22:00 14.12.2022
Ադրբեջանի թեթև ձեռքով երեկ դադարեցվեց Արցախի գազամատակարարումը: Ինչպե՞ս են Բաքվում մեկնաբանում գազատարի փակումը: Թեմայի շուրջ հեռուստամեկնաբան Վահագն Հակոբյանը «Հորիզոնի» տաղավարում զրուցել է հեռուստամեկնաբան Արտյոմ Երկանյանի հետ:
«Հիշո՞ւմ ես, երբ մարտին առաջին անգամ Ադրբեջանը փակեց գազամատակարարումը, և համաշխարհային հանրությունը դատապարտեց Ադրբեջանին, իրենք պնդում էին, որ դա փորձ է՝ միջամտելու Ադրբեջանի ներքին գործերին, ինչը աշխարհում ոչ մեկ չհասկացավ: Այս անգամ ավելի խորամանկ են գործում, ասում են, որ իրեք չեն փակել ու չգիտեն, թե ինչու Արցախում գազ չկա:
Իրականում, շատ կանխատեսելի էր այն, ինչ տեղի ունեցավ: Հիշո՞ւմ ես՝ մենք այս նույն տաղավարում դեռ նոյեմբերի 17-ին էինք կանխատեսել այս վիճակը՝ վստահություն հայտնելով, որ առաջին իսկ ձյան հետ Ադրբեջանը կհամարձակվի գնալ այդ քայլին:
Դրանից մի քանի օր առաջ Իլհամ Ալիևը ստորագրել էր հանձնարարական, որով Ադրբեջանի պետական գազային ընկերությանը հանձնարարել էր գազատար կառուցել Աղդամից Ստեփանակերտ, ԼՂ-ի տարածքում բաշխիչներ կառուցել և պայմաններ ստեղծել տեղի բնակչությանը գազ մատակարարելու համար: Այդ ամենից հետո արդեն պարզ դարձավ, թե որն է նպատակը:
Մինչ այդ Ադրբեջանի պետական գազային ընկերության փոխտնօրեն Թեմուր Ջաֆարովն էլ ասել էր, որ Արցախի գազիֆիկացումը ենթադրվում է իրականացնել 4 փուլով: Առաջին փուլում Շուշիի և Աղդամի գազիֆիկացումն է, որը, ենթադրվում է, որ կավարտվի այս տարվա վերջ: Այսինք՝ կարող ենք ենթադրել, որ մայրուղային գազատարն արդեն հասցվել է այն շրջաններին, որոնք սահմանամերձ են ԼՂ-ի ներկայումս հայաբնակ շրջանների հետ:
Այսինքն՝ չի բացառվում, որ օրեր անց Ադրբեջանը կառաջարկի Արցախի հայերին՝ օգտվել ադրբեջանական գազի հնարավորություններից: Մինչ այդ էլ ադրբեջանական մամուլը բացահայտ գրում էր, որ Արցախում բնակվող հայերը վստահություն կունենան, որ անխափան գազ և էլեկտրականություն կսպառեն միայն այն դեպքում, եթե դառնան «Ազերի գազ» և «Ազերի շիկ» ընկերությունների (2-րդը էլեկտրականություն մատակարարող ընկերություն է) բաժանորդներ:
Եվս մեկ հատկաշական հանգամանք. վերջերս Ադրբեջանի խորհրդարանի պատգամավորներից մի քանիսը բարձրաձայն ասել էին, որ Ադրբեջանը պատրաստ կլինի Արցախի հայերին գազ մատակարարել անվճար, բոլորովին անվճար. հասկանո՞ւմ եք, չէ, որ մենք գործ ունենք այսպես թակարդի հետ, որի մեջ ցանկանում են մեզ ներքաշել: Ակնահյտ է, թե անվճար պանիրը որտեղ է լինում. գիտենք բոլորս»,- ասաց Արտյոմ Երկանյանը:
Ի՞նչ նպատակ են դրանով հետապնդում և ի՞նչ կարելի է ձեռնարկել այդ ամենի վտանգը նվազեցնելու համար: Արտյոմ Երկանյանն այս հարցերին ևս անդրադարձել է:
Մանրամասները՝ ամբողջական հարցազրույցում:
19:42 21.06.2025
Reuters. Իրանը կպատասխանի ԵՄ-3-ի միջուկային դոսյեի առաջարկներին«Եվրոպական եռյակի» (Մեծ Բրիտանիա, Ֆրանսիա և Գերմանիա) արտաքին գործերի նախարարների և ԵՄ դիվանագիտական ծառայության ղեկավար Կայա Կալասի կողմից Ժնևում կայացած բանակցություններում Թեհրանի միջուկային ծրագրի վերաբերյալ արված առաջարկները անիրատեսական են, սակայն Իրանը դրանց պաշտոնական պատասխան կտա հաջորդ շաբաթ։ Այս մասին Reuters-ին հայտնել է անանուն բարձրաստիճան իրանցի պաշտոնյան։ Աղբյուրը շեշտել է, որ եթե եվրոպացիները շարունակեն պնդել իրենց […] ...
