20:32 01.08.2023
Նիգերում ֆրանսիացի զինվորականների տարհանումը դեռ օրակարգում չէ, հաղորդում է Agence France-Presse-ը՝ վկայակոչելով բանակի գլխավոր շտաբի հայտարարությունը։
Ավելի վաղ Ֆրանսիայի ԱԳՆ-ն հայտարարել էր, որ օգոստոսի 1-ից սկսելու է իր քաղաքացիների տարհանումը Նիգերից։ Ֆրանսիայի ԱԳՆ ղեկավար Քեթրին Կոլոննան ասել է, որ Ֆրանսիան ակնկալում է մոտ 24 ժամվա ընթացքում Նիգերից տարհանել մոտ հարյուր ֆրանսիացի և ԵՄ մոտ հարյուր քաղաքացիների, ովքեր ցանկություն են հայտնել լքել երկիրը։
Նա նշել է, որ Ֆրանսիան «անհրաժեշտ պայմանավորվածություններ է ձեռք բերել»՝ տարհանումն իրականացնել փակ օդային տարածքում։ Ֆրանսիայի ԱԳՆ-ի տվյալներով՝ ներկայումս Նիգերում բնակվում է Ֆրանսիայի մոտ 600 քաղաքացի։
«Նիգերում ֆրանսիացի զինվորականների տարհանումը դեռ օրակարգում չէ, տարհանումը վերաբերում է քաղաքացիական անձանց՝ ֆրանսիացիներին և եվրոպացիներին՝ անցյալ շաբաթվա պետական հեղաշրջումից հետո նրանց անվտանգությունը երաշխավորելու համար»,- գրում է լրատվամիջոցը։
Նիգերում կարող են լինել 1500 ֆրանսիացի զինվորականներ՝ Մալիի, Բուրկինա Ֆասոյի և Նիգերի սահմանին գործող ահաբեկչական խմբավորումների դեմ պայքարելու համար։ Ֆրանսիական ռազմական կոնտինգենտը նախկինում տեղակայված էր Մալիում և Բուրկինա Ֆասոյում, սակայն ֆրանսիական ուժերը վտարվեցին երկու երկրներից համապատասխանաբար 2020 և 2022 թվականներին իրականացված պետական հեղաշրջումից հետո։
Կիրակի օրը՝ հուլիսի 30-ին, լրատվամիջոցները հայտնել են, որ Նիգերում հազարավոր մարդիկ մասնակցել են Ֆրանսիայի և Արևմտյան Աֆրիկայի երկրների տնտեսական համայնքի (ECOWAS) դեմ ակցիային: Ակցիան, մասնավորապես, տեղի է ունեցել Նիամիում Ֆրանսիայի դեսպանատան դիմաց։ Նշվել է, որ ցուցարարները կարգախոսներ են վանկարկել ընդդեմ Ֆրանսիայի և ECOWAS-ի։ Ֆրանսիայի արտաքին գործերի նախարար Քեթրին Կոլոննան հույս է հայտնել, որ ֆրանսիական բանակը ստիպված չի լինի միջամտել Նիգերի իրավիճակին՝ իր քաղաքացիներին պաշտպանելու համար։ Միաժամանակ նախագահ Էմանուել Մակրոնն ասել է, որ Ֆրանսիան «անհապաղ պատասխան կտա» Նիգերում իր քաղաքացիների վրա հարձակումների դեպքում և «չի հանդուրժի իր և նրա շահերի դեմ որևէ հարձակում»։
10:00 08.06.2025
ՀՀ տարածքում ավտոճանապարհները հիմնականում անցանելի են
21:56 07.06.2025
Երևան-Գյումրի ավտոճանապարհին բախվել են «Audi»-ն և «BMW»-նՀունիսի 7-ին, ավտովթար է տեղի ունեցել Շիրակի մարզում։ Ժամը 13։30-ի սահմաններում Երևան-Գյումրի-Բավրա M1 ավտոճանապարհի 110 կմ հատվածում բախվել են Վրաստանի քաղաքացի 40-ամյա Վիլեն Վարդապետյանի վարած «Audi» մակնիշի և Շիրակի մարզի բնակիչ 38-ամյա Սամվել Գոմցյանի վարած «BMW» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով Ս․ Գոմցյանը և ուղևոր, Շիրակի մարզի բնակիչ 35-ամյա Ամալյա Մուրադյանը մարմնական […] ...
21:46 07.06.2025
Շաքիի ջրվեժի հմայքը. Փաշինյանը տեսանյութ է հրապարակելՀՀ վարչապետ Նիկոլ Փաշինյանը Ֆեյսբուքի իր էջում տեղեկացրել է, որ տիկնոջ՝ Աննա Հակոբյանի հետ այցելել է Շաքիի ջրվեժ: «Շաքիի ջրվեժի հմայքը»- գրել է Փաշինյանը: Մանրամասները՝ տեսանյութում: ...
21:37 07.06.2025
Focus. Գերմանիայում մեքենան մխրճվել է մարդկանց խմբի մեջԳերմանիայի հարավում գտնվող Պասաու քաղաքում (Բավարիայի դաշնային երկրամաս) մեքենան մխրճվել է մարդկանց ամբոխի մեջ, ոստիկանությունը չի բացառում դիտավորյալ բախման հնարավորությունը։ Այս մասին հաղորդում է Focus Online պորտալը: Հաղորդվում է, որ Mercedes-ը վարել է 48-ամյա տղամարդ։ Վարորդը ձերբակալվել է։ Իրավապահ մարմինների նախնական եզրակացությունների համաձայն՝ վրաերթի ենթարկվածների թվում են վարորդի 38-ամյա կինը և նրանց 5-ամյա դուստրը։ Ոստիկանությունը […] ...
21:28 07.06.2025
Նախագահի հրամանագրերով դատավորներ են նշանակվելՀՀ նախագահ Վահագն Խաչատուրյանը հրամանագիր է ստորագրել, ըստ որի՝ Ռուզաննա Ամիրջանյանը նշանակվել է Սյունիքի մարզի առաջին ատյանի ընդհանուր իրավասության դատարանի դատավոր: «Հիմք ընդունելով Սահմանադրության 139-րդ հոդվածի 1-ին և 166-րդ հոդվածի 6-րդ մասերը, ինչպես նաև Բարձրագույն դատական խորհրդի 2025 թվականի հունիսի 2-ի ԲԴԽ-37-Ո-74 որոշմամբ ներկայացված առաջարկությունը. Ռուզաննա Ամիրջանյանին նշանակել Սյունիքի մարզի առաջին ատյանի ընդհանուր իրավասության դատարանի […] ...
21:16 07.06.2025
Երևանում 38-ամյա վարորդը ոչ սթափ վիճակում «Neta» մակնիշի ավտոմեքենայով գլխիվայր հայտնվել է փոսումՀունիսի 7-ին, խոշոր ավտովթար է տեղի ունեցել Երևանում: Ժամը 03:30-ի սահմաններում Երևանի բնակիչ 38-ամյա Մինաս Մ.-ն իր վարած «Neta» մակնիշի ավտոմեքենայով, որի վրա եղել են տրանզիտ համարանիշներ, Հյուսիս-հարավ նոր կառուցվող ճանապարհի Բաբաջանյան փողոցի չգործող հատվածից «Արմենիկում» կլինիկական կենտրոնի մոտ դուրս է եկել երթևեկելի գոտուց և գլխիվայր հայտնվել փոսում: Ինչպես հայտնում է shamshyan.com-ը, վարորդ Մինաս Մ.-ն […] ...
