13:45 02.03.2018
2017 թվականին պետական բյուջե մուտքագրված հարկային և մաքսային եկամուտները կազմել են շուրջ 1 տրիլիոն 201 միլիարդ դրամ՝ ներառյալ ԱԱՀ-ի վերադարձի գումարները, ինչը նախորդ տարվա նույն ժամանակահատվածի համեմատ ավելի է շուրջ 124 միլիարդ դրամով կամ 11.6%-ով: Այս մասին լրագրողների հետ զրույցում նշել է ՊԵԿ նախագահի առաջին տեղակալ Կարեն Բրուտյանը: Նրա խոսքով 2018 թվականի հունվար-փետրվար ամիսներին պետական բյուջեի հարկային և մաքսային եկամուտները կազմում են ավելի քան 183 միլիարդ դրամ, այսինքն՝ նախորդ տարեսկզբի 2 ամիսների համեմատ ցուցանիշն աճել է 19 միլիարդ դրամով կամ մոտ 12%-ով: Խոշոր և միջին հարկ վճարողների ցուցանիշների աճը կազմել է 10.4%, փոքր հարկ վճարողներինը՝ 19.5%:
«2017 թվականի և 2018 թվականի հունվար-փետրվար ամիսների հարկային եկամուտների աճը հիմնականում ապահովվել է ստվերի կրճատման հաշվին»,-նշեց Բրուտյանը:
Ըստ Բրուտյանի՝ հարկերից խուսափողների երկու տեսակ կա: Առաջիններին նա պայմանականորեն կոչում է «չարամտորեն» հարկերից խուսափողներ: Նրանք այն տնտեսվարող սուբյեկտներն են, ովքեր օրենքով նախատեսված կանոնների խախտմամբ գործարքներ են իրականացնում, այսինքն` հսկիչ դրամարկղային կտրոն չեն տպում, շրջանառություն են թաքցնում: Առաջին խմբի մեջ են մտնում նաև նրանք, որոնք առանց փաստաթղթերի ձևակերպումների ապրանքներ են ստանում, վաճառք եւ շրջանառություն իրականացնում:
«Երկրորդը եկամտահարկի հետ կապված ռիսկերն են: Այսինքն, երբ որ աշխատողներին չեն գրանցում կամ գրանցում են և փաստացի վճարում են մի աշխատավարձ, բայց ձևակերպում են մեկ այլ աշխատավարձ: Երրորդը՝ երբ ծախսերը նվազացնելու կամ հարկման բազան նվազեցնելու նպատակով գործունեությանը չառնչվող ծախսեր են իրականացվում և այդ ծախսերը և այդկերպ շահութահարկի բազան նվազեցնում են: Ասենք՝ կնոջ համար ծառայողական մեքենա է գնում, որը տնտեսական գործունեության հետ կապ չունի, բայց դա անում է կազմակերպության ծախսերի հաշվին»,- ասաց ՊԵԿ նախագահի առաջին տեղակալը:
Նա նշեց նաև, որ հարկերից խուսափողների մի տեսակ էլ կա, որն օգտվում է օրենսդրական բացերից:
Հետաքրքիր է այն հանգամանքը, որ խոշորների մոտ ստվերի տեսակարար կշիռը ցածր տոկոս ունի, քան փոքրերի մոտ: Բրուտյանի խոսքով՝ ֆիսկալ իմաստով խոշորի ազդեցությունը շատ ավելի մեծ է, բայց տեսակարար կշռի իմաստով խոշորում ռիսկային համարվող կազմակերպությունների ընդհանրացված ստվերը 15-20% է, իսկ փոքրում՝ 50-100%:
ՊԵԿ նախագահի առաջին տեղակալը տեղեկացրեց նաև, որ Հայաստանի ամբողջ տարածքում հարկային մարմինն արդեն ծառայություն է մատուցում «մեկ պատուհան» սկզբունքով: Այսինքն հարկ վճարողը՝ անկախ իր հաշվառման վայրից, կարող է դիմել հարկային մարմնի տարածքային ցանկացած ստորաբաժանում և ստանալ սպասարկման ծառայություններ: Գործընթացի կազմակերպման նպատակով ավելի քան 800 հարկային ծառայող վերապատրաստվել է:
00:00 30.04.2025
PFAS պոլիմերների ազդեցությունը առողջության և շրջակա միջավայրի վրաԵվրոպական շրջակա միջավայրի գործակալության նոր զեկույցը ահազանգում է՝ նախկինում համեմատաբար անվնաս համարվող PFAS պոլիմերները (հայտնի որպես “հավերժ քիմիական նյութեր”) կարող են լուրջ ռիսկեր ներկայացնել ինչպես մարդու առողջության, այնպես էլ շրջակա միջավայրի համար։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: PFAS պոլիմերներն օգտագործվում են ամենօրյա ապրանքներում՝ տեքստիլ, կոսմետիկա, էլեկտրոնիկա և նույնիսկ «կանաչ» տեխնոլոգիաներում։ Ինչո՞վ […] ...
