17:15 19.03.2018
Ադրբեջանի արտաքին գործերի նախարարը օրերս հայտարարել էր, որ ընտրություններից հետո Լեռնային Ղարաբաղի հակամարտության կարգավորման բանակցությունները կրկին կվերսկսվեն: Ավելին՝ այս օրերին հիմնականում ադրբեջանական մամուլը, ինչպես նաև որոշ ռուս ադրբեջանամետ վերլուծաբաններ, ակտիվորեն տարածում են լուրեր, համաձայն որոնց բանակցությունների սեղանին է դրվելու 5 շևջանները հանձնելու հարցը:
«Խոսելով բանակցությունների մասին,մենք միշտ պետք է գիտակցենք, որ բանակցությունները ունեն երկու հարթություն: Մեկը՝ ստեղծել համապատասխան մթնոլորտ բանակցություններում առաջընթաց արձանագրելու համար, մյուսը՝ բուն բանակցություններ, որոնք ուղղված են գործընթացի առաջընթացին», – պատասխանելով լրագրողների հարցերին, այսօր մեկնաբանել է արտաքին գործերի փոխնախարար Շավարշ Քոչարյանը:
Հիշեցնելով Սանկտ-Պետերբուրգի և Վիեննայի բանակցությունների արդյունքում ձեռք բերված պայմանավորվածությունները, Շավարշ Քոչարյանը ընդգծել է, որ բանակցային գործընթացում առաջընթաց արձանագրելու համար նախ և առաջ անհրաժեշտ է, որ կողմերի միջև լինի վստահություն:
«Վստահության անհրաժեշտ մասը կայանում է նրանում, որ կողմերը չկրակեն, սադրանքներ չկազմակերպեն: Այդ իսկ պատճառով խոսվել է և՛ հետաքննության մեխանիզմի ձևավորման մասին, և՛ ԵԱՀԿ գործող նախագահի անձնական ներկայացուցչի՝ Կասպրչիկի մշտադիտարկման խմբի կարողությունների ավելացման մասին», – նշել է Քոչարյանը, պնդելով, որ դա ամենաանհրաժեշտ պայմանն է, առանց որի վստահություն չի լինի: «Այնպես, որ մենք պետք է շատ հստակ գիտակցենք, որ, ցավոք սրտի, Ադրբեջանի ապակառուցողական դիրքորոշման պատճառով խոսել որևէ զարգացման մասին բանակցային գործընթացում, այսօր անհնարին է», – եզրափակել է իր խոսքը փոխնախարարը:
Լրագրողները այդուհանդերձ առավել հստակ պատասխան են պահանջել փոխնախարարից՝ կա՞ արդյոք բանակցային սեղանին դրված 5 շրջանների վերադարձի մասին փաստաթուղթ, թե՞ ոչ, ինչին փոխնախարարն արձագանքել է. «Դա Ադրբեջանի ցանկությունն է, որն ինքը պարբերաբար, կամ իր շուրթերով, կամ այլ մարդկանց ծուրթերով փորձում է սփռել մամուլ: Մենք դրան լուրջ չենք էլ վերաբերվում, որովհետև այդպիսի բան գոյություն չունի»:
22:55 30.04.2025
«Լիվերպուլը» դեմ չէ իր աստղին վաճառել «Ռեալին»
22:42 30.04.2025
Կոտայքի մարզում «Mitsubishi Pickup»-ը բախվել է «Mercedes ML 350»-ին, ինչի հետևանքով վերջինը հայտնվել է զառիթափ լանջին և բախվել հաստաբուն ծառինԱպրիլի 30-ին, ավտովթար է տեղի ունեցել Կոտայքի մարզում։ Ժամը 11։25-ի սահմաններում Քանաքեռավան գյուղում, ժողովրդին հայտնի «Կորեայի ձոր»-ում Երևանի բնակիչ 40-ամյա Գոռ Վ․-ն իր վարած «Mitsubishi Pickup» մակնիշի ավտոմեքենայով բախվել է կայանված վիճակում գտնվող «Mercedes ML 350» մակնիշի ավտոմեքենային, ինչի հետևանքով վերջինը հայտնվել է զառիթափ լանջին և բախվել ծառին։ Ինչպես հայտնում է shamshyan.com-ը, վթարի հետևանքով, ըստ […] ...
