«Սևան» ազգային պարկում բացահայտվել են բնապահպանական իրավախախտումներ. ՇՄ նախարարությունը ամփոփել է շաբաթը

ՇՄ նախարությունն ամփոփել է անցնող շաբաթվա ընթացքում, շրջակա միջավայրի պահպանությանն ուղղված ամենօրյա աշխատանքին զուգահեռ կատարված աշխատանքները։
Զանգեզուր կենսոլորտային համալիրում
ՊՈԱԿ-ի տնօրեն Արման Մկրտչյանը մասնակցել է Շրջակա միջավայրի նախարարությունում կազմակերպված՝ «Պահպանվող տարածքները «Կենսաբազմազանության համաշխարհային շրջանակ» նախաձեռնության լույսի ներքո» թեմայով սեմինարին։
Գիտության և զբոսաշրջության բաժնի պետ-կենսաբազմազանության մոնիթորինգի մասնագետ Հարութ Աղաթելյանը՝ ուսումնական այցով անցնող աշխատանքային շաբաթվա ընթացքում գտնվել է Չեխիայի Հանրապետությունում։
Մեկնարկել է «Պատանի բնապահպան» խորագրով էկոլոգիական մրցույթ՝ Սյունիքի մարզի մի շարք կրթական հաստատությունների միջև։ Մրցույթում առանցքային է ամենալուրջ բնապահպանական աղետներից մեկը՝ աղտոտվածությունը․ աղբի տեսակավորումը, թափոնների վերամշակումը աղտոտվածությունը մեղմող գործողություններ են, որոնց անդրադառնալու են մասնակիցները։ Մրցույթի արդյունքները կամփոփվեն մայիսին։

Գիտության և զբոսաշրջության բաժնի ներկայացուցիչը էկոկրթական դասընթաց է անցկացրել Կապանի թիվ 6 հիմնական դպրոցի 4-րդ դասարանների աշակերտների համար։ Ներկայացվել են բնության բաղադրիչները և դրանց փոխադարձ կապերը, շրջակա միջավայրի մարդածին աղետները, դրանց հետևանքները՝ անտառների կրճատում, ծառահատումներ, հրդեհներ, ապօրինի որս, ուղիղ և անուղղակի աղտոտում։ Աշակերտները ծանոթացել են ՀՀ Կարմիր գրքերի ստեղծման նպատակներին և դրանցում գրանցված՝ Սյունիքում հանդիպող կենդանական և բուսական աշխարհի որոշ ներկայացուցիչների։ «Պատանի բնապահպան» մրցույթի շրջանակում ներկայացվել են լիցքաթափված մարտկոցների թափոնների վտանգավորությունը, շրջակա միջավայրի թունավորման հետևանքները։ Դասընթացի վերջում ՊՈԱԿ-ի կողմից դպրոցին տրամադրվել է լիցքաթափված մարտկոցների հավաքման համար նախատեսված տարա։

«Սևան» ազգային պարկում

Շաբաթը հագեցած է եղել բնապահպանական իրավախախտումների բացահայտմամբ:

Այցելուների կենտրոնը հյուրընկալել է Հրազդանի թիվ 12 հիմնական դպրոցի սաներին: «Սևանա լիճը և նրա հիմնախնդիրը» թեմայի շրջանակում աշակերտները ծանոթացել են ազգային պարկի ֆլորային, ֆաունային և մարզի բնապահպանական առանձնահատկություններին:

«Խոսրովի անտառ» պետական արգելոցում
էկոկրթական հանդիպումներ են անցկացվել Գոռավանի միջնակարգ դպրոցի սաների աշակերտների հետ:
8-րդ դասարանի աշակերտներին ներկայացվել են Հայաստանի հազվագյուտ և անհետացող կենդանատեսակները, դրանց կենսաբանական առանձնահատկությունները, վտանգման հիմնական գործոններն ու պահպանության միջոցառումները: Շեշտադրվել են «Գոռավանի ավազուտներ» պետական արգելավայրի տարածքում հանդիպող կենդանատեսակները:
9-րդ դասարասնի աշակերտները ծանոթացել են Հայաստանի բնության հատուկ պանպանվող տարածքներին, դրանց դասակարգմանը, դերին, նշանակությանը կենսաբանական և լանդշաֆտային բազմազանության պահպանության ու կայուն օգտագործման գործում: Ներկայացվել են «Խոսրովի անտառ»-ի ենթակայության տակ գտնվող բնության հատուկ պահպանվող տարածքները, դրանց կենսաբազմազանությունը:

«Դիլիջան» ազգային պարկում
Աղավնավանքի միջնակարգ դպրոցի 6-11–րդ դասարանների աշակերտների համար անցկացվել է էկոկրթական-ճանաչողական դասընթաց-սեմինար հետևյալ թեմաներով՝
1️⃣ «Անտառների դերն ու նշանակությունը»
2️⃣ «Ի՞նչ է էկոտուրիզմը»։
Դասընթացի գործնական հատվածում սաները յուրացրել են բնության մեջ վրաններ տեղադրելու կանոնները, տարիքաչափի միջոցով որոշել դպրոցին կից սոճու տարիքը։

«Արփի լիճ» ազգային պարկում
Կենսաբազմազանության և մոնիթորինգի մասնագետ Ա. Իսպիրյանը և կենսաբան Մհեր Մխիթարյանը մասնակցել են ՀՀ ԳԱԱ Ա. Թախտաջյանի անվան բուսաբանական ինստիտուտում անցկացված EU4Sevan ՄԱԶԾ ծրագրի շրջանակներում իրականացվող «Անհրաժեշտ վերլուծությունների իրականացում և Սևան ազգային պարկի կառավարման պլանի մշակում» գործընթացի շրջանակում կազմակերպված «Պահպանվող տարածքները «Կենսաբազմազանության համաշխարհային շրջանակ» նախաձեռնության լույսի ներքո» թեմայով սեմինարին:

Բնապահպանական ծրագրերի իրականացման գրասենյակում
Թափուր հաստիքների համալրման մրցույթներ են հայտարարվել՝
պետական հիմնարկի գլխավոր հաշվապահի թափուր պաշտոնն զբաղեցնելու համար (https://bit.ly/3EljCsw) և ծրագրերի իրականացման և մոնիթորինգի բաժնի առաջին կարգի 2 մասնագետների թափուր պաշտոններն զբաղեցնելու համար (https://bit.ly/3ElRlBV):

Արգելոցապարկային համալիրում
«Ջրվեժ» անտառպարկը հյուրընկալել է «Մխիթար Սեբաստացի» կրթահամալիրի սաներին․ այցելություններն ուղեկցվել են էկոկրթական դասընթացներով: