17:44 01.07.2022
Այսօրվանից կրթական ոլորտի շուրջ 700 ներկայացուցիչ առկա ձևաչափով կմասնակցի «EduArmenia2022» համահայկական գիտակրթական աշխատաժողովի բանախոսություններին ու քննարկումներին, որոնք տեղի կունենան Հայկական պետական մանկավարժական համալսարանում: Աշխատաժողովն այս տարի կրում է «Ներառական կրթություն» խորագիրը և կտևի մինչև հուլիսի 4-ը, տեղեկացնում են ՀՀ ԿԳՄՍ նախարարությունից:
«Ներառական կրթություն» աշխատաժողովն անցկացվում է Հանրապետական մանկավարժահոգեբանական կենտրոնի ու «EDUArmenia» հիմնադրամի համագործակցությամբ և ՅՈՒՆԻՍԵՖ-ի աջակցությամբ: Այն մեկ հարթակում է համախմբել ներառական կրթության բոլոր շահագրգիռ կողմերին՝ դպրոցներից մինչև պետական կառույցներ։
Միջոցառման մեկնարկը ողջունել է նաև ՀՀ ԿԳՄՍ նախարարի տեղակալ Ժաննա Անդրեասյանը՝ կարևորելով միջոցառման դերը կրթական բարեփոխումների առանցքում. «Մենք կարող ենք գիտակցել խնդրի կարևորությունը, բայց մեզ պետք են գործընթացներն առաջ տանողներ: Դրանք առաջ են տանում ձեզնից յուրաքանչյուրը՝ իր դպրոցում, ուսումնական հաստատությունում, իր տեղում:
Հուսով եմ՝ այս օրերին ականատես կլինենք բովանդակային քննարկումների, ավելի իրազեկ ու պատրաստ՝ դիմագրավելու այն բոլոր խնդիրները, որոնք մեր առջև կան և սպասվում են: ԿԳՄՍ նախարարությունը մանրամասն հետևելու է բոլոր քննարկումներին: Փորձելու ենք փոխառել հնչող մտքերն ու գաղափարները, կիրառել դրանք բարեփոխումների գործընթացում»:
ԿԳՄՍ նախարարի տեղակալ Ժաննա Անդրեասյանը շնորհակալություն է հայտնել գործընկերներին՝ կարևոր փոփոխությունների ճանապարհին համագործակցելու և միասնական գաղափարն իրականացնելու համար:
Փոխնախարարը համառոտ ներկայացրել է պետական քաղաքականությունը ներառական կրթության՝ որպես ոլորտի առանցքային ուղղություններից մեկի շրջանակում: Ըստ նրա՝ «Հանրակրթության մասին» օրենքում սկզբունքային փոփոխություններ են կատարվել. ներառական կրթության դրույթներն էապես վերանայվել են. «Խնդիր ենք դրել ընդլայնելու ԿԱՊԿՈւ հասկացությունը և դրա բովանդակության մեջ ներառելու այն բոլոր առանձնահատկությունները, որոնք իրոք պետք է հաշվի առնենք, եթե ուզում ենք ունենալ իրապես որակյալ կրթություն: Նման մոտեցումն ընդլայնում է նաև աշխատանքային դաշտը:
Էապես փոխվելու է ներառական կրթության ֆինանսավորման ձևը: Եվ կրթության բարձրացված չափաքանակից անցում ենք կատարում նպատակային ֆինանսավորման: Բոլոր դպրոցները պետք է լինեն հասանելի, մատչելի և ներառական՝ պատրաստ ցանկացած պահի կազմակերպելու կրթության առանձնահատուկ պայմանների կարիք ունեցող երեխաների կրթությունը: Բոլոր կարիքները պետք է ապահովենք, և դրա համար նպատակային ֆինանսավորումը պլանավորել ենք 3 ուղղությամբ՝ միջավայրային հարմարեցում, մասնագիտական ծառայությունների հասանելիություն, խելամիտ պայմանների շրջանակ՝ անհատական մակարդակում յուրաքանչյուր երեխայի ապահովելու համար»:
Ժաննա Անդրեասյանի իրազեկմամբ՝ համակարգային փոփոխությունների շրջանակում հատուկ դպրոցները կվերակազմավորվեն ռեսուրս կենտրոնների, որտեղ կուտակված ներուժն ու մասնագիտական ռեսուրսը կուղղվեն ամբողջ համակարգի զարգացմանն ու մյուս հաստատությունների օժանդակմանը:
Միջոցառմանը մասնակցել են նաև Հայկական պետական մանկավարժական համալսարանի ռեկտոր Սրբուհի Գևորգյանը, ՅՈՒՆԻՍԵՖ-ի կրթական ծրագրերի ղեկավար Ալվարդ Պողոսյանը, պետական կառույցների ներկայացուցիչներ:
Այս տարի առաջին անգամ է աշխատաժողովն անցկացվում նաև առկա ձևաչափով, և մինչև հուլիսի 4-ը ներառյալ կլինեն 120 ելույթներ, այդ թվում՝ առցանց հանդիպումներ։
«EDUArmenia»-ի համահիմնադիր Լիլիթ Մկրտչյանի տեղեկացմամբ՝ հեռավար դասախոսություններին միացել են աշխարհի տարբեր անկյուններից՝ ինչպես Հայաստանից, այնպես էլ Արցախից, սփյուռքից, և տարբեր երկրների փորձագետներ ևս փորձել են փոխանցել իրենց իմացությունը, աջակցել աշխատաժողովի իրականացմանը:
Աշխատաժողովի ներառական կրթության բաժնի 60 խոսնակներ հանդես կգան դասախոսություններով, որոնց հիմնական թեմատիկ ուղղություններն են՝
