղի է ունեցել միջոցառում՝ նվիրված Հայոց ցեղասպանության 110-րդ տարելիցին2025թ. ապրիլի 29-ին Հռոմի Հայերի ցեղասպանության այգում տեղի ունեցավ միջոցառում՝ նվիրված Հայոց ցեղասպանության 110-րդ տարելիցին: Միջոցառումը մեկնարկեց հայ համայնքի ներկայացուցիչ Ռոբերտ Աթարյանի բացման խոսքով: Իր խոսքում դեսպան Վլադիմիր Կարապետյանը մասնավորապես նշեց ցեղասպանությունների և մարդկության դեմ այլ հանցագործությունների անպատժելիության հետևանքների մասին, խոսեց հայ մշակութային ժառանգության խեղաթյուրման և պատմության վերագրման, կեղծ խոսույթներ առաջ տանելու փորձերի մասին: Ելույթներով […] ...
15:40 30.04.2025
Պետք է հրաշք գործենք Փարիզում․ Արտետա«Արսենալի» գլխավոր մարզիչ Միկել Արտետան ամփոփել է Չեմպիոնների լիգայի կիսաեզրափակչում ՊՍԺ-ի հետ դիմակայության առաջին խաղը, հաղորդում է Ֆաբրիցիո Ռոմանոն: «Այս խաղում որոշիչ դարձան դետալները: Գոլը չարձանագրվեց միլիմետրանոց խաղից դուրս վիճակի պատճառով, Մարտինելին մեն-մենակ հայտնվեց ու չգրավեց դարպասը, Լեանդրո Տրոսարը նույն իրավիճակում նույնպես վրիպեց: Կիսաեզրափակչում այսպիսի պահերը ճակատագրական են: Եզրափակիչ դուրս գալու համար հարկավոր է հրաշք […] ...