22:31 30.04.2025
ՀՀ ԱԳ նախարարի տեղակալ Ռոբերտ Աբիսողոմոնյանի հանդիպումը ՄԱԿ մարդու իրավունքների բարձր հանձնակատարի հետԱպրիլի 30-ին Ժնևում՝ ՄԱԿ Համընդհանուր պարբերական դիտարկման (ՀՊԴ) 4-րդ շրջանի ՀՀ ազգային զեկույցի քննարկման շրջանակներում, ՀՀ ԱԳ նախարարի տեղակալ Ռոբերտ Աբիսողոմոնյանը հանդիպում է ունեցել ՄԱԿ մարդու իրավունքների բարձր հանձնակատար Վոլկեր Տյուրկի հետ: Այս մասին հայտնել են ԱԳՆ-ից: Հանդիպմանն անդրադարձ է կատարվել Հայաստանի ու ՄԱԿ մարդու իրավունքների բարձր հանձնակատարի գրասենյակի միջև փոխգործակցության հարցերին: Երկուստեք ընդգծվել է […] ...
22:19 30.04.2025
Կարող է ձևավորվել Ադրբեջան-ԱՄՆ-Իսրայել տանդեմ. ի՞նչ հետևանքներ կարող է սա ունենալ. զրույց Վարդան Ոսկանյանի հետԱրդյո՞ք Իրանի նախագահի Ադրբեջան այցելությունից հետո կթուլանա երկու երկրների միջև լարվածությունը և որո՞նք էին Մասուդ Փեզեշքիանի գլխավոր ուղերձները Բաքվում. այս և այլ հարցերի «Հեռանկար»-ի տաղավարում անդրադարձել է իրանագետ Վարդան Ոսկանյանը: Նա խոսել է նաև հնարավոր զարգացումների մասին, որոնց արդյունքում կարող է ձևավորվել Ադրբեջան-ԱՄՆ-Իսրայել տանդեմ: Հարցազրույցն ամբողջությամբ՝ տեսանյութում: ...
22:09 30.04.2025
Զեդորֆն առաջարկում է փոխել «Ոսկե գնդակի» ձևաչափըՆիդերլանդների հավաքականի նախկին ֆուտբոլիստ Կլարենս Զեդորֆը կարծիք է հայտնել «Ոսկե գնդակի» նշանակության մասին: «Ինչո՞ւ է «Ոսկե գնդակն» այդքան կարևոր: Չեմ կարծում, որ այն ցուցիչ է ու արտացոլում է իրականությունը: Նախկինում, գուցե, այդպես եղել է, երբ քվեարկում էին մարզիչներն ու ֆուտբոլիստները: Չնայած՝ այդ դեպքում էլ յուրաքանչյուրն ընտրում էր իր թիմակցին, ոչ թե՝ լավագույնին: Կարծում եմ՝ մրցանակը […] ...
21:54 30.04.2025
Անահիտ Ավանեսյանն այցելել է պոլիկլինիկաներ և դեղատներ՝ տեղում լսելու քաղաքացիների դիտարկումները դեղերի փոխհատուցման պիլոտային ծրագրի մասինԱռողջապահության նախարար Անահիտ Ավանեսյանը Ֆեյսբուքի իր էջում հայտնել է, որ երեկ այցելել է պոլիկլինիկաներ և դեղատներ՝ տեղում լսելու քաղաքացիների դիտարկումները դեղերի փոխհատուցման պիլոտային ծրագրի մասին: «Նախ շնորհակալ եմ մեր քաղաքացիներին անկեղծ ու կառուցողական մոտեցման և պատրաստակամության համար: Այս ծրագրի նպատակը մարդկանց ընտրության հնարավորություն տալն է, որ ոչ թե մենք մի տեսակի դեղ գնենք մրցույթով և […] ...