Ներառական կրթության քաղաքականություն, արժեքների ձևավորում,
Դասավանդման ներառող ռազմավարություններ, այդ թվում՝ ուսուցման համընդհանուր ձևավորում,
Կրթական միջավայրի հարմարեցումների ապահովում, այդ թվում՝ աջակցող տեխնոլոգիաների կիրառում,
Ներառականությունը նախադպրոցական տարիքում,
Ներառականությունը հետդպրոցական կրթության մեջ,
Բացառիկ ընդունակություններով սովորողների կրթության կազմակերպում:
Դասախոսություններից բացի՝ նախատեսվում են նաև հարցուպատասխան ձևաչափով քննարկումներ:
13:25 22.06.2025
Առաջիկա օրերի եղանակային կանխատեսումը
14:14 22.06.2025
ՄԱԳԱՏԷ-ն հայտարարել է, որ ԱՄՆ-ի կողմից հարվածի ենթարկված իրանական միջուկային օբյեկտներում հարստացված ուրան է եղելԱՄՆ-ի կողմից հարվածի ենթարկված իրանական օբյեկտները պարունակում էին հարստացված ուրան, որը կարող է ռադիոակտիվ և քիմիական աղտոտում առաջացնել օբյեկտների ներսում, հայտարարել է Ատոմային էներգիայի միջազգային գործակալությունը (ԱԷՄԳ): «Հունիսի 13-ին Իրանի վրա հարվածներից առաջ ՄԱԳԱՏԷ-ի կողմից ստուգված վերջին տեղեկատվության համաձայն՝ ԱՄՆ-ի կողմից հարվածի ենթարկված երեք օբյեկտ, այդ թվում՝ Սպահանի և Նաթանզի օբյեկտները, պարունակում էին միջուկային նյութ՝ […] ...
13:40 22.06.2025
«Ռեալը» ուկրաինացի դարպասապահի տրանսֆերի համար պահանջում է 20 միլիոն եվրոՈւկրաինայի հավաքականի դարպասապահ Անդրեյ Լունինը ցանկանում է այս ամռանը հեռանալ Մադրիդի «Ռեալից», հաղորդում է DefensaCentral-ը։ 26-ամյա դարպասապահը ցանկանում է մշտական տեղ ունենալ մեկնարկային կազմում։ Անդրեյ Լունինի գործակալ Ժորժե Մենդեշը «Ռեալի» ղեկավարությանը հայտնել է, որ մի քանի ակումբ հետաքրքրված է ֆուտբոլիստի ծառայություններով և տրանսֆերի համար առաջարկում է 12-15 միլիոն եվրո։ Մադրիդյան ակումբը պահանջում է առնվազն 20 […] ...
13:25 22.06.2025
Առաջիկա օրերի եղանակային կանխատեսումըՄարզերում հունիսի 22-ի ցերեկը, 23-ին՝ գիշերը և կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Հունիսի 24-27-ին սպասվում է առանց տեղումների եղանակ։ Քամին՝ հարավարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։ Օդի ջերմաստիճանը հունիսի 22-ի ցերեկը, 23-ին աստիճանաբար կնվազի 2-4 աստիճանով։ Երևանում հունիսի 22-ի երեկոյան […] ...
13:00 22.06.2025
Սաուդյան Արաբիան դատապարտել է ԱՄՆ-ի կողմից Իրանի դեմ ուղղված հարվածներըՍաուդյան Արաբիան դատապարտում է Իրանի ինքնիշխանության խախտումը՝ ԱՄՆ-ի կողմից նրա միջուկային օբյեկտներին հասցված հարվածների հետևանքով, նշում է լարվածության թուլացման կարևորությունը և կոչ է անում միջազգային հանրությանը ակտիվորեն աշխատել ճգնաժամի քաղաքական լուծման համար, հայտարարել է թագավորության արտաքին գործերի նախարարությունը։ «Սաուդյան Արաբիան խորը մտահոգությամբ է հետևում եղբայրական Իրանի Իսլամական Հանրապետությունում տեղի ունեցող զարգացումներին, մասնավորապես՝ ԱՄՆ-ի կողմից Իրանի […] ...
12:38 22.06.2025
Հրդեհ` Գետաշեն գյուղումՀունիսի 22-ին` ժամը 10:27-ին, Արմավիրի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ հրդեհ է բռնկվել Գետաշեն գյուղի 11-րդ փողոցի տներից մեկի տանիքում: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։ Պարզվել է, որ հրդեհը բռնկվել է տան հյուրասենյակում և տանիքում: Հրդեհը մեկուսացվել է ժամը 10:55-ին, մարվել՝ […] ...
12:14 22.06.2025
Իրանը ԱՄՆ-ի հարվածներից հետո առաջին անգամ Իսրայելի դեմ կիրառել է «Խեյբար» հրթիռներԹեհրանը նոր «Խեյբար» հրթիռները Իսրայելի դեմ կիրառել է առաջին անգամ՝ ԱՄՆ-ի կողմից Իրանին հարվածելուց հետո, հաղորդում է Mehr-ը: ««Խեյբար» հրթիռը առաջին անգամ արձակվել է Իսրայելի ուղղությամբ այս գործողության ընթացքում», – հաղորդում է գործակալությունը: Իր հերթին, Իսրայելի պաշտպանության բանակը հայտնել է, որ երկրի ռազմաօդային ուժերը սկսել են հարվածներ հասցնել Իրանի արևմուտքում գտնվող ռազմական թիրախներին: ...
