21:55 07.08.2018
ՀՀ փոխվարչապետ Տիգրան Ավինյանին «Ազատության» ֆեյսբուքյան ասուլիսի ժամանակ օգտատերերը հիշեցրին՝ իտալական «Ռենկո» ընկերությունը պատրաստակամություն էր հայտնել Հայաստանում նոր ՋԷԿ-ի շինարարություն սկսել՝ նոր աշխատատեղեր ստեղծելով, ապա հետաքրքրվեցին՝ արդյո՞ք հայկական կողմի պատճառով այդ գործարքը չկայացավ:
«Նմանատիպ գործարքներում մի շատ կարևոր բան կա, որ պետք է արձանագրենք. մասնավորապես՝ «Ռենկո»-ի դեպքն այսպես ասած «պետություն-մասնավոր համագործակցության» շրջանակում պետք է դիտարկենք: «Ռենկո»-ն պարտավորվում էր կառուցել ջերմաէլեկտրակայան, պետությունը պարտավոր էր 20 տարի գնել ամբողջ էլեկտրաէներգիան, որ պետք է «Ռենկո»-ն արտադրեր, և համապատասխանաբար, ներդրումային այն հաշվարկը, որ դրվում էր, ասենք, 300 մլն դոլարի հաշվարկից ելնում է նաև սակագինը»,- ասաց նա:
Ավինյանը ներկայացրեց այս հարցում կառավարության ընդհանուր մոտեցումը, նշեց, որ սխալ է համարում մեկ ընկերության հետ գործարք կնքելը: Փոխվարչապետի խոսքով՝ նման գործարքի համար պարտադիր պետք է հայտարարվի տենդեր, որ ստանան լավագույն առաջարկը, լավագույն սակագինը, որովհետև պետությունն այդտեղ որոշակի պարտավորություն է ստանձնում: Նա մասնավորեցրեց՝ սա վերաբերում է բոլոր տիպի կայաններին, որոնցում պետությունը որոշակի պարտավորություն է ստանձնում՝ որոշակի ժամկետով:
««Ռենկո»-ի հարցը քննարկվում է, մեզ մոտ շատ հարցեր են առաջացել այս գործարքի հետ կապված՝ կասկածելի հարցեր: Մեզ նվազագույնն անհասկանալի է եղել նախորդ կառավարության այն մոտեցումը, որ ուղիղ մեկ ընկերության հետ փորձել է պայմանագիր կնքել, այս մոտեցումն ընդունելի չէ, և այլևս այն չենք կիրառելու նմանատիպ գործարքների համար»,- ասաց նա:
Օգտատերերից մեկը հետաքրքրվեց՝ ի՞նչ են պատրաստվում անել «Վեոլիա ջուր» ընկերության դեպքում, որը ևս մենաշնորհ ունի: Ավինյանն անդրադարձավ ջրանջատումներին, որոնցից դժգոհում են բնակիչները.
««Վեոլիա ջուր»-ը բացատրում է դա հիմնականում վերանորոգման աշխատանքներով՝ այդ աշխատանքների ինտենսիվ փուլով, նաև հեղափոխությունից հետո դրանք ավելի են ինտենսիվացել: «Վեոլիա ջրի» հետ մենք ուղիղ կապի մեջ ենք, բոլոր խնդիրները լուծում ենք շատ օպերատիվ, ես համոզված եմ, որ «Վեոլիա ջուր»-ը վաղ թե ուշ կկարողանա պատշաճ ձևով այս խնդիրները լուծել»:
21:25 30.04.2025
Կայացել է Երևանում անցկացվելիք վոլեյբոլի Եվրոպայի Մ16 առաջնության վիճակահանությունըԵրևանում հուլիսի 23-ից օգոստոսի 3-ը կանցկացվի վոլեյբոլի Եվրոպայի մինչև 16 տարեկան տղաների առաջնությունը, որին Հայաստանի ու ևս 15 երկրի ներկայացուցիչներ կմասնակցեն: Արդեն տեղեկացրել ենք, որ Հայաստան կժամանեն Ֆրանսիայի, Լեհաստանի, Իտալիայի, Հունգարիայի, Լատվիայի, Չեխիայի, Թուրքիայի, Բուլղարիայի, Իսպանիայի, Ուկրաինայի, Ավստրիայի, Հունաստանի, Սերբիայի, Սլովենիայի և Ռումինիայի պատվիրակները: Կայացել է առաջնության վիճակահանությունը, որի արդյունքներով Հայաստանի հավաքականի ենթախմբում ընդգրկվել են […] ...
