19:21 30.06.2022
2022 թվականին Շիրակի մարզի տնտեսական և սոցիալական ենթակառուցվածքների զարգացմանն ուղղված 36 սուբվենցիոն փաթեթից կառավարությունը հաստատել է 30-ը։ Առաջին փուլով մարզում իրականացվելու են 7,7 մլրդ դրամի աշխատանքներ՝ մեծ մասամբ ճանապարհաշինություն, մանկապարտեզների վերանորոգում, համայնքային կենտրոնների կառուցում, նոր ջրագծերի անցկացում բաղադրիչներով: Այժմ հաստատված հայտերը գտնվում են մրցութային գործընթացներում, շինընկերությունների ընտրությունից հետո հուլիսի առաջին տասնօրյակում նախատեսվում են ծրագրերի մեկնարկները։
Սարակապում խմելու ջրի խնդիրն այնքան հին է, որքան գյուղը սնուցող միակ ինքնահոս աղբյուրը, որը գտնվում է գյուղի կենտրոնում։ Համայնքը խմելու ջուր երբևէ չի ունեցել, ջրամատակարարման արտաքին ու ներքին ցանց ընդհանրապես կառուցված չի եղել։ Համայնքի բնակիչների միակ աղբյուրը սարերից եկող այս ջուրն է, որն էլ ամռան ամիսներին բարակում է։
«Էս ջուրը միշտ եղել է, խմելու ջուր է, սարի տակից է գալիս, նորմալ ջուր է, ստուգված է, ամեն տարի սանէպիդը գալիս է, ստուգում ու թույլ է տալիս օգտագործել։ Բայց ծավալը շատ քիչ է։ Նույն ջրից օգտվում են նաև անասունները։ Ժամանակ է լինում, որ անասուններին էլ չի հերիքում»,- ասում է Սարակապի վարչական ղեկավար Վահրամ Մկոյանը։
Խնդիրը տասնամյակների պատմություն ունի։ Գյուղում հարմարվել են բնական աղբյուրի ջուրը տարբեր միջոցներով տուն հասցնելու դժվարություններին։ Ջուր կրելը համարում են իրենց առօրյայի կարևոր մասը։
«Էս որ դարն է, որ ջուրը կրելով ենք օգտագործում, ես ինչ կհիշեմ, պուճուր ժամանակից ջուր կկրեմ, մինչև հիմա էլ նույն վիճակն է։ Նույնիսկ ջահելները նույն ջրի պատճառով թողնում-գնում են գյուղից»,- դժգոհում են Սարակապի բնակիչները։
Սարերի ջուրը գյուղովի են կիսում, կենսական նշանակության աղբյուրին այլընտրանք՝ սարակապցիների մի մասը բակերում 7-8 մետր խորության հորեր են փորել, արտեզյան ջուրն օգտագործում են տնամերձները ոռոգելու համար, իսկ հորի ջուրը խմելու համար պիտանի չէ:
Խմելու ջուրը ցանցով Սարակապ հասցնելու ծրագիր է ներկայացրել համայնքը, այն գյուղական բնակավայրի առաջնահերթ լուծում պահանջող խնդիրներից է համարվել։ Անի խոշորացված համայնքի այս տարվա սուբվենցիոն փաթեթների ցանկում է ընդգրկվել և ստացել է հաստատում։ Ծրագիրը գնահատվել է մոտ 75,5 մլն դրամ։
Նախատեսվում է Աղին գյուղի վարչական տարածքում 80-100 մետր խորության խորքային հորի հորատում կատարել, պոմպ տեղադրել և մոտ 5 կմ երկարության ջրագիծ անցկացնել։ Աղինից արտեզյան ջուրը խողովակաշարով հասնելու է Սարակապ և կուտակվելու է խորհրդային տարիներին կառուցված 2 խոշոր ջրամբարներից մեկում։
«Մեր գյուղում 2 հատ ջրամբար ունենք, բայց որ ջրի հարցը կարգավորվի, մենք մեկը կօգտագործենք։ 400 տոննա տարողություն ունի, իսկ մեր համայնքը փոքր է, հաստատ այդքան ջուրը մեզ կհերիքի»,- նշում է համայնքի վարչական ղեկավարը։
Գյուղում ջրամատակարարման ներքին ցանցի անցկացում ևս նախատեսվում է, բայց այն կիրականացվի ծրագրի երկրորդ փուլով՝ հաջորդ տարում։ Այս տարի, հավանաբար, հուլիսի առաջին կեսին հորատման աշխատանքները կսկսեն, շինարարի մրցույթն արդեն հայտարարված է։ Ընդհանուր առմամբ, 2022 թվականի սուբվենցիոն ծրագրերով մարզի այլ համայնքներում ևս խմելու ջրագծերի և ոռոգման ցանցի անցկացման աշխատանքներ են կատարվելու։ Ինչպես միշտ, սուբվենցիոն հայտերում մեծ բաժինը ճանապարհաշինական ծրագրերինն է, և մարզում կվերանորոգվեն ավելի քան 14 կմ երկարության համայնքային նշանակության երկար ու կարճ ճանապարհներ։
«Ծրագրերի մեծ մասը ճանապարհաշինություն է՝ բարեկարգում, նորոգում։ Ամենամեծ ծրագրային հայտով ներկայացել է Գյումրին՝ մոտ 3,5 մլրդ դրամի չափով, Ախուրյանը՝ 1 մլրդ դրամից ավելի գումարի չափով, Արթիկը՝ 900 մլն դրամ, իսկ Անի համայնքի կողմից ներկայացվել է մոտ 1 մլրդ դրամի ծրագիր»,- նշում է Շիրակի մարզպետարանի զարգացման ծրագրերի, զբոսաշրջության և վերլուծության բաժնի պետ Կարեն Բադիշյանը։
Շիրակի մարզից ներկայացված 36 հայտից 6-ն առայժմ հաստատում չի անցել, բացասական գնահատումով վերադարձվել է լրամշակման։ Ծրագրային չափորոշիչներին համապատասխան լինելու դեպքում մնացած վեց հայտերը կընդգրկվեն արդեն հաջորդ տարվա սուբվենցիոն ծրագրերում։
Հաստատված 30 սուբվենցիոն հայտերից որևէ մեկը շինարարական մեկնարկում չէ։ Այն, ինչ ընթացքի մեջ է, 2021 թվականից անավարտ մնացած մոտ 12 սուբվենցիոն ծրագրերով իրականացվող շինաշխատանքներն են, որոնց մի մասում հայտնաբերվել են թերություններ և որակի խախտումներ։
23:59 01.08.2025
Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր. ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում գրել է. «Երևանը շարունակում է զարգանալ: Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր՝ կանաչ տարածքներ, հանգստի վայրեր, ժամանակակից խաղահրապարակներ ու ֆուտբոլի դաշտեր: Մեր նպատակը պարզ է՝ բակերը վերադարձնել իրենց իրական տերերին՝ մարդկանց»։ Մանրամասները՝ տեսանյութում: ...
