20 05 2024

$

387.60
4.26
€

420.12

+19.09 ^oC

Սոչիի շրջանում փորձում են հակահայկական տրամադրություններ հրահրել հայերի կողմից երկու ռուսների սպանությունից հետո

ԱՇԽԱՐՀ

21:47 07.08.2023

Ռուսաստանի Սոչիի շրջանում լարվածություն է՝ նախօրեին տեղի ունեցած սպանության պատճառով: Ուկրաինական պատերազմի երկու ռուս վետերանների սպանության համար մի խումբ հայերի են մեղադրել: Այդ կապակցությամբ որոշ ուժեր փորձում են հակահայկական տրամադրություններ հրահրել:

Ի՞նչ մանրամասներ են հայտնի, նկատելի՞ է արդյոք, թե ովքեր են փորձում օգտագործել միջադեպը՝ հակահայկական տրամադրություններ առաջացնելու համար:

Թեմային՝ «Հորիզոնի» տաղավարում անդրադարձել է Արտյոմ Երկանյանը.

«Օգոստոսի 5-ին, իրավապահները Մեծ Սոչիի Տուապսեի շրջանի Դեդերգո գյուղում՝ գետի ափին, հայտաբերել էին 2 դի՝ բռնության հետքերով:

Նույն օրը հիվանդանոց էր տեղափոխվել այդ միջադեպի ևս մեկ մասնակից վիրավոր վիճակում: Հաջորդ օրը որպես կասկածյալներ ձերբակալվել էին 4 տեղացիներ, 4-ն էլ հայազգի՝ Վարդան Թուլումջյան, Կարեն Ուստյան, Արտյոմ Տուրքմենյան և Ալբերտ Էկզարյան:

Նախնական հետաքննությունը թույլ է տվել պարզել, որ պատճառը մեկ օր առաջ տեղի ունեցած միջադեպն է եղել՝ երեք ռուսների և հայազգի 19-ամյա Կարեն Ուստյանի միջև: Հաջորդ օրը Կարենն իր հայ ընկերների հետ հանդիպել էր իրեն նեղացրած այդ երեք ռուս քաղաքացիների հետ, Դեդերգո գյուղի տարածքում, այնտեղ կռիվ էր տեղի ունեցել, ինչի հետևանքով երկուսը զոհվել էին, մեկը՝ վիրավորվել և այժմ 4 հայերին ներկայացվել է խմբային սպանության մեղադրանք․ նրանց սպառնում է մինչև ցմահ ազատազրկում:

Այստեղ արժե ուշադրություն դարձնել հանգամանքներին. բանն այն է, որ թեև ոմանք փորձում են սա ներկայացնել կազմակերպված սպանություն, սակայն ակնհայտ է, որ հայ երիտասարդները սպանության չէին պատրաստվել, դրա մասին վկայում է այն, որ նրանք անզեն են եղել և սպանությունը տեղի է ունեցել քարերով, պարզապես միմյանց ուղղությամբ քարեր էին նետել: Ակնհայտ է նաև, որ պարզապես կռիվ է տեղի ունեցել և հակառակ կողմի ներկայացուցիչները նույնպես վիրավոր են։ Եթե նրանք պարզապես ավելի ուժեղ չգտնվեին, շատ հնարավոր է, որ նրանք լինեին սպանված, իսկ հակառակ կողմի ներկայացուցիչները՝ ամբաստանյալի աթոռին»,-ասել է Արտյոմ Երկանյանը:

Մանրամասները՝ ամբողջական հարցազրույցում:

Բաժանորդագրվեք SHANTNEWS.am-ին Telegram-ում

Բոլոր լուրերը

12:44 20.05.2024
Անցած 3 օրում ոստիկանները բացահայտել են հանցագործության 200 դեպք

Կապակցված լուրեր

09:53 20.05.2024

Իրանում սկսվել է նախագահական ուղղաթիռի կործանման հետևանքով զոհվածների դիերի նույնականացման գործընթացը. Tasnim

Իրանը սկսել է նախագահական ուղղաթիռի կործանման հետեւանքով զոհվածների մարմինների ինքնությունը պարզելու գործընթացը, հայտնում է Tasnim գործակալությունը։ Վթարի վայրում աշխատանքներ են տարվում մարմինների ինքնությունը պարզելու ուղղությամբ։ Ավելի վաղ հաղորդվում էր, որ վթարի վայր են ուղարկվել փրկարարական ջոկատներ։ Նախնական տեղեկություններով՝ ինքնաթիռը բախվել է ժայռին։ ...

