21:45 14.03.2023
Արցախի Հանրապետության արտգործնախարարությունն արձագանքել է Ադրբեջանի նախագահի աշխատակազմի տարածած հաղորդագրությանը՝ արցախցի ու ադրբեջանցի բանագնացների նոր հանդիպում անցկացնելու վերաբերյալ: Սկզբունքորեն չբացառելով այդպիսի հանդիպման հնարավորությունը՝ պաշտոնական Ստեփանակերտը մի քանի նախապայման է առաջ քաշել:
Ինչպե՞ս է փոխանցվել Բաքվի առաջարկը Արցախի իշխանություններին, որքանո՞վ է հավանական, որ Ստեփանակերտը կընդունի հանդիպում անցկացնելու այդ առաջարկը. թեմային «Հորիզոնի» տաղավարում անդրադարձել է Արտյոմ Երկանյանը:
«Ադրբեջանական լրատվամիջոցները երեկ երեկոյան տարածել էին հաղորդագրություն, որի համաձայն՝ Ադրբեջանի նախագահի աշխատակազմը առաջարկել է Արցախի հայկական հասարակության ներկայացուցիչների հետ նոր հանդիպում անցկացնել:
Ընդ որում, արցախյան աղբյուրների տեղեկությունների համաձայն՝ հանրապետության ղեկավարներն իմացել են այդ առաջարկի մասին միայն մամուլից, իսկ Ադրբեջանի նախագահի աշխատակազմին մոտ լրատվամիջոցներն էլ մեկնաբանում են, թե ամենևին էլ պարտադիր չէ պաշտոնապես, գրավոր փաստաթղթի տեքստով այդպիսի հրավեր ուղղել Արցախի Հանրապետության ղեկավարներին, և միանգամայն բավական է սոցցանցերում, Ադրբեջանի նախագահի աշխատակազմի պաշտոնական աքաունթների միջոցով այդ հրավերը փոխանցել:
Մինչդեռ այդ առաջին հանդիպման ժամանակ բանագնացներ նշանակված Սամվել Շահրամանյանն ու Ռամին Մահմեդովը պայմանավորվել էին օպերատիվ կապի կանոնավոր խողովակ ստեղծելու մասին, այսինքն՝ դա էլեկտրոնային կապ է, թե՝ հեռախոսային, այսինքն՝ հնարավոր էր գոնե այդ ձևով հրավերը փոխանցել:
Բացի դրանից՝ առաջին հանդիպման ժամանակ պայմանավորվել էին ռուս խաղաղապահների հրամանատարի միջնորդությամբ. գեներալ Վոլկովի ծառայություններին, այս անգամ որքան հասկանում եմ, չէին դիմել:
Այսպիսով, բավական տարօրինակ ձև են գտել՝ այդ առաջարկը փոխանցելու»,- ասաց Արտյոմ Երկանյանը:
Ի՞նչ պայմաններ է առաջ քաշել Արցախի ԱԳՆ-ն, հանդիպում կայանա՞. մանրամասները՝ ամբողջական տեսանյութում:
15:22 01.05.2025
Իրանի դեմ նոր պատժամիջոցների սահմանումը վկայում է ամերիկյան իշխանությունների հակասական մոտեցման մասին․ ԲաղայիԱՄՆ-ի կողմից Իրանի դեմ սահմանված պատժամիջոցները նպատակ ունեն խաթարել զարգացող երկրների միջև հարաբերությունները, Թեհրանը կդիմադրի Վաշինգտոնի տնտեսական ճնշմանը։ Այս մասին հայտարարել է Իսլամական Հանրապետության արտաքին գործերի նախարարության պաշտոնական ներկայացուցիչ Էսմայիլ Բաղային։ «Իրանի արտաքին գործերի նախարարության պաշտոնական ներկայացուցիչը խստորեն դատապարտել է ԱՄՆ-ի նոր պատժամիջոցները Իրանի և մի շարք այլ պետությունների ֆիզիկական և իրավաբանական անձանց նկատմամբ՝ Իրանի […] ...
14:53 01.05.2025
Երևանն առաջին հերթին մարդիկ են, ովքեր աշխատում են մեր քաղաքի բարօրության համար․ ԱվինյանԵրևանի քաղաքապետ Տիգրան Ավինյանը շնորհավորել է Աշխատանքի և աշխատավորների միջազգային օրվա կապակցությամբ․ «Երևանն առաջին հերթին մարդիկ են, ովքեր աշխատում են մեր քաղաքի բարօրության համար։ Մայիսի 1-ը Աշխատանքի և աշխատավորների միջազգային օրն է։ Շնորհակալություն բոլոր նրանց, ովքեր իրենց հետևողական աշխատանքով ամեն օր ստեղծում են ավելի բարեկարգ, հարմարավետ, մաքուր ու կանաչ Երևան, ինչպես նաև բոլոր աշխատավորներին, ովքեր […] ...
14:37 01.05.2025
AP. Սկորսեզեն նկարահանելու է ֆիլմ հանգուցյալ Հռոմի պապի մասնակցությամբԿինոռեժիսոր Մարտին Սկորսեզեն աշխատում է Հռոմի Ֆրանցիսկոս պապի մասին վավերագրական ֆիլմի վրա, հաղորդում է Associated Press-ը։ «Մարտին Սկորսեզեն նկարահանում է վավերագրական ֆիլմ Հռոմի Ֆրանցիսկոս պապի մասին, որը կուսումնասիրի հանգուցյալ պապի աշխատանքը կինեմատոգրաֆի հետ՝ որպես նրա կողմից կենդանության օրոք հիմնադրված համաշխարհային կրթական նախագծի մի մաս», – ասվում է գործակալության հայտարարության մեջ։ Գործակալության տվյալներով՝ «Ալդեաս՝ նոր պատմություն» […] ...
14:17 01.05.2025
Ինչպիսի եղանակ է սպասվում առաջիկա օրերինԵրևանում մայիսի 1-ի երեկոյան, 2-6-ին սպասվում է կարճատև անձրև և ամպրոպ։ Ամպրոպի ժամանակ սպասվում է քամու ուժգնացում 15-18 մ/վ արագությամբ: Մարզերում մայիսի 1-ի ցերեկը, մայիսի 2-4-ի գիշերը, 3-ին առանձին շրջաններում, 2-ի և 4-ի ցերեկը, 5-6-ին շրջանների զգալի մասում սպասվում է կարճատև անձրև և ամպրոպ, 2-ի ցերեկն առանձին վայրերում՝ հորդառատ։ Քամին՝ հարավարևմտյան՝ 2-5 մ/վ, ամպրոպի […] ...
13:35 01.05.2025
Դպրոցականների խմբին վրաերթի ենթարկած տղամարդը խոստովանել է, որ ցանկացել է նրանց սպանելՃապոնիայի Օսակա քաղաքում դպրոցականների ուղղությամբ մեքենան վարած 28-ամյա տղամարդը խոստովանել է, որ ցանկացել է սպանել նրանց, հաղորդում է Kyodo լրատվական գործակալությունը։ «Ես ամեն ինչից հոգնել էի։ Ուզում էի մեքենայով վրաերթի ենթարկել դպրոցականներին և սպանել նրանց», – ոստիկանությանը տված նրա խոստովանությունը մեջբերում է «Կիոդո» լրատվական գործակալությունը։ Տղամարդը ձերբակալվել է սպանության փորձի կասկածանքով։ Ավելի վաղ NHK-ն հայտնել […] ...