21:09 30.04.2025
Պեսկովը հաստատել է Սի Ծինփինի մասնակցությունը Մոսկվայում մայիսի 9-ի տոնակատարություններինՉինաստանի Ժողովրդական Հանրապետության նախագահ Սի Ծինփինը մայիսի 9-ին Մոսկվայում կմասնակցի Հաղթանակի 80-ամյակի տոնակատարությանը։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։ «Մենք սպասում ենք Չինաստանի առաջնորդին։ Նախագահ Սի Ծինփինը առանձին այց կունենա։ Մենք մեծ նշանակություն ենք տալիս այցին և պատրաստվում ենք դրան», – ասել է Կրեմլի ներկայացուցիչը։ Ավելի վաղ Ռուսաստանի նախագահ Վլադիմիր Պուտինը […] ...
20:54 30.04.2025
ՀՀ ՏԿԵ նախարարն ընդունել է Միջազգային տրանսպորտային ֆորումի (ITF) գլխավոր քարտուղարին և ITF ավտոմոբիլային տրանսպորտի խմբի ղեկավարինՀՀ ՏԿԵ նախարար Դավիթ Խուդաթյանը Ֆեյսբուքի իր էջում հայտնել է, որ այսօր ընդունել է Միջազգային տրանսպորտային ֆորումի (ITF) գլխավոր քարտուղար Յոնգ Թե Կիմին և ITF ավտոմոբիլային տրանսպորտի խմբի ղեկավար Յուստաս Ռասոմավիչյուսին։ «Ողջունել եմ հյուրերին և շնորհակալություն եմ հայտնել տրանսպորտի ոլորտում և հատկապես Որակի Խարտիայով նախատեսված պահանջներին համապատասխան օրենսդրական բարեփոխումներին աջակցելու համար։ Պատրաստակամություն եմ հայտնել հաջորդիվ […] ...
20:36 30.04.2025
Վարչապետն աշխատանքային հանդիպում է ունեցել աշխատանքի և սոցիալական հարցերի նախարարի հետՀՀ վարչապետ Նիկոլ Փաշինյանն աշխատանքային հանդիպում է ունեցել աշխատանքի և սոցիալական հարցերի նախարար Նարեկ Մկրտչյանի հետ: Այս մասին հայտնել է վարչապետը Ֆեյսբուքի իր էջում: Մանրամասները՝ տեսանյութում: ...
20:17 30.04.2025
Աշխարհի լավագույն ռմբարկուների տասնյակըՊորտուգալիայի հավաքականի և սաուդյան «Ալ Նասրի» 40-ամյա հարձակվող Կրիշտիանու Ռոնալդուն 934 գոլով աշխարհի լավագույն ռմբարկուն է գործող ֆուտբոլիստների շարքում։ Լավագույն ռմբարկուների տասնյակը հետևյալն է․ 1․Կրիշտիանու Ռոնալդու («Ալ Նասր»)՝ 934 գոլ 2․Լիոնել Մեսսի («Ինտեր Մայամի»)՝ 858 3․Ռոբերտ Լեւանդովսկի («Բարսելոնա»)՝ 710 4․Լուիս Սուարես («Ինտեր Մայամի»)՝ 587 5․Քարիմ Բենզեմա («Ալ Իթիհադ»)՝ 494 6․Էդինսոն Կավանի («Բոկա Խունիորս»)՝ 462 7․Հարի […] ...
