14:23 24.08.2018
«Սևանի Էկոլոգիական վիճակը այս տարի ապացույցն էր այն բանի, որ լիճն անկայուն վիճակում է գտնվում, և ցանկացած սթրեսային իրավիճակ կարող է ճակատագրական լինել»,- օգոստոսի 24-ին կայացած ասուլիսի ժամանակ ասաց ԳԱԱ հիդրոլոգիայի և ձկնաբանության ինստիտուտի տնօրեն Էվելինա Ղուկասյանը:
Ըստ նրա՝ փրկության միակ ուղին լճի մակարդակի բարձրացումն է, ինչը գիտական հիմնավորում ունի: Այդկերպ կմեծանա լճի ջերմունակությունը, լիճը դանդաղ կսառի ու կտաքանա: Ջրի տաքացումը լուրջ հետևանքներ է ունենում՝ ակտիվանում են կենսական գործընթացները, մեծանում են քիմիական ռեակցիաները, նպաստավոր պայմաններ են ստեղծվում ջրիմուռների աճի համար, ինչն անցանկալի է Սևանի համար: Վտանգավոր է նաև ջրիմուռների կլանման գործընթացը, որը քայքայվելով և թթվածինը կլանելով կարող է թթվածնային քաղց առաջացնել լճի ծանծաղ հատվածներում՝ վտանգելով հատակային կենդանիներին: Անդրադառնալով ջրառին՝ Էվելինա Ղուկասյանը իր դժգոհությունը հայտնեց:
«Մենք կտրուկ դեմ ենք ցանկացած 1 խոր․ մետր ավելի ջրառին: Այս շոգ տարիներին ստեղծվում է մի իրավիճակ, որ գյուղատնտեսությանը զարգանալու հնարավորություն պետք է տանք, բայց եթե Արարատյան դաշտում երաշտ է, նշանակում է Սևանում էլ է նույն վիճակը, Սևանի ավազանի գետերը նույնքան պակաս ջուր են բերում, մեծանում է ջրի գոլորշունակությունը և նույն վտանգավոր վիճակում գտնվում է նաև Սևանա լիճը: Եվ ամեն անգամ հույսը դնել Սևանի վրա, կարծես դարձել է ավանդույթ»,- ասաց Էվելինա Ղուկասյանը:
Խնդիրն իսկապես մտահոգիչ են համարում մասնագետները, քանի որ Սևանա լիճը կվերածվի հսկայական ճահճի՝ լուրջ խնդրի առաջ կանգնեցնելով երկիրը:
«Երկիրը կզրկվի ձկնային ռեսուրսից, հանգստյան գոտուց և քաղցր ջրի պաշարից, իսկ դա, լրջագույն խնդիր է»,- ընդգծեց Էվելինա Ղուկասյանը:
Բանախոսի կարծիքով՝ պատճառը ջրային ռեսուրսների սխալ կառավարումն է:
Հիշեցնենք, որ օգոստոսի 23-ի կառավարության նիստում ներկայացվեց օրենքի նախագիծ, որով 2018 թվականին Սևանա լճից ջրի բացթողնման տարեկան առավելագույն չափաքանակ է սահմանվում մինչև 210 մլն խոր․ մետրը, այսինքն՝ հավելյալ ջրառը լինելու է մինչև 40 մլն խոր․ մետր։
20:36 30.04.2025
Վարչապետն աշխատանքային հանդիպում է ունեցել աշխատանքի և սոցիալական հարցերի նախարարի հետՀՀ վարչապետ Նիկոլ Փաշինյանն աշխատանքային հանդիպում է ունեցել աշխատանքի և սոցիալական հարցերի նախարար Նարեկ Մկրտչյանի հետ: Այս մասին հայտնել է վարչապետը Ֆեյսբուքի իր էջում: Մանրամասները՝ տեսանյութում: ...
20:17 30.04.2025
Աշխարհի լավագույն ռմբարկուների տասնյակըՊորտուգալիայի հավաքականի և սաուդյան «Ալ Նասրի» 40-ամյա հարձակվող Կրիշտիանու Ռոնալդուն 934 գոլով աշխարհի լավագույն ռմբարկուն է գործող ֆուտբոլիստների շարքում։ Լավագույն ռմբարկուների տասնյակը հետևյալն է․ 1․Կրիշտիանու Ռոնալդու («Ալ Նասր»)՝ 934 գոլ 2․Լիոնել Մեսսի («Ինտեր Մայամի»)՝ 858 3․Ռոբերտ Լեւանդովսկի («Բարսելոնա»)՝ 710 4․Լուիս Սուարես («Ինտեր Մայամի»)՝ 587 5․Քարիմ Բենզեմա («Ալ Իթիհադ»)՝ 494 6․Էդինսոն Կավանի («Բոկա Խունիորս»)՝ 462 7․Հարի […] ...
19:56 30.04.2025
Դատավոր Արտուշ Գաբրիելյանի լիազորությունները կասեցվել են. ԲԴԽԲԴԽ-ն որոշում է կայացրել Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Գաբրիելյանի լիազորությունները կասեցնելու մասին: «2025 թվականի ապրիլի 29-ին և 30-ին, դռնփակ նիստերում, հիմք ընդունելով Գլխավոր դատախազի կողմից 2025 թվականի ապրիլի 29-ին ներկայացված «ՀՀ Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Վաչագանի Գաբրիելյանի նկատմամբ հանրային քրեական հետապնդում հարուցելու համաձայնություն […] ...
19:52 30.04.2025
Վարչապետի գլխավորությամբ քննարկվել է «300 դպրոց, 500 մանկապարտեզ» ծրագրի ընթացքըՎարչապետ Նիկոլ Փաշինյանի քննարկվել է «300 դպրոց, 500 մանկապարտեզ» ծրագրի ընթացքը: Փոխվարչապետ Տիգրան Խաչատրյանը նշել է, որ 2021-2025թթ․ մեկնարկել և ընթացքի մեջ են 340 դպրոցի կառուցման, վերանորոգման և նախագծման աշխատանքները, որոնք սպասարկելու են շուրջ 130 000 սովորողի: Ընդգծվել է, որ 2021-2025թթ․ ընթացքում շահագործման են հանձնվել 45 դպրոցներ՝ 10 հիմնանորոգված և 35 կառուցված, որոնք սպասարկում են […] ...
19:46 30.04.2025
Էրդողանն ասել է, որ պաշտպանում է Թրամփի տեսլականը Ուկրաինայի վերաբերյալԹուրքիայի նախագահ Ռեջեփ Թայիփ Էրդողանը հայտարարել է, որ «հեռախոսային դիվանագիտություն» է վարում իր ամերիկացի գործընկեր Դոնալդ Թրամփի հետ և աջակցում է Ուկրաինայի հակամարտության կարգավորման նրա տեսլականին։ «Մենք պարոն Թրամփի հետ ժամանակ առ ժամանակ շփվում ենք հեռախոսային դիվանագիտության ձևաչափով: Կարծում եմ, որ նոր շրջանում մեր երկկողմ հարաբերություններն իմ ընկեր Թրամփի հետ բոլորովին այլ խթան կստանան: Մենք […] ...
