22:21 02.11.2022
ՀՀ վարչապետ Նիկոլ Փաշինյանը նոյեմբերի 1-ին այցելեց Իրան ու հանդիպում ունեցավ նախագահ Էբրահիմ Ռայիսիի հետ: Կարճատև աշխատանքային այցի ընթացքում ի՞նչ հայտարարություններ հնչեցին Իրանում և ո՞րն էր այցի նպատակը: Թեմայի շուրջ հեռուստամեկնաբան Վահագն Հակոբյանը զրուցել է իրանագետ Տիգրան Դավուդյանի հետ:
«Բոլորս գիտենք, որ առաջիկա ամիսները կամ առաջիկա օրերը շատ ճակատագրական են լինելու մեր հանրապետության համար, և մեր երկրի ղեկավարը այս ընթացքում շատ ակտիվ քաղաքական շփումներ է վարում՝ սկսած Եվրոպայից, Սոչիից, հետո նաև՝ Իրանի իսլամական հանրապետություն: Բնական է, որ ԻԻՀ-ը լինելով մեր հարևան և բարեկամական երկիր՝ պետք է որ մենք կարողանանք որոշ միասնական աշխատանքներ տանենք: Դրա համար շատ տեղին և անհրաժեշտ էր, որ վարչապետ Փաշինյանը ԻԻՀ նախագահ պարոն Ռայիսիի հրավերով մեկօրյա այցելություն կատարեց Թեհրան: Գիտենք, որ թե՛ Արցախի, և թե՛ Հայաստանի հետ Ադրբեջանի հարաբերությունների խնդիրը, հաշտության պայմանագիրը, որի մասին խոսվում է, և արդեն թե՛ տարածաշրջանային ուժերը, և թե՛ միջազգային ուժերն այդ հարցով հետաքրքրված են, և տարբեր առաջարկություններով հանդես են եկել: Ես կարծում եմ, որ մեր ղեկավարները անհրաժեշտ են համարում, որ այդ քայլերը համաձայնեցնեն բոլոր պետությունների և հատկապես բարեկամական երկրների հետ:
Դավուդյանը նշեց, որ ԻԻՀ-ը ունի 16 հարևան, և մինչ այժմ Իրանը շատ ավելի հանգիստ է եղել իր հյուսիսային սահմանի՝ Հայաստանի մասով, քանի որ այն ամենախաղաղ սահմանն է եղել: Իսկ հիմա պատկերն այլ է.
«Իրանն ունի մի շարք խնդիրներ թե՛ մյուս հարևանների հետ, և թե՛ միջազգային ուժերի հետ ու դրա համար տարբեր սահմաններում ունի խնդիրներ: Հայաստանի սահմանն իր համար եղել է ամենից հանգիստը՝ հատկապես այն ժամանակ, որ մենք Արցախում ունեինք ավելի լավ դիրքեր և Ադրբեջանի որոշ տարածքներ գտնվում էին մեր հսկողության տակ: Այսինքն՝ ՀՀ-ը ունի 45 կմ սահման ԻԻՀ-ի հետ, այն ժամանակ, երբ Արցախի հարավային մասերը, Արաքսի առափնյա մասերը գտնվում էին մեր ազդեցության գոտում, այդ սահմանը համարյա դարձել էր 145 կմ, բայց երբ 44-օրյա պատերազմի ժամանակ այդ շրջանները կորցրինք կամ վերադարձրինք Ադրբեջանին, Իրանը հիմա ունի ավելի շատ մտահոգություն, և լուրերում կա նաև, որ Իսրայելը նաև ներկայություն ունի Ադրբեջանում, և Իրանը մտահոգ է այդ ուժերի թե՛ ներկայությունից, և թե՛ որոշ գրգռիչ քայլերից, այդ շարքում նաև մի շարք թուրքալեզու հանրապետություններից: Եվ նաև, որ մենք հիմա հրավիրել ենք Եվրամիության դիտորդներին, որոնք իհարկե զենք չեն կրելու և հսկելու են Հայաստան-Ադրբեջան սահմանը, դա ևս մի շարք մտահոգություններ էր առաջացրել ԻԻՀ-ի մոտ»,- նշեց իրանագետը:
Մանրամասները՝ ամբողջական հարցազրույցում:
00:00 02.05.2025
ՆԳՆ շրջիկ սպասարկման գրասենյակները մայիս ամսին կշարունակեն հանրային ծառայություններ մատուցել ՀՀ մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով թե՛ միգրացիայի և քաղաքացիության ծառայության, թե՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ մայիս ամսին ծառայություններ կմատուցվեն հետևյալ բնակավայրերում․ մայիսի 2-ին ժամը 11։30-16։00 Կոտայքի մարզի Չարենցավան համայնքում (Կարեն Դեմիրճյան հրապարակ 1, Քաղաքապետարանի դիմաց), ժամը 11։30-16։00 Լոռու մարզի Ստեփանավան համայնքում (համայնքապետարանի տարածքում), մայիսի 12-ին Կոտայքի մարզի […] ...
