Եվրոպական երկրները հայտարարել են, որ ուշադիր հետևում են Ռուսաստանում տեղի ունեցող իրադարձություններին

Եվրոպական երկրներն արձագանքել են Ռուսաստանում տիրող իրավիճակին՝ ասելով, որ ուշադիր հետևում են Ռուսաստանում տեղի ունեցող իրադարձություններին։
Նիդերլանդների արտգործնախարար Վոպկե Հոկստրան ասել է, որ սերտ կապի մեջ է Մոսկվայում դեսպանատան հետ և փորձում է հստակ պատկերացում կազմել իրավիճակի մասին, որը նա անվանել է «Ռուսաստանի ներքին զարգացումներ»:

Գերմանիայի արտաքին գործերի նախարարության կայքում շաբաթ օրը թարմացվել են Ռուսաստան մեկնելու վերաբերյալ առաջարկությունները։ Գործակալությունը զգուշացնում է Բելգորոդ, Կուրսկ, Բրյանսկ, Վորոնեժ, Դոնի Ռոստով և Կրասնոդար այցելելուց։ Մոսկվայում Գերմանիայի ԱԳՆ-ն խորհուրդ է տվել հնարավորինս խուսափել կառավարական և ռազմական կառույցներից և քաղաքի կենտրոնից։

Իտալիայի ԱԳՆ-ն նույնպես հորդորել է իրենց հայրենակիցներին զգույշ լինել, իսկ վարչապետ Ջորջ Մելոնին նշել է, որ Ուկրաինայի դեմ Ռուսաստանի գործողությունները անկայունություն են առաջացնում նույնիսկ Ռուսաստանի Դաշնության ներսում։

Միևնույն ժամանակ նա ընդգծել է, որ հրավիրել է համապատասխան նախարարներին և հետախուզության պաշտոնյաներին՝ գնահատելու Ռուսաստանում տիրող իրավիճակը։ Մելոնին հավելել է, որ վերջին մի քանի ժամերին Ռուսաստանում իրադարձություններ են տեղի ունենում, ինչը դժվարացնում է հասկանալը իրավիճակի զարգացումը։

Իտալիայի վարչապետը նշել է, որ Հռոմը «շփվում է» դաշնակիցների հետ Ռուսաստանում տիրող իրավիճակի վերաբերյալ, և հայտարարել է արտգործնախարարների մակարդակով առաջիկա շփման մասին։

Չեխիան, Ռումինիան և Շվեյցարիան նույնպես հայտարարել են, որ վերահսկում են իրավիճակը Ռուսաստանում։

Շաբաթ գիշերը Դոնի Ռոստովում«Վագներ» մասնավոր ռազմական ընկերության մարտիկները  գրավել են Հարավային ռազմական օկրուգի շտաբը։ Զինված մարդկանց խմբերը շրջում են քաղաքով մեկ, մուտքերի ու ելքերի մոտ տեղադրվել են անցակետեր։ Դա տեղի է ունեցել Եվգենի Պրիգոժինի հայտարարությունների ֆոնին, թե իբր ՌԴ ԶՈւ-ն «Վագներ»-ի ճամբարները հրթիռային ռմբակոծությունների է ենթարկվել է, դա հերքվել է ինչպես պաշտպանության նախարարության, այնպես էլ ԱԴԾ-ի կողմից: Պրիգոժինի դեմ քրեական գործ է հարուցվել զինված ապստամբություն կազմակերպելու համար։

ՌԴ նախագահ Վլադիմիր Պուտինը ապստամբների գործողություններն անվանել է հանցավոր արկածախնդրություն, հարված Ռուսաստանի թիկունքին և դավաճանություն, որը հանգեցրել է չափազանց մեծ հավակնությունների և անձնական շահերի։