23:40 07.08.2018
ՀՀ փոխվարչապետ Տիգրան Ավինյանը քննչական մարմինների գործողություններին որևէ գնահատական չի տալիս: «Ազատության» ֆեյսբուքյան ասուլիսի ժամանակ օգտատերերի հարցին՝ արդյո՞ք ամբողջությամբ օրինականության շրջանակում են քննչական մարմինների գործողությունները, Ավինյանը պատասխանեց.
«Իմ անձը չէ, որ պետք է այս գնահատականը տա: Ես համոզված եմ, որ կլինեն սխալներ, և դրանք պետք է հաշվի առնվեն, որպեսզի ապագայում այդ համակարգերում համապատասխան գործողություններ իրականացվեն: Եթե 25 տարի մի համակարգ աշխատել է մի տրամաբանությամբ, մեկ օրում չի կարող ամեն ինչ փոխվել. սա որոշակի ժամանակ պահանջող գործընթաց է»,- ասաց նա:
Ավինյանն ընդգծեց՝ որևէ մեկն անսխալական չէ: Անդրադառնալով վերջին օրերին համացանցում լայնորեն շրջանառվող դեպքերին, երբ ԼԳՏՊ համայնքի որոշ ներկայացուցիչների հանդեպ բռնություն էր կիրառվել, Ավինյանը նշեց, որ բռնությունը պետք է բացառվի:
«Ամենակարևոր բանը, որի մասին մենք ինքներս մեզ համար և հասարակությունում պետք է անընդհատ խոսենք, այն է՝ բռնությունն անընդունելի է որևէ հարց լուծելու համար, և արժեքային այդ համակարգի ձևավորումն առաջին հերթին պետք է գա այս տրանաբանությունից: Երբ ասում էինք սիրո և համերաշխության հեղափոխություն, դա ենթադրում էր հենց արժեքային հեղափոխություն, որն էլ ենթադրում էր բռնության բացառումը՝ որպես խնդիրների լուծման մեթոդ: Ինձ համար բոլոր նմանատիպ հարցերում ամենաէականը և կարևորը բռնության բացառումն է»,- պատասխանեց նա:
Հարցին՝ արդյո՞ք այդ դեպքը չի կարող սադրանք լինել՝ խնդիրներ առաջացնելու համար եվրոպական գործընկերների հետ համագործակցության հարցում, Ավինյանը պատասխանեց, որ գործընկերների հետ համագործակցության որևէ խնդիր չի տեսնում, բոլոր հարցերում փորձում են հնարավորինս անկեղծ գտնվել, բարձրաձայնել այն խնդիրները, որ մեր հասարակության մեջ կան:
«Ես, անկեղծ ասած, որևէ գնահատական էլի չեմ ուզենա տալ այս հարցով, ինձ համար մի բան անընդունելի է՝ կիրառված բռնությունը, թեմայի բովանդակության մեջ անգամ չեմ ուզում խորանալ, բռնությունն անընդունելի է՝ անկախ պատճառից, անկախ թե ում դեմ է արվել, թե ինչ հիմքեր կային այդ բռնությունը կիրառելու համար: Մենք այս երկրում ամենաբարդ խնդրի լուծմանը գնացինք առանց բռնության, և այդ խնդիրը լուծեցինք, արդյո՞ք կան ավելի բարդ խնդիրներ մեր հասարակության մեջ, որ ունեն բռնությամբ լուծելու կարիք»,- նշեց Ավինյանը:
23:59 02.08.2025
Էդգար Անդրեասյանը լրացրել է իր առաջին միջազգային վարպետի նորմանԷդգար Անդրեասյանը Ռումինիայում անցկացված «Brasov Grand Prix Classic 2025» շախմատի միջազգային մրցաշարի շրջանակներում լրացրեց իր առաջին միջազգային վարպետի նորման։ Այս մասին հայտնել է Հայաստանի շախմատի ֆեդերացիան: Էդգարը 9 հնարավորից վաստակեց 6 միավոր և 158.8 կետով բարելավեց իր միջազգային վարկանիշը: ...