23:58 01.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:56 01.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:51 01.05.2025
Պետդեպ. ԱՄՆ-Իրան բանակցությունների նոր փուլի ամսաթիվը և վայրը դեռևս որոշված չենԱՄՆ-Իրան բանակցությունների նոր փուլի ժամկետներն ու վայրը դեռևս որոշված չեն, սակայն Վաշինգտոնը ակնկալում է, որ այն տեղի կունենա մոտ ապագայում։ Այս մասին լրագրողների համար կազմակերպված հերթական ճեպազրույցում հայտարարել է ԱՄՆ Պետդեպարտամենտի մամուլի ծառայության ղեկավար Թեմի Բրյուսը։ «ԱՄՆ-ն չի հաստատել իր մասնակցությունը Իրանի հետ բանակցությունների չորրորդ փուլին, որը, որոշ տեղեկությունների համաձայն, պետք է տեղի ունենար շաբաթ […] ...
23:46 01.05.2025
Էկոպարեկային ծառայության Սյունիքի մարզային վարչության ծառայողներն իրականացնում են նաև կենսաբազմազանության մշտադիտարկման գործառույթներՇրջակա միջավայրի նախարարության Էկոպարեկային ծառայության Սյունիքի մարզային վարչության ծառայողները, իրենց ամենօրյա աշխատանքային պարտականությունների շրջանակում, իրականացնում են նաև կենսաբազմազանության մշտադիտարկման (մոնիթորինգի) գործառույթներ։ Այս աշխատանքը ներառում է Հայաստանի տարածքում հանդիպող բուսական և կենդանական աշխարհի, այդ թվում՝ կենսաբազմազանության բացառիկ և վտանգված տեսակների հայտնաբերումն ու փաստագրումը։ Մշտադիտարկման տվյալները ոչ միայն թույլ են տալիս արձանագրել բնապահպանական իրավախախտումներ, այլև նպաստում են […] ...
23:37 01.05.2025
Երևանը ջազ է լսումԵրևանի քաղաքապետարանի նախաձեռնությամբ, Ջազի միջազգային օրվա առթիվ, Գաֆեսճյան քանդակների պուրակում (Կասկադ) տեղի ունեցավ Ջազ երեկո, որի ընթացքում ելույթով հանդես եկան հայաստանյան լավագույն ջազային կատարողներն ու խմբերը՝ Հայաստանի պետական ջազային նվագախումբը, Լևոն Մալխասյանը, Արտո Թունջբոյաջյանը, Վահագն Հայրապետյանը, Հայկ Կարոն, Արտյոմ Մանուկյանը, Կարեն Մամիկոնյանը, Միքայել Ոսկանյանը, Ռաֆայել Պետրոսյանը, Տիգրան Սուչյանը, Արման Փեշտմաջյանը, Կարեն Գրիգորյանը, Ժաննա Դավթյանը, Արեգ […] ...
