13:50 14.08.2018
Բարձրագույն դատական խորհրդի շենքի առջև բողոքի ակցիա իրականացնող ցուցարարները հայտարարությամբ հանդես եկան: Ակցիայի մասնակիցներից մեկը նշեց, թե քանի որ ըստ դատավորի և դատախազի՝ հիմքեր չեն եղել դատարանին բացարկ ներկայացնելու համար, իրենք ստորագրում են և դիմում ներկայացնում ԲԴԽ, որ կասեցվեն այդ դատավորի լիազորությունները: Նույն բովանդակությամբ դիմում կուղարկվի դատախազություն, որում կնշվի՝ Հայաստանին պետք չեն այնպիսի դատախազներ, որոնք չեն փորձում միջնորդություն ներկայացնել:
Ակտիվիստը նշեց՝ Ռոբերտ Քոչարյանը ցանկացած պահի կարող է լքել Հայաստանը, և հարց է՝ երբևէ կկրի՞ այն պատասխանատվությունը, որ կա նրան առաջադրված մեղադրանքով:
«Մեր ակցիայի հիմնական նպատակը դատավոր Ազարյանի նկատմամբ կարգապահական միջոցներ ձեռնարկելն է, որը հիմնականում արտահայտվելու է լիազորությունների կասեցմամբ»,- ասաց ակտիվիստ Վահե Գրիգորյանը:
Ակցիայի մասնակիցներից Դավիթ Պետրոսյանն ընդգծեց՝ Հայաստանի քաղաքացիները ևս մեկ անգամ ինքնակազմակերպվել են, հեղափոխության հռչակած արժեքները մեր երկրում շարունակում են մնալ արդիական, քանի որ իշխանություններն ունեն սահմանադրությամբ իրենց տրված լիազորություններ, որոնց շրջանակներից չեն կարող դուրս գալ, բայց կան քաղաքացիներ, որոնց լիազորությունների շրջանակները սահմանափակված չեն, և նրանք պատրաստ են նպաստել արդարադատության իրականացմանը:
Հարցին՝ արդյոք չե՞ն կարծում, որ կլինեին մարդիկ, որոնց կհետաքրքրեր երկրորդ նախագահի ասելիքը, Պետրոսյանը պատասխանեց.
«Մենք լավ մշակույթ ունենք Հայաստանում՝ լայվերի մշակույթ, նա կարող է լայվ մտնել, մարդիկ կարող են լսել, հետո կհետևենք նաև մեկնաբանություններին»,- ասաց նա:
Ակցիայի մասնակիցները նաև ընդգծեցին՝ իրենք չեն տապալել երկրորդ նախագահի մամուլի ասուլիսը, պարզապես որպես ՀՀ արժանապատիվ քաղաքացիներ՝ ցանկացել են լսել՝ ինչ պատասխան է տալու Ռոբերտ Քոչարյանը, որին այդպես էլ չլսեցին, քանի որ նա չեկավ ասուլիսի:
Այս պահին ԲԴԽ-ի առջև ստորագրահավաք է կազմակերպված, քաղաքացիները մոտենում են, ստորագրում դատավոր Ալեքսանդր Ազարյանի նկատմամբ կարգապահական միջոցներ ձեռնարկելու դիմումը:
22:31 30.04.2025
ՀՀ ԱԳ նախարարի տեղակալ Ռոբերտ Աբիսողոմոնյանի հանդիպումը ՄԱԿ մարդու իրավունքների բարձր հանձնակատարի հետԱպրիլի 30-ին Ժնևում՝ ՄԱԿ Համընդհանուր պարբերական դիտարկման (ՀՊԴ) 4-րդ շրջանի ՀՀ ազգային զեկույցի քննարկման շրջանակներում, ՀՀ ԱԳ նախարարի տեղակալ Ռոբերտ Աբիսողոմոնյանը հանդիպում է ունեցել ՄԱԿ մարդու իրավունքների բարձր հանձնակատար Վոլկեր Տյուրկի հետ: Այս մասին հայտնել են ԱԳՆ-ից: Հանդիպմանն անդրադարձ է կատարվել Հայաստանի ու ՄԱԿ մարդու իրավունքների բարձր հանձնակատարի գրասենյակի միջև փոխգործակցության հարցերին: Երկուստեք ընդգծվել է […] ...