23:55 02.08.2025
Հրդեհ՝ Երևանում․ հրշեջներն ու քաղաքացիները կանխել են կրակի տարածումը․ հրդեհի պատճառը եղել է 3 կգ-ոց գազաբալոնից առաջացած արտահոսքըՕգոստոսի 2-ին, հրդեհ է տեղի ունեցել Երևանում։ Ժամը 19։40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Նորք վարչական շրջանի Վիլնյուսի փողոցի թիվ 55 շենքի երկրորդ հարկի բնակարաններից մեկից կրակ և ծուխ է նկատվում։ Ինչպես հայտնում է shamshyan.com-ը, ժամանել են Երևանի թիվ 9-րդ հրշեջ փրարարական ջոկատից […] ...
23:44 02.08.2025
Երևանի քաղաքապետարանը ձեռնարկել է նոր նախաձեռնություն կենդանասերների համարԵրևանի քաղաքապետարանը մեկնարկում է նոր սոցիալական նախաձեռնություն 10-15 տարեկան կենդանասերների համար, ովքեր բնակվում են Երևանում: Այս մասին հայտնել են Երևանի քաղաքապետարանից՝ նշելով, որ ծրագրի մասնակիցը դառնալու և գրանցվելու համար ցանկացողները կարող են զանգահարել 1-05 հեռախոսահամարով և այցելել «Կենդանիների խնամքի կենտրոն», որտեղ կարող են խնամել կենտրոնում ապրող շներին, խաղալ նրանց հետ, ինչպես նաև ցանկության դեպքում՝ դառնալ […] ...
23:32 02.08.2025
Արագածոտնի մարզում բախվել են «VOYAH» էլեկտրոմոբիլը և «Opel Astra»-ն․ երկու ավտոմեքենաները հայտնվել են դաշտում․ կան վիրավորներՕգոստոսի 2-ին, ավտովթար է տեղի ունեցել Արագածոտնի մարզում։ Ժամը 16։00-ի սահմաններում Ալագյազ-Ապարան ավտոճանապարհին բախվել են Երևանի բնակիչ 32-ամյա Աշոտ Խ․-ի վարած «VOYAH» մակնիշի էլեկտրոմոբիլը և Լոռու մարզի բնակիչ 33-ամյա Վլադմիրի Հ․-ի վարած «Opel Astra» մակնիշի ավտոմեքենան, ինչի հետևանքով 2 ավտոմեքենաներն էլ հայտնվել են դաշտում։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել […] ...
23:18 02.08.2025
Ըմբշամարտի Մ17 ԱԱ. Եղիշե Մոսեսյանը հաղթել է թուրք մրցակցին և դուրս եկել կիսաեզրափակիչՄ17 ԱԱ. Ազատ ոճային ըմբիշ 71կգ Եղիշե Մոսեսյանը 9:7 հաշվով հաղթեց թուրք մրցակցին և դուրս եկավ կիսաեզրափակիչ: Այս մասին հայտնել է ըմբշամարտի ֆեդերացիան: Մինչև այդ, նա հաղթել էր ռուս մրցակցին: Կիսաեզրափակչում հայ ըմբիշը կմրցի ԱՄՆ ներկայացուցչի հետ: ...
23:04 02.08.2025
Շիրակի մարզում «Ղոջի աղբյուր» կոչվող հատվածում ռուսական համարանիշներով «Tank»-ը դուրս է եկել երթևեկելի գոտուց և կողաշրջված հայտնվել ձորում․ կա 2 զոհ, 1 վիրավորOգոստոսի 2-ին, ողբերգական ավտովթար է տեղի ունեցել Շիրակի մարզում։ Ժամը 20։10-ի սահմաններում Բավրա-Գյումրի ավտոճանապարհին, ժողովրդին հայտնի «Ղոջի աղբյուր» կոչվող հատվածում ռուսական համարանիշներով «Tank» մակնիշի ավտոմեքենան դուրս է եկել ճանապարհի երթևեկելի գոտուց, բախվել բետոնե արգելապատնեշին, կոտրել այն և կողշարջված հայտնվել ձորում։ Ինչպես hայտնում է shamshyan.com-ը, վթարի հետևանքով 2 հոգի տեղում մահացել են, 1 հոգի ծայրահեղ ծանր […] ...