23:56 01.08.2025
Երևանի խնդրանքով ՌԴ-ն միջոցներ կձեռնարկի հացահատիկային բեռների անցումը Վերին Լարսի անցակետով թույլատրելու համարՌուսաստանի կառավարությունը Հայաստանի խնդրանքով հանձնարարել է լրացուցիչ միջոցներ ձեռնարկել Ռուսաստանից Հայաստան հացահատիկով բեռնատարների անցումը Վերին Լարսի անցակետով կազմակերպելու համար, հայտարարել է Ռուսաստանի փոխվարչապետ Ալեքսեյ Օվերչուկը։ «Ռուսաստանի Դաշնության իրավասու մարմիններին հանձնարարվել է լրացուցիչ միջոցներ ձեռնարկել Ռուսաստանից Հայաստանի Հանրապետություն հացահատիկով բեռնատարների անցումը Վերին Լարսով կազմակերպելու համար, որոնց տեղաշարժը սահմանափակվել էր վատ եղանակի և սելավի պատճառով։ Մենք փորձում […] ...
23:49 01.08.2025
El Tiempo. Կոլումբիայի նախկին նախագահը կդատապարտվի 12 տարվա ազատազրկման՝ վկային կաշառելու համարԴատարանը Կոլումբիայի նախկին նախագահ Ալվարո Ուրիբեին, որը մեղավոր է ճանաչվել վկային կաշառելու մեջ, կդատապարտի 12 տարվա ազատազրկման։ Այս մասին հայտնել է El Tiempo թերթը, որը ծանոթացել է դատավորի վճռին։ «Ալվարո Ուրիբե Վելեսը կդատապարտվի 144 ամսվա, այսինքն՝ 12 տարվա ազատազրկման, նվազագույն աշխատավարձի 2420 չափով տուգանքի և 100 ամիս 20 օր ժամկետով պետական պաշտոններ զբաղեցնելու արգելքի», – […] ...
23:40 01.08.2025
Սևանա լճում քաղաքացիները հայտնաբերել են տղամարդու մասնատված մարմինՕգոստոսի 1-ին, առեղծվածային ու ողբերգական դեպք է տեղի ունեցել Գեղարքունիքի մարզում։ Ժամը 18:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության ոստիկանության Մարտունու բաժնում օպերատիվ տեղեկություններ են ստացվել, որ Մարտունի խոշորացված համայնքի Արծվանիստ բնակավայրի Սևանա լճում դի կա։ Այս մասին հաղորդում է shamshyan.com-ը, տեղում պարզվել է, որ քաղաքացիները ափից մոտ 200 մետր հեռավորության […] ...
23:29 01.08.2025
Հութիները հայտարարել են Բեն Գուրիոն օդանավակայանի վրա բալիստիկ հրթիռ արձակելու մասինԵմենի ապստամբ «Անսար Ալլահ» շարժման հութիները գերձայնային բալիստիկ հրթիռով հարվածել են Թել Ավիվի Բեն-Գուրիոն օդանավակայանին։ Այս մասին հայտարարել է ապստամբների ներկայացուցիչ Յահյա Սարիան։ «Հրթիռային զորքերն իրականացրել են եզակի ռազմական գործողություն՝ հարձակվելով Լոդ օդանավակայանի (խմբ. Բեն-Գուրիոն) վրա՝ օգտագործելով «Պաղեստին-2» տիպի գերձայնային բալիստիկ հրթիռ», – ասել է Սարիան, որի ելույթը հեռարձակվել է ապստամբներին պատկանող Al Masirah հեռուստաալիքով։ […] ...
23:17 01.08.2025
Փրկարարներն ուղղել են կողաշրջված բեռնատարըՕգոստոսի 1-ին, ժամը 16։20-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կապան-Աղվանի ավտոճանապարհի 31-րդ կմ-ին բեռնատարը կողաշրջվել է, ճանապարհը դարձել է միակողմանի, տուժածներ չկան. անհրաժեշտ է փրկարարների օգնությունը: Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից և Աղվանու հենակետից մեկական մարտական հաշվարկ։ Պարզվել է, որ «KamAZ» մակնիշի բեռնատարը […] ...