09:47 20.05.2024

Հնդկաստանի վարչապետը ցավակցություն է հայտնել Իրանի նախագահի մահվան կապակցությամբ

Հնդկաստանի վարչապետ Նարենդրա Մոդին ցավակցություն է հայտնել Իրանի ժողովրդին և մահացած Իրանի նախագահ Էբրահիմ Ռաիսիի ընտանիքին և նշել նրա ներդրումը Հնդկաստան-Իրան հարաբերությունների ամրապնդման գործում: «Խորապես վշտացած և ցնցված եմ Իրանի Իսլամական Հանրապետության նախագահ Էբրահիմ Ռաիսիի ողբերգական մահից: Նրա ներդրումը Հնդկաստանի և Իրանի միջև երկկողմ հարաբերությունների ամրապնդման գործում միշտ կհիշվի: Հնդկաստանը կանգնած է Իրանի կողքին այս […] ...

09:29 20.05.2024

Իրանի կառավարությունը նախագահի մահից հետո արտահերթ նիստ կանցկացնի

Իրանի կառավարությունը արտահերթ նիստ կանցկացնի Իսլամական Հանրապետության նախագահ Էբրահիմ Ռաիսիի մահվան լուրից հետո։ Այս մասին հայտնում է IRNA գործակալությունը։ Հանդիպման ստույգ ժամի մասին տեղեկություն չի հաղորդվում։ Ավելի վաղ Իրանի Կարմիր մահիկի ընկերության ղեկավար Փիր Հոսեյն Կոլիվանդը հայտնել էր երկրի հյուսիս-արևմուտքում կործանված Ռաիսիի ուղղաթիռի և բոլոր ուղեւորների մահվան մասին։ ...

09:25 20.05.2024

Fars գործակալությունը լուսանկար է հրապարակել Իրանի նախագահի ուղղաթիռի կործանման վայրից

Fars գործակալությունը իր Telegram ալիքում հրապարակել է լուսանկար Իրանի նախագահ Էբրահիմ Ռաիսիի ուղղաթիռի կործանման վայրից։ «Ավելի վաղ` որոշ լրատվամիջոցներ տարածել էին լուսանկար, որը, ենթադրաբար, նախագահական ուղղաթիռի կործանման վայրից էր, որտեղ երևում էր, թե ինչպես են փրկարարները այրվող բեկորները դուրս հանում: Սակայն, իրականում, այդ լուսանկարը 2020 թվականի ապրիլին է՝ Թեհրան թռչող ուսումնական ինքնաթիռի վթարի վայրից»,-նշված է […] ...

09:04 20.05.2024

Ով է փոխարինելու Իրանի նախագահին այդ պաշտոնում

Իրանի Սահմանադրության համաձայն՝ նախագահի մահվան դեպքում նրա լիազորություններն անցնում են առաջին տեղակալին։ 2021 թ.-ից այդ պաշտոնը զբաղեցնում է Մոհամմադ Մոհբերը։ Իրանի նախագահ Էբրահիմ Ռաիսին զոհվել է ուղղաթիռի վթարի հետևանքով։ Այս մասին հայտնում է Mehr լրատվական գործակալությունը։ Նշվում է, որ ուղղաթիռում նրա հետ եղած անձինք ևս զոհվել են։ Ուղևորերի շարքում էր նաև Իրանի ԱԳ նախարար Հոսեյն […] ...

08:55 20.05.2024

Իրանի ռադիոն և հեռուստատեսությունը պաշտոնապես հայտնել են Ռաիսիի մահվան մասին

Իրանի ռադիոն և հեռուստատեսությունը պաշտոնապես հայտնել են Ռաիսիի մահվան մասին: Իրանի նախագահը զոհվել է ուղղաթիռի վթարի հետևանքով։ Նշվում է, որ ուղղաթիռում նրա հետ եղած անձինք ևս զոհվել են։ Ուղևորերի շարքում էր նաև Իրանի ԱԳ նախարար Հոսեյն Ամիր Աբդոլահիանը։ Ավելի վաղ Իրանական լրատվամիջոցները հայտնել էին երկրի նախագահին տեղափոխող ուղղաթիռի կոշտ վայրէջքի մասին։ Առնվազն չորս փրկարարական խումբ […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.