23:58 29.04.2025
Կաթիլային և անձրևացման ոռոգման համակարգեր. Արդյունավետության բարձրացում գյուղատնտեսությունումԿաթիլային և անձրևացման ոռոգման համակարգերը կազմում են ժամանակակից գյուղատնտեսական ոռոգման հիմքը՝ խնայելով ջրային ռեսուրսները և բարձրացնելով բերքի որակական և քանակական հատկանիշները: Այս մասին հայտնել են ՀՀ էկոնոմիկայի նախարարությունից: Կաթիլային և անձրևացման ոռոգման համակարգերը բաղկացած են հետևյալ հանգույցներից և տարրերից՝ Ջրաղբյուր (պոմպակայան կամ ինքնահոս ճնշումային) Ֆիլտրացման հանգույց Պարարտանյութի պատրաստման և ներմուծման հանգույց Գլխավոր խողովակաշար Ճնշման կարգավորիչներ […] ...
23:57 29.04.2025
Հաջողության պատմություն՝ Նոր ԿյանքիցԱշխատելու համար հարազատ գյուղից Գյումրի տեղափոխվելու միտքը Քրիստինան փոխեց համավարակից հետո: Նա դիմեց Կառավարության աջակցության կորոնավիրուսի հետևանքների հաղթահարման 19-րդ ծրագրին ու Վարդաքարում հիմնեց սեփական ընտանեկան փոքրիկ բիզնեսը, իսկ ամիսներ առաջ տեղափոխվել է Նոր Կյանք ու գործին նոր տեմպ տվել: Մանրամասները՝ տեսանյութում: ...
23:56 29.04.2025
Ամենայն Հայոց Կաթողիկոսը հյուրընկալեց Վրաստանի նախագահինԱպրիլի 29-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հյուրընկալեց պաշտոնական այցով Հայաստանում գտնվող Վրաստանի նախագահ Միխեիլ Կավելաշվիլիին։ Ողջունելով նախագահի այցը Հայաստան և Մայր Աթոռ Սուրբ Էջմիածին` Հայոց Հայրապետն անդրադարձավ երկու ժողովուրդների դարավոր բարեկամությանը։ Այս առնչությամբ Նորին Սրբությունը նկատեց, որ պատմության ընթացքում հայ և վրաց ժողովուրդները, ապավինած իրենց քրիստոնեական […] ...
23:53 29.04.2025
Երևանում անցկացվել է պարին նվիրված ֆլեշմոբՊարի միջազգային օրվա շրջանակում ԿԳՄՍ նախարարության նախաձեռնությամբ ՀՀ մարզերում և Երևանում անցկացվել է պարին նվիրված հանրային արշավ՝ ֆլեշմոբի ձևաչափով: Այս մասին հայտնել են ԿԳՄՍ նախարարությունից: Երևանում ֆլեշմոբն իրականացվել է 4 հարթակում՝ Ազատության հրապարակում, Հյուսիսային պողոտայում, Հանրապետության հրապարակում և ԿԳՄՍ նախարարության մուտքին հարող տարածքում: Ֆլեշմոբը մեկնարկել է ավանդական քոչարու երաժշտությամբ․ քոչարին ընդգրկված է ՅՈՒՆԵՍԿՕ-ի ոչ նյութական […] ...
23:49 29.04.2025
Հայտնաբերվել է որպես անհետ կորած որոնվող 50-ամյա տղամարդու դինԱպրիլի 22-ին հաղորդվել էր 1975 թվականին ծնված Արման Մարտիրոսյանի անհետ կորելու մասին: Համայնքային ոստիկանության Լոռու մարզային վարչության, Ստեփանավանի բաժնի և Փրկարար ծառայության Լոռու մարզի ծառայողների համատեղ ձեռնարկած որոնողական աշխատանքների արդյունքում ապրիլի 25-ին՝ ժամը 13.30-ի սահմաններում, Ստեփանավան քաղաքի Աշոտաբերդ թաղամասի հարակից անտառում հայտնաբերվել է Արման Մարտիրոսյանի դին՝ ծառից կախված վիճակում: Կատարվում է նախաքննություն: Ծանուցում. Ենթադրյալ հանցանքի […] ...
