19:38 08.07.2022
Գյումրի-Արմավիր հանրապետական նշանակության ավտոճանապարհի վրա 70-ականներին կառուցված կամուրջներից մեկը վաղուց երթևեկության համար համարվում է վտանգավոր և արգելված, թեև արգելանքը վարորդները հաճախ շրջանցում են։ Գյումրի-Արմավիր ճանապարհի 14,5 և մոտ 15 կմ երկարության հատվածներն այս տարվա կապիտալ հիմնանորոգման ծրագրում են, բայց փլուզվող կամուրջների ամբողջական նորոգում նախատեսված չէ:
Կամրջի մի հատվածը մոտ 10 օր առաջ է փլուզվել՝ մի քանի օր տեղացած անձրևների պատճառով։ Գիշերվա ժամին է եղել, կամրջի ոչ երթևեկելի քանդված հատվածով ավտոմեքենա է անցել և հայտնվել է բացված փոսի մեջ։ Վթարից հետո վտանգավոր տարածքը սահմանազատել են, բայց պարզվում է՝ այդ զգուշացումը վարորդները շարունակում են անտեսել։
«Ժապավեններով տարածքը սահմանազատել էինք, որ երթևեկություն չլինի, նոր փորձանք չլինի, բայց ինչքան հասկանում եմ՝ նոր դեպք եղել է, նոր մեքենայի հետքեր են երևում, արգելակների տեղերն են, երևի ընկել է փոսը»,- ասում է Լուսաղբյուրի վարչական ղեկավար Մելս Մանուկյանը։
Լուսաղբյուրի վարչական տարածքում 70-ականներին կառուցված 2 այսպիսի կամուրջ կա, որոնցից մեկը գյուղը կապում է մայրուղուց այն կողմ գտնվող վարելահողերին, մյուսն էլ նախատեսված է գյուղամիջով հոսող ջրի թողունակության համար։ 2 կամուրջն էլ այժմ կիսախարխուլ վիճակում են։ Գյումրի-Արմավիր ավտոմայրուղու 18-րդ կմ-ում գտնվող այս կամրջի աջակողմյան հատվածը 10 տարուց ավելի է՝ չի շահագործվում, երթևեկել թույլատրվում է միայն ձախակողմյան հատվածով։
«2006 թվականին, որ ճանապարհի մի հատվածը կառուցել են, կամուրջն էլ հետն են հիմնանորոգել, բոլոր հիմնասյուները փոխել են, կամուրջը նորից հավաքվել է, բայց մենակ ձախը կողմը՝ Գյումրիից գալուց։ Իսկ մյուս կողմում ոչ մի աշխատանք չի կատարվել»,- ասում է Լուսաղբյուրի վարչական ղեկավարը։
Ոչ միայն կամուրջը, նաև ամբողջ ավտոմայրուղին այժմ ձախակողմյան երթևեկությամբ է։ Դժվարանցանելի ու փոսառատ ճանապարհն արդեն 2 տարի է՝ չի սպասարկվում: Սահմանված նորմերով է՝ եթե ճանապարհի փոսայնությունը գերազանցում է 4 տոկոսը, այն ենթակա չէ սպասարկման։ Այստեղ փոսերն արդեն ոչ թե քանակով են հաշվում, այլ խորությամբ։
«Հյուսիս-հարավ» ավտոմայրուղում ընթացող շինարարությամբ պայմանավորված՝ Գյումրի-Արմավիր հանրապետական նշանակության ճանապարհը մի քանի տարի է՝ ծանրաքաշ մեքենաների համար դարձել է այլընտրանքային։ Մեծ բեռնատարների ինտենսիվ երթևեկության պատճառով քանդված ավտոճանապարհն էլ ավելի է քայքայվել։
Միջհամայնքային երթուղիները սպասարկող ուղևորատար տրանսպորտը ևս ամեն օր գյուղից գյուղ նույն ճանապարհով է անցնում։ Երթուղին անցնում է Երազգավորս-Աղին, ինչպես նաև Լուսաղբյուր -Անի Պեմզա գյուղերով։ Բացի դրանից, Գյումրի-Արմավիրը միակ ճանապարհն է Անիի տարածաշրջանի 13 գյուղերի համար։ Վարորդներին մտահոգողը մեքենաների տեխնիկական վիճակն է, գյուղի բնակիչներին՝ ժամանակի անտեղի կորուստը և գյուղմթերքի անհարմար տեղափոխությունը։
«20 րոպեի ճանապարհը 1 ժամում ենք անցնում։ Մինչև տեղ կհասնինք, ահավոր կհոգնինք էս ճանապարհի պատճառով, շատ վատ է, քարուքանդ վիճակ է։ Մեքենաները ջարդվում են, դեպքեր են լինում, որ կանգնում, երկար սպասում ենք մինչև սարքեն, նոր շարունակենք ճանապարհը»,- դժգոհում են ուղևորները։
Գյումրի-Արմավիր հանրապետական նշանակության ավտոճանապարհի հիմնանորոգումն այս տարվա կապիտալ ծախսերի ծրագրում է։ Մարզի քաղաքաշինության վարչության տվյալներով՝ շինկազմակերպության մրցույթը կայացել է։ Գումարի չափն ու հատկացման ժամկետները հայտնի կդառնան կառավարության որոշմամբ։ Նախատեսվում է Շիրակի մարզի տարածքով անցնող 14,5 և մոտ 15 կմ երկարության 2 ճանապարհահատվածները հիմնանորոգել։ Բայց ինչպես 2006 թվականին էր, այս անգամ էլ ճանապարհի և փլուզվող կամուրջների ձախակողմյան հատվածը կնորոգվի, աջակողմյան երթևեկությունը կրկին փակ կմնա։
23:59 01.08.2025
Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր. ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում գրել է. «Երևանը շարունակում է զարգանալ: Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր՝ կանաչ տարածքներ, հանգստի վայրեր, ժամանակակից խաղահրապարակներ ու ֆուտբոլի դաշտեր: Մեր նպատակը պարզ է՝ բակերը վերադարձնել իրենց իրական տերերին՝ մարդկանց»։ Մանրամասները՝ տեսանյութում: ...
23:56 01.08.2025
Երևանի խնդրանքով ՌԴ-ն միջոցներ կձեռնարկի հացահատիկային բեռների անցումը Վերին Լարսի անցակետով թույլատրելու համարՌուսաստանի կառավարությունը Հայաստանի խնդրանքով հանձնարարել է լրացուցիչ միջոցներ ձեռնարկել Ռուսաստանից Հայաստան հացահատիկով բեռնատարների անցումը Վերին Լարսի անցակետով կազմակերպելու համար, հայտարարել է Ռուսաստանի փոխվարչապետ Ալեքսեյ Օվերչուկը։ «Ռուսաստանի Դաշնության իրավասու մարմիններին հանձնարարվել է լրացուցիչ միջոցներ ձեռնարկել Ռուսաստանից Հայաստանի Հանրապետություն հացահատիկով բեռնատարների անցումը Վերին Լարսով կազմակերպելու համար, որոնց տեղաշարժը սահմանափակվել էր վատ եղանակի և սելավի պատճառով։ Մենք փորձում […] ...
23:49 01.08.2025
El Tiempo. Կոլումբիայի նախկին նախագահը կդատապարտվի 12 տարվա ազատազրկման՝ վկային կաշառելու համարԴատարանը Կոլումբիայի նախկին նախագահ Ալվարո Ուրիբեին, որը մեղավոր է ճանաչվել վկային կաշառելու մեջ, կդատապարտի 12 տարվա ազատազրկման։ Այս մասին հայտնել է El Tiempo թերթը, որը ծանոթացել է դատավորի վճռին։ «Ալվարո Ուրիբե Վելեսը կդատապարտվի 144 ամսվա, այսինքն՝ 12 տարվա ազատազրկման, նվազագույն աշխատավարձի 2420 չափով տուգանքի և 100 ամիս 20 օր ժամկետով պետական պաշտոններ զբաղեցնելու արգելքի», – […] ...
23:40 01.08.2025
Սևանա լճում քաղաքացիները հայտնաբերել են տղամարդու մասնատված մարմինՕգոստոսի 1-ին, առեղծվածային ու ողբերգական դեպք է տեղի ունեցել Գեղարքունիքի մարզում։ Ժամը 18:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության ոստիկանության Մարտունու բաժնում օպերատիվ տեղեկություններ են ստացվել, որ Մարտունի խոշորացված համայնքի Արծվանիստ բնակավայրի Սևանա լճում դի կա։ Այս մասին հաղորդում է shamshyan.com-ը, տեղում պարզվել է, որ քաղաքացիները ափից մոտ 200 մետր հեռավորության […] ...
23:29 01.08.2025
Հութիները հայտարարել են Բեն Գուրիոն օդանավակայանի վրա բալիստիկ հրթիռ արձակելու մասինԵմենի ապստամբ «Անսար Ալլահ» շարժման հութիները գերձայնային բալիստիկ հրթիռով հարվածել են Թել Ավիվի Բեն-Գուրիոն օդանավակայանին։ Այս մասին հայտարարել է ապստամբների ներկայացուցիչ Յահյա Սարիան։ «Հրթիռային զորքերն իրականացրել են եզակի ռազմական գործողություն՝ հարձակվելով Լոդ օդանավակայանի (խմբ. Բեն-Գուրիոն) վրա՝ օգտագործելով «Պաղեստին-2» տիպի գերձայնային բալիստիկ հրթիռ», – ասել է Սարիան, որի ելույթը հեռարձակվել է ապստամբներին պատկանող Al Masirah հեռուստաալիքով։ […] ...
23:17 01.08.2025
Փրկարարներն ուղղել են կողաշրջված բեռնատարըՕգոստոսի 1-ին, ժամը 16։20-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կապան-Աղվանի ավտոճանապարհի 31-րդ կմ-ին բեռնատարը կողաշրջվել է, ճանապարհը դարձել է միակողմանի, տուժածներ չկան. անհրաժեշտ է փրկարարների օգնությունը: Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից և Աղվանու հենակետից մեկական մարտական հաշվարկ։ Պարզվել է, որ «KamAZ» մակնիշի բեռնատարը […] ...