19:30 21.06.2025
«Փյունիկը» երեք ընկերական հանդիպում կանցկացնի Վրաստանում«Փյունիկը» կմեկնի Վրաստան` երկշաբաթյա հավաքի, որտեղ երեք ընկերական հանդիպում կանցկացնի։ Այս մասին հայտնում է ակումբի մամուլի ծառայությունը։ Եղիշե Մելիքյանի թիմը հունիսի 24-ին կմրցի Թբիլիսիի «Դինամոյի», հունիսի 29-ին` «Գարեջիի», հուլիսի 3-ին` «Սամգուրալիի» հետ։ «Փյունիկն» այս հավաքով կպատրաստվի Կոնֆերենիաների լիգայի որակավորման առաջին փուլում Սան Մարինոն ներկայանցնող «Տրե Ֆիորիի» դեմ դիմակայությանն ու նոր մրցաշրջանին։ ...
19:21 21.06.2025
Թուրքիան պատրաստ է նպաստել Իրանի և ԱՄՆ-ի առաջնորդների բանակցություններին. ԷրդողանԻրանի շուրջ խնդրի լուծման ուղին անցնում է դիվանագիտությամբ, և Թուրքիան պատրաստ է նպաստել բանակցություններին, այդ թվում՝ Իրանի և Միացյալ Նահանգների ղեկավարների մակարդակով։ Այս մասին հայտարարել է Թուրքիայի առաջնորդ Ռեջեփ Թայիփ Էրդողանը Իրանի արտգործնախարար Աբբաս Արաղչիի հետ հանդիպման ժամանակ։ Իրանի նախարարը մասնակցում է Ստամբուլում ընթացող Իսլամական համագործակցության կազմակերպության (ԻՀԿ) արտաքին գործերի նախարարների հանդիպմանը։ «Նախագահ Էրդողանն ասաց, […] ...
19:10 21.06.2025
Բեռլինում զանգվածային ցույց է տեղի ունենում Պաղեստինի աջակցության համարԲեռլինի կենտրոնում տեղի է ունենում Պաղեստինի աջակցության զանգվածային ցույց։ Ակտիվիստները հավաքվում են Ռեյխստագի շենքի մոտ գտնվող մարգագետնում, որը գտնվում է Գերմանիայի դաշնային կանցլերության շենքից ոչ հեռու, հաղորդում է ՏԱՍՍ-ի թղթակիցը։ Նրանք ձեռքերում պահել են պաղեստինյան դրոշներ, պաստառներ՝ Պաղեստինին աջակցելու ուղերձներով։ «Միացյալ Գազայի համար» կոչվող ցույցի մասնակիցները վանկարկում են տարբեր կարգախոսներ, լսվում են նաև անգլերեն և […] ...
19:00 21.06.2025
Խաչանովը դուրս է եկել Հալեի մրցաշարի կիսաեզրափակիչՌուսաստանը ներկայացնող հայազգի թենիսիստ Կարեն Խաչանովը Հալեի ATP-500 կարգի մրցաշարում դուրս է եկել կիսաեզրափակիչ: Աշխարհի 22-րդ ռակետը քառորդ եզրափակչում 6-3, 6-2 հաշվով հաղթել է աշխարհի 63-րդ ռակետ, արգենտինացի Թոմաս Մարտին Էտչևերիին: Հայ թենիսիստը եզրափակչի ուղեգիրը կվիճարկի Ղազախստանի ներկայացուցիչ Ալեքսանդր Բուբլիկի հետ: ...
18:50 21.06.2025
Մակրոնը մտադիր է արագացնել ԵՄ-ի և Իրանի միջև բանակցություններըՖրանսիայի նախագահ Էմանուել Մակրոնը, իր եվրոպացի գործընկերների հետ, մտադիր է արագացնել Իրանի հետ բանակցությունները։ Ֆրանսիացի առաջնորդը այս մասին գրել է X-ում՝ Իրանի նախագահ Մասուդ Փեզեշքիանի հետ հեռախոսազրույցից հետո։ «Ես համոզված եմ, որ կա պատերազմից դուրս գալու և ավելի մեծ սպառնալիքից հեռու մնալու ճանապարհ։ Դրան հասնելու համար մենք կարագացնենք Ֆրանսիայի և նրա եվրոպացի գործընկերների կողմից Իրանի […] ...
