Ո՞ր դեպքում բանկը չի վերադարձնում գումարը խաբեբաներից տուժածներին

Ռուսական բանկերը պարտավոր չեն խարդախների կողմից գողացված գումարները վերադարձնել իրենց հաճախորդներին, եթե նրանք իրենք են տրամադրել գաղտնի տվյալներ, ինչպիսիք են գաղտնաբառերը և փին կոդերը:  Միջոցները վերադարձնելու համար տուժողը պետք է ապացուցի, որ ինքը հանցավոր սխեմայի զոհ է դարձել, ՌԻԱ Նովոստիին ասել է ֆինանսական խորհրդատու, Ֆինանսական գրագիտության ազգային կենտրոնի փորձագետ Նատալյա Կոլբասինան։

Պետության ղեկավարի մամուլի քարտուղար Դմիտրի Պեսկովը օգոստոսի վերջին հայտնել էր, որ իր դուստրն անցյալ տարի ընկել է բանկային քարտերով խաբեբաների ցանցը։ Նա ասել է, որ աղջիկը, կարծես հիպնոսի տակ, «սկսել է նշել իր PIN-երը և այլն»։ Նրա երկու քարտերից գումար է հանվել, սակայն ի վերջո այդ միջոցները հետ են վերադարձվել։ Միաժամանակ Պեսկովը նշել է, որ չգիտի՝ արդյո՞ք հաջողվել է բռնել հարձակվողներին։

Կոլբասինան ասել է, որ օրենքի համաձայն՝ բանկը պարտավոր է վերադարձնել խարդախների կողմից գողացված գումարը, եթե հաճախորդը կատարել է երկու պայման։ Նախ, քարտից գումար հափշտակելու մասին նա բանկին հայտնել է կասկածելի գործարքի մասին ծանուցում ստանալուց ոչ ուշ, քան հաջորդ օրը:

«Եթե ուշացաք, բանկը իրավունք ունի հրաժարվել գումարը վերադարձնելուց: Պայմանագրում նշված է գողության մասին բանկին ծանուցելու եղանակը՝ հեռախոսով կամ անձամբ մասնաճյուղում»,- պարզաբանել է նա։

Երկրորդ պայմանը, եթե հաճախոդը չի խախտել գաղտնաբառերի պահպանման պայմանները, քարտի հետ չի պահել PIN կոդը, քարտի վրա չի գրել կոդը, որևէ մեկին թույլ չի տվել պատճենել կամ լուսանկարել քարտը: Եթե ​​բանկը հակառակն ապացուցի, ապա գողացված գումարը չի վերադարձնի հաճախորդին»,- պարզաբանել է Կոլբասինան։

«Եթե հաճախորդն ինքն է ծածկագրեր և գաղտնաբառեր տվել հեռախոսային խարդախներին, ապա գողացված գումարը վերադարձնելու համար նա պետք է ապացուցի, որ ինքը հանցավոր սխեմայի զոհ է դարձել, ինչը շատ խնդրահարույց է կիբերխարդախության դեպքում», – ասել է նա։

Նման խաբեությունները կատարվում են մի խումբ մարդկանց կողմից, և դժվար է հետևել բոլոր մասնակիցներին։ Հաճախ խաբեբաները ընդհանրապես չեն գտնվում Ռուսաստանում:

«Եվ եթե նույնիսկ հրաշք տեղի ունենա, և խաբեբաները հայտնաբերվեն, փաստ չէ, որ հնարավոր կլինի վերադարձնել գումարը, քանի որ մինչ այս պահը բոլոր միջոցներն արդեն հանված կլինեն հաշիվների, քարտերի, կրիպտո դրամապանակների և այլ շղթայի միջոցով:  Այդ իսկ պատճառով այժմ բանկի հաճախորդներին վերադարձվող գումարների այդքան ցածր տոկոս կա»,- եզրափակել է նա: