22:01 31.10.2022
Հոկտեմբերի 30-ին Արցախի Ազգային ժողովն արտահերթ նիստ գումարեց ու ընդունեց հայտարարության տեքստ, որտեղ նշված գլխավոր ուղերձներից մեկն էր` «Արցախը երբեք չի եղել և չի լինելու անկախ Ադրբեջանի կազմում»։ Հայտարարության տեքստն Արցախի խորհրդարանն ընդունեց միաձայն: Նիստն ուղիղ հեռարձակմամբ ցուցադրվում էր նաև Ստեփանակերտի Վերածննդի հրապարակում, որտեղ միաժամանակ հրավիրված էր մեծ հանրահավաք: Թեմայի շուրջ հեռուստամեկնաբան Վահագն Հակոբյանը «Հորիզոնի» եթերում առցանց զրուցել է Արցախի պետական նախարար Արտակ Բեգլարյանի հետ:
Բեգլարյանը նախ խոսել է, թե ի՞նչ նպատակ է ունեցել մեծ հանրահավաքը, ո՞րն էր ասելիքը և ի՞նչ նշանակություն կարող է այն ունենալ:
«Նախ պետք է արձանագրենք, որ ԱԺ-ի արտահերթ նիստը բոլոր քաղաքական ուժերի ու պատգամավորների նախաձեռնությունն էր: Մեծ հանրահավաքը հանրային պահանջ էր, և վաղուց օդում կախված այդ ընկալումը կար հանրության շրջանում, որ պետք է մեծ հանրահավաքով ցույց տար մեր կամքը, և ԱԺ-ի այդ նիստը լրացուցիչ խթան եղավ, որ մեծ հանրահավաք լինի:
Հիմնական ասելիքներն արդեն հասկանալի են, առաջին հերթին ԱԺ-ի հայտարարության տեքստով արտահայտվել էին, և նաև ԱԺ-ում և հանրահավաքի ժամանակ հնչած ելույթների մեջ: Կարմիր թելի պես անցնում էր այդ միտքը, որ Արցախն Ադրբեջանի կազմում չի եղել և չի լինելու:
2-րդը՝ Արցախի ժողովուրդն ունի ինքնորոշման իրավունք, այդ իրավունքը իրացվել է, և պետք է ամբողջ աշխարհը հաշվի նստի այդ իրավունքի և իրացման փաստի հետ, և 3-րդը՝ բացի նրանից, որ մենք ինքնորոշման իրավունք ունենք մեր սեփական երկրում, նաև մենք ունենք գոյաբանական բավականին լուրջ վտանգներ Ադրբեջանից բխող՝ հաշվի առնելով տասնամյակների ատելության համակարգային քաղաքականությունը ընդհանրապես հայության, և հատկապես արցախահայության հանդեպ, և նաև ներկա շրջանի թուրք-ադրբեջանական քաղաքականությունը, այդ թվում՝ ատելության մեծ չափով համեմված:
Սրանք ակնհայտ հիմքեր են ստեղծում առանց կասկածելու ու վարանելու պնդելու, որ Ադրբեջանի կազմում Արցախի լինելը կնշանակի պարզապես ցեղասպանություն, էթնիկ զտում, հայրենազրկություն»,- ասաց Արտակ Բեգլարյանը:
Արցախի պետական նախարարի՝ «Հորիզոնին» տված հարցազրույցի մանրամասները՝ ամբողջական տեսանյութում:
13:25 22.06.2025
Առաջիկա օրերի եղանակային կանխատեսումը
19:50 22.06.2025
Թուրքիայում հայտարարել են, որ ԱՄՆ-ի կողմից Իրանի դեմ հարվածները կհանգեցնեն քաոսի Մերձավոր ԱրևելքումԱՄՆ-ի կողմից Իրանին հարվածները կհանգեցնեն քաոսի և խառնաշփոթի Մերձավոր Արևելքում, հայտարարել է Թուրքիայի նախագահի աշխատակազմի հաղորդակցության բաժնի ղեկավար Ֆահրեթթին Ալթունը։ «ԱՄՆ-ի կողմից Իրանի միջուկային օբյեկտներին հարվածները և ԱՄՆ-ի՝ Իրանի դեմ Իսրայելի ագրեսիային միանալը նոր քայլ է, որը կհանգեցնի քաոսի և խառնաշփոթի Մերձավոր Արևելքում, այլ ոչ թե խաղաղության և կայունության։ Ինչպես Իրաքում և Աֆղանստանում ԱՄՆ-ի միջամտություններով […] ...
19:25 22.06.2025
Չինաստանը խստորեն դատապարտել է Իրանի վրա ԱՄՆ-ի հարձակումներըՉինաստանի ԱԳՆ ներկայացուցիչը, մեկնաբանելով ԱՄՆ-ի հարվածները Իրանի միջուկային օբյեկտներին, հայտարարել է, որ Չինաստանը խստորեն դատապարտում է Իրանի վրա ԱՄՆ-ի հարձակումները և Ատոմային Էներգիայի միջազգային գործակալության երաշխիքների ներքո գտնվող միջուկային օբյեկտների ռմբակոծությունները: Չինաստանի ԱԳՆ մամուլի քարտուղարի խոսքով ՝ Միացյալ Նահանգների գործողությունները լրջորեն խախտում են ՄԱԿ-ի կանոնադրության և միջազգային իրավունքի նպատակներն ու սկզբունքները և խորացնում լարվածությունը Մերձավոր […] ...
18:58 22.06.2025
Երևանի Արաբկիր վարչական շրջանում գործարկվելու են էլեկտրական շչակներՀունիսի 23-ին՝ ժամը 11:00-ից մինչև 13:00-ն ընկած ժամանակահատվածում, Երևանի Արաբկիր վարչական շրջանի Քանաքեռ ՀԷԿ թաղամասի, Թբիլիսյան խճուղու, Ազատության պողոտայի, Ղափանցյան, Քանաքեռի շրջանցիկ թունել փողոցների մի շարք հասցեներում գործարկվելու են էլեկտրական շչակներ։ Փրկարար ծառայությունից խնդրում են չանհանգստանալ։ ...
18:30 22.06.2025
Մեսսին «Ինտեր Մայամիի» պատմության մեջ 50 գոլ խփած առաջին խաղացողն էԱշխարհի չեմպիոն Արգենտինայի հավաքականի 37-ամյա հարձակվող Լիոնել Մեսսին դարձել է ամերիկյան «Ինտեր Մայամիի» պատմության մեջ առաջին ֆուտբոլիստը, որը 50 գոլ է խփել։ Դրա համար Մեսսիին պահանջվել է 61 հանդիպում։ ԱՄՆ-ում ընթացող աշխարհի ակումբային առաջնության երկրորդ տուրում Մեսսիի հաղթական գոլի շնորհիվ «Ինտեր Մայամին» 2:1 հաշվով հաղթել էր պորտուգալական «Պորտուին»։ ...
18:10 22.06.2025
ԱՄՆ-ն Իրանի հետ պատերազմի մեջ չէ. ՎենսԱՄՆ-ն պատերազմի մեջ չէ Իրանի հետ՝ իրանական միջուկային օբյեկտների վրա ԱՄՆ -ի ռազմաօդային ուժերի հարձակումից հետո, հայտարարել է ԱՄՆ փոխնախագահ Ջեյ Դի Վենսը։ «Մենք պատերազմի մեջ չենք Իրանի հետ, մենք պայքարում ենք նրա միջուկային ծրագրի դեմ» – ասել է Վենսը NBC News-ին տված հարցազրույցում։ ...
17:40 22.06.2025
Իրանի խորհրդարանը քվեարկել է Հորմուզի նեղուցը փակելու օգտինԻրանի խորհրդարանը քվեարկել է Հորմուզի նեղուցը փակելու օգտին, սակայն վերջնական որոշումը պետք է կայացնի Ազգային անվտանգության խորհուրդը։ ԱՄՆ փոխնախագահ Ջեյմս Դեյվիդ Վենսը հայտարարել է, որ Հորմուզի նեղուցում նավագնացությունը խափանելու Իրանի փորձը «ինքնասպանություն կլինի երկրի համար»: Հորմուզի նեղուցը կարևոր նշանակություն ունի համաշխարհային շուկաներ նավթի մատակարարման գործում: Ամեն օր նեղուցով անցնում է մոտ 17-21 միլիոն բարել նավթ, […] ...