22:09 30.04.2025
Զեդորֆն առաջարկում է փոխել «Ոսկե գնդակի» ձևաչափըՆիդերլանդների հավաքականի նախկին ֆուտբոլիստ Կլարենս Զեդորֆը կարծիք է հայտնել «Ոսկե գնդակի» նշանակության մասին: «Ինչո՞ւ է «Ոսկե գնդակն» այդքան կարևոր: Չեմ կարծում, որ այն ցուցիչ է ու արտացոլում է իրականությունը: Նախկինում, գուցե, այդպես եղել է, երբ քվեարկում էին մարզիչներն ու ֆուտբոլիստները: Չնայած՝ այդ դեպքում էլ յուրաքանչյուրն ընտրում էր իր թիմակցին, ոչ թե՝ լավագույնին: Կարծում եմ՝ մրցանակը […] ...
21:54 30.04.2025
Անահիտ Ավանեսյանն այցելել է պոլիկլինիկաներ և դեղատներ՝ տեղում լսելու քաղաքացիների դիտարկումները դեղերի փոխհատուցման պիլոտային ծրագրի մասինԱռողջապահության նախարար Անահիտ Ավանեսյանը Ֆեյսբուքի իր էջում հայտնել է, որ երեկ այցելել է պոլիկլինիկաներ և դեղատներ՝ տեղում լսելու քաղաքացիների դիտարկումները դեղերի փոխհատուցման պիլոտային ծրագրի մասին: «Նախ շնորհակալ եմ մեր քաղաքացիներին անկեղծ ու կառուցողական մոտեցման և պատրաստակամության համար: Այս ծրագրի նպատակը մարդկանց ընտրության հնարավորություն տալն է, որ ոչ թե մենք մի տեսակի դեղ գնենք մրցույթով և […] ...
21:37 30.04.2025
Շվանիձոր-Նռնաձոր-ՀՀ սահման ճանապարհին կատարվելու են պայթեցման աշխատանքներՃանապարհային դեպարտամենտ հիմնադրամից հայտնել են, որ Շվանիձոր-Նռնաձոր-ՀՀ սահման ավտոճանապարհի շինարարական աշխատանքներով պայմանավորված՝ մայիսի 1-ին՝ ժամը 12.00-ից 16.00-ի սահմաններում, կատարվելու են պայթեցման աշխատանքներ։ Հարակից բնակավայրերի բնակիչներին հորդորում ենք չանհանգստանալ։ ...
21:25 30.04.2025
Կայացել է Երևանում անցկացվելիք վոլեյբոլի Եվրոպայի Մ16 առաջնության վիճակահանությունըԵրևանում հուլիսի 23-ից օգոստոսի 3-ը կանցկացվի վոլեյբոլի Եվրոպայի մինչև 16 տարեկան տղաների առաջնությունը, որին Հայաստանի ու ևս 15 երկրի ներկայացուցիչներ կմասնակցեն: Արդեն տեղեկացրել ենք, որ Հայաստան կժամանեն Ֆրանսիայի, Լեհաստանի, Իտալիայի, Հունգարիայի, Լատվիայի, Չեխիայի, Թուրքիայի, Բուլղարիայի, Իսպանիայի, Ուկրաինայի, Ավստրիայի, Հունաստանի, Սերբիայի, Սլովենիայի և Ռումինիայի պատվիրակները: Կայացել է առաջնության վիճակահանությունը, որի արդյունքներով Հայաստանի հավաքականի ենթախմբում ընդգրկվել են […] ...
