17:34 16.07.2022
Կենսաբանության 33-րդ միջազգային օլիմպիադայի աշակերտական պատվիրակությունների անդամներն այսօր Երևանի պետական համալսարանում մասնակցել են «Միջազգային խմբային աշխատանք» մրցույթին, որտեղ նրանք ներկայացրել են թիմային գիտական նախագծեր և պաստառներ։
Նոր ձևաչափով անցկացվող այս միջոցառմանը մասնակցել են գիտությամբ հետաքրքրված ԿՄՕ-ի մասնակից շուրջ 250 աշակերտներ՝ կազմելով գիտական թիմեր՝ յուրաքանչյուր թիմում 4-ական մասնակից տարբեր երկրներից։ Թիմերն ունեն նաև գիտական ղեկավար և համակարգող:
Մասնակիցներն ընտրել են նախապես սահմանված հինգ թեմաներից (մոլեկուլային և բջջային կենսաբանություն, կենսաբժշկություն, միջտեսակային հարաբերություններ, բիոնիկա և բիոմիմիկրիա, կենսաինֆորմատիկա ու արհեստական բանականություն) մեկը և սկսել հետազոտական աշխատանքի իրականացումը։
Հետազոտությունները գնահատվել են՝ հաշվի առնելով ընտրված թեմայի արդիականությունը, մասնակիցների մտահորիզոնը, կիրառած մեթոդոլոգիան, խմբի արդյունքներն ու եզրակացությունները, նախագծի ներկայացման որակը, իսկ վերջում՝ ժյուրիի անդամների կողմից տրված հարցերի պատասխանները:
Միջազգային խմբային աշխատանքը նոր ձևաչափ է կենսաբանության միջազգային օլիմպիադայում, որն առաջին անգամ անցկացվել է 2020 թվականին Ճապոնիայում։
«Միջազգային խմբային աշխատանք» մրցույթը թիմային նախագիծ է, որի նպատակն է միավորել նույնանման գիտական հետաքրքրություններ և նորարար մտածողություն ունեցող աշակերտների ներուժը։
Տարբեր երկրներ և ազգեր ներկայացնող աշակերտական թիմերն առաջադրված խնդրի շուրջ իրականացնում են հետազոտական աշխատանք, որը հիշեցնում է իսկական գիտական հետազոտություն։ Այնուհետև օլիմպիականները գիտական ղեկավարների և համակարգողների օգնությամբ լուծում են առաջադրված կենսաբանական հիմնախնդիրը, ապա պաստառներով ներկայացնում իրենց աշխատանքը, որը գնահատվում է ժյուրիի կողմից: Նախագծում ընդգրկված գիտական ղեկավարներն ու համակարգողները գիտնականներ են, գիտությամբ զբաղվող ուսանողներ կամ ԿՄՕ շրջանավարտներ։
«Միջազգային խմբային աշխատանք» նախագծի ժյուրիի կազմում ընդգրկված են Կենսաբանության միջազգային օլիմպիադայի կազմկոմիտեի և միջազգային ժյուրիի ներկայացուցիչներ։
«Միջազգային խմբային աշխատանք» մրցույթը մասնակցի մեջ զարգացնում է խնդիրներ առաջադրելու, հիպոթեզ կազմելու, ուսումնասիրություններ իրականացնելու և եզրակացություն անելու, ստեղծարար թիմային աշխատանք կատարելու հմտություններ:
«Միջազգային խմբային աշխատանք» մրցույթի հաղթողների անունները կհայտարարվեն վաղը՝ հուլիսի 17-ին, Կենսաբանության 33-րդ միջազգային օլիմպիադայի փակման արարողության ժամանակ։
11:07 02.08.2025
Տարադրամի փոխարժեքներն օգոստոսի 2-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 382 դրամ, վաճառքի նվազագույն արժեքը՝ 384․50 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 441 դրամ: Ռուսական ռուբլու առքի առավելագույն արժեքն է 4․75 դրամ, վաճառքի նվազագույն արժեքը՝ 4.82 դրամ: ...
10:45 02.08.2025
Աֆղանստանում երկրաշարժ է տեղի ունեցելԱֆղանստանում տեղի է ունեցել 5.0 մագնիտուդով երկրաշարժ, հայտնում է Եվրոպական-Միջերկրածովյան Սեյսմոլոգիական Կենտրոնը (EMSC): Սեյսմոլոգիական կենտրոնի տվյալներով՝ ցնցումը տեղի է ունեցել ուրբաթ օրը՝ UTC ժամանակով ժամը 21:03-ին՝ Բաղլան քաղաքից 121 կիլոմետր արևելք, որի բնակչությունը կազմում է 108 հազար մարդ։ Էպիկենտրոնը գտնվել է 123 կիլոմետր խորության վրա։ Զոհերի կամ ավերածությունների մասին հաղորդագրություններ չեն եղել։ ...
10:16 02.08.2025
Սպիտակ տունը հաստատել է Ռուսաստանի դեմ նոր պատժամիջոցներ սահմանելու մտադրությունըԱՄՆ նախագահ Դոնալդ Թրամփը կրկին հայտարարել է, որ նախատեսում է պատժամիջոցներ կիրառել Ռուսաստանի դեմ, եթե ուկրաինական հակամարտության կարգավորման հարցում առաջընթաց չլինի իր կողմից սահմանված ժամկետներում։ NEWSMAX-ին տված հարցազրույցում նա ասել է, որ Ռուսաստանի նախագահ Վլադիմիր Պուտինի հետ հեռախոսազրույցներում նշել է՝ «այս պատերազմը պետք է ավարտվի», որ դա «սարսափելի պատերազմ է»։ «Ես կարծում էի, որ մենք […] ...
09:53 02.08.2025
Ճապոնիայում երկրաշարժ է տեղի ունեցելՃապոնիայի ափերի մոտ տեղի է ունեցել 5.6 մագնիտուդով երկրաշարժ, հայտնում է երկրի գլխավոր օդերևութաբանական վարչությունը։ Ցնցումները սկսվել են Հոկայդո կղզու ափի մոտ ՝ տեղական ժամանակով ժամը 07:27-ին: Գերատեսչությունը չի նշել երկրաշարժի օջախի խորությունը: Ճապոնիայում ընդունված յոթ բալանոց սանդղակով ցնցումների առավելագույն ուժգնությունը հասել է երեք բալի։ ...
09:30 02.08.2025
Թրամփը հայտարարել է, որ Պուտինի մասին իր կարծիքը չի փոխվելԱՄՆ նախագահ Դոնալդ Թրամփը Newsmax-ին տված հարցազրույցում հայտարարել է , որ Ռուսաստանի նախագահ Վլադիմիր Պուտինի մասին իր կարծիքը չի փոխվել, և որ ամերիկացի նախագահը Ռուսաստանի առաջնորդին համարում է «ամուր տեսակ»։ «Նա ( Պուտինը – խմբ.) անկասկած ամուր տեսակ է, այնպես որ այդ առումով ոչինչ չի փոխվել», – ասել է Թրամփը։ Ավելի վաղ Թրամփը հայտարարել էր, […] ...
08:55 02.08.2025
Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համարՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։ ...
