11:34 13.04.2023
Ապրիլի 11-14-ը ՆԳՆ ՓԾ տնօրեն-ՆԳ նախարարի տեղակալ, փ/ծ գնդապետ Կ. Ցուցուլյանի հրամանով ստեղծված աշխատանքային խումբը՝ ՀՀ ՆԳՆ փրկարար ծառայության տնօրենի տեղակալ փ/ծ գնդապետ Ե. Կարապետյանի գլխավորությամբ, մեթոդական օգնություն ցուցաբերելու նպատակով Վայոց ձորի մարզում անց է կացնում համալիր ստուգումներ։
Ապրիլի 11-ին Վայքի հրշեջ-փրկարարական ջոկատում տեղի է ունեցել մարզային փրկարարական վարչության և հրշեջ-փրկարարական ջոկատների անձնակազմի շարային ստուգատես՝ առկա գույք-սարքավորումներով ու տեխնիկայով։ Ստուգատեսն անց է կացրել Փրկարար ծառայության տնօրենի տեղակալ փ/ծ գնդապետ Ե․Կարապետյանը։
Ստուգատեսի հիմնական նպատակն էր ստուգել ենթակա ստորաբաժանումների անձնակազմի ընդհանուր պատրաստվածությունը, համազգեստի, ծառայողների պատշաճ արտաքին տեսքը, ինչպես նաև հրշեջ մեքենաների, տեխնիկայի, գույք-սարքավորումների մարտական վիճակը։ Ստուգատեսի ավարտին մեքենաները երթով շարահրապարակից մեկնեցին ծառայության:
Անցկացվեց խորհրդակցություն, որի ընթացքում հանձնաժողովի նախագահ փ/ծ գնդապետ Ե․ Կարապետյանն անդամներին ներկայացրեց կատարվելիք աշխատանքների ընթացքը, տվեց մի շարք ցուցումներ և հանձնարարականներ՝ նշելով, որ մեթոդական օգնության նպատակն ուղղված է մարզային ստորաբաժանումների մարտունակության բարձրացմանը, առավել կազմակերպված, արդյունավետ և օպերատիվ աշխատանքի ապահովմանը։
Մարզային ճգնաժամային կառավարման կենտրոնի պետը հանձնաժողովի նախագահին ներկայացրեց իրավիճակային դահլիճի հագեցվածությունն ու ծրագրային հնարավորությունները:
Ե․ Կարապետյանն այցելեց նաև Խաչիկի կամավորական հրշեջ-փրկարարական հետակետ, տեղում ծանոթացավ հերթապահություն իրականացնող կամավորների գործունեությանն ու աշխատանքային պայմաններին:
Վերոնշյալ ժամանակահատվածում նախատեսվում են նաև նմանատիպ այցեր մարզային ենթակայության տակ գտնվող Եղեգնաձորի և Ջերմուկի հրշեջ-փրկարարական ջոկատներ։
21:56 07.06.2025
Երևան-Գյումրի ավտոճանապարհին բախվել են «Audi»-ն և «BMW»-նՀունիսի 7-ին, ավտովթար է տեղի ունեցել Շիրակի մարզում։ Ժամը 13։30-ի սահմաններում Երևան-Գյումրի-Բավրա M1 ավտոճանապարհի 110 կմ հատվածում բախվել են Վրաստանի քաղաքացի 40-ամյա Վիլեն Վարդապետյանի վարած «Audi» մակնիշի և Շիրակի մարզի բնակիչ 38-ամյա Սամվել Գոմցյանի վարած «BMW» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով Ս․ Գոմցյանը և ուղևոր, Շիրակի մարզի բնակիչ 35-ամյա Ամալյա Մուրադյանը մարմնական […] ...
21:46 07.06.2025
Շաքիի ջրվեժի հմայքը. Փաշինյանը տեսանյութ է հրապարակելՀՀ վարչապետ Նիկոլ Փաշինյանը Ֆեյսբուքի իր էջում տեղեկացրել է, որ տիկնոջ՝ Աննա Հակոբյանի հետ այցելել է Շաքիի ջրվեժ: «Շաքիի ջրվեժի հմայքը»- գրել է Փաշինյանը: Մանրամասները՝ տեսանյութում: ...
21:37 07.06.2025
Focus. Գերմանիայում մեքենան մխրճվել է մարդկանց խմբի մեջԳերմանիայի հարավում գտնվող Պասաու քաղաքում (Բավարիայի դաշնային երկրամաս) մեքենան մխրճվել է մարդկանց ամբոխի մեջ, ոստիկանությունը չի բացառում դիտավորյալ բախման հնարավորությունը։ Այս մասին հաղորդում է Focus Online պորտալը: Հաղորդվում է, որ Mercedes-ը վարել է 48-ամյա տղամարդ։ Վարորդը ձերբակալվել է։ Իրավապահ մարմինների նախնական եզրակացությունների համաձայն՝ վրաերթի ենթարկվածների թվում են վարորդի 38-ամյա կինը և նրանց 5-ամյա դուստրը։ Ոստիկանությունը […] ...
21:28 07.06.2025
Նախագահի հրամանագրերով դատավորներ են նշանակվելՀՀ նախագահ Վահագն Խաչատուրյանը հրամանագիր է ստորագրել, ըստ որի՝ Ռուզաննա Ամիրջանյանը նշանակվել է Սյունիքի մարզի առաջին ատյանի ընդհանուր իրավասության դատարանի դատավոր: «Հիմք ընդունելով Սահմանադրության 139-րդ հոդվածի 1-ին և 166-րդ հոդվածի 6-րդ մասերը, ինչպես նաև Բարձրագույն դատական խորհրդի 2025 թվականի հունիսի 2-ի ԲԴԽ-37-Ո-74 որոշմամբ ներկայացված առաջարկությունը. Ռուզաննա Ամիրջանյանին նշանակել Սյունիքի մարզի առաջին ատյանի ընդհանուր իրավասության դատարանի […] ...
21:16 07.06.2025
Երևանում 38-ամյա վարորդը ոչ սթափ վիճակում «Neta» մակնիշի ավտոմեքենայով գլխիվայր հայտնվել է փոսումՀունիսի 7-ին, խոշոր ավտովթար է տեղի ունեցել Երևանում: Ժամը 03:30-ի սահմաններում Երևանի բնակիչ 38-ամյա Մինաս Մ.-ն իր վարած «Neta» մակնիշի ավտոմեքենայով, որի վրա եղել են տրանզիտ համարանիշներ, Հյուսիս-հարավ նոր կառուցվող ճանապարհի Բաբաջանյան փողոցի չգործող հատվածից «Արմենիկում» կլինիկական կենտրոնի մոտ դուրս է եկել երթևեկելի գոտուց և գլխիվայր հայտնվել փոսում: Ինչպես հայտնում է shamshyan.com-ը, վարորդ Մինաս Մ.-ն […] ...
