15:17 05.10.2023
ՀՀ ԱԺ «Պատիվ ունեմ» խմբակցության քարտուղար Տիգրան Աբրահամյանը հոկտեմբերի 5-ին տեղի ունեցած խորհրդարանական ճեպազրույցների ժամանակ իր դիտարկումներն է ներկայացրել տարածաշրջանային զարգացումների եւ ներքաղաքական խնդիրների վերաբերյալ:
Ըստ նրա` վերջին օրերին կային որոշակի սպասումներ խաղաղության պայմանագրի ստորագրման վերաբերյալ, եւ շատերի մոտ այնպիսի տպավորություն է ձեւավորվել, որ Հայաստանի եւ Ադրբեջանի միջեւ խաղաղության հաստատման խնդիրը կամ խոչընդոտը եղել է Լեռնային Ղարաբաղը, եւ ԼՂ-ում Ադրբեջանի կողմից ուժի կիրառումից հետո այդ հարցը փաստացի լուծվել է:
«Իրականության մեջ Հայաստան-Ադրբեջան այդ «խաղաղության պայմանագիրը», միայն Լեռնային Ղարաբաղի բլոկը չէր, կան մեծ թվով խնդիրներ, որոնք, ըստ էության, Հայաստան-Ադրբեջան հարաբերություններում խնդիրներ էին առաջացնում եւ, բնականաբար, խոչընդոտում էին այդ պայմանագրի ստորագրմանը: Առաջին հիմնական խնդիրներից մեկը սահմանների ճշգրտման հետ կապված գործընթացն է, որի հետ կապված Հայաստանի եւ Ադրբեջանի մոտեցումները բավականին տարբերվում են: Դա պայմանավորված է նրանով, որ Ադրբեջանն այս ընթացքում փորձել է առաջ բերել տարբեր կեղծ քարտեզներ: Ադրբեջանը` որպես սկզբունք չի ուզում հիմք ընդունել մեկ քարտեզ, առաջ է բերում, այսպես կոչված, սկզբունքներ, որոնք որեւէ իրականության կամ բանակցային հիմքով չեն կարող լինել»,- ասել է Տիգրան Աբրահամյանը:
Ըստ նրա` երկրորդը կոմունիկացիաների ապաշրջափակման հետ կապված հարցերն են, եւ Ադրբեջանը դրա տակ փորձում է առաջ մղել, այսպես կոչված, «Զանգեզուրի միջանցքի» հանգամանքը, եւ բնականաբար, այս թեման եւս մեծ խոչընդոտներ է ստեղծում Հայաստան-Ադրբեջան հարաբերություններում` հնարավոր ստորագրվելիք փաստաթղթերում:
«Լեռնային Ղարաբաղի հարցը, ըստ էության, այս ժամանակահատվածում կեղծ ձեւով է առաջ բերվել որպես խոչընդոտ Հայաստան-Ադրբեջան հարաբերություններում այդ պայմանագրի ստորագրմանը»,- նշել է պատգամավորը` հավելելով, որ պատերազմը, էթնիկ զտումները, բռնի տեղահանությունները եւ այլն, իրավիճակի որեւէ լիցքաթափման չեն բերել եւ որ ռազմաքաղաքական տեսանկյունից մեր տարածաշրջանում իրավիճակը շարունակում է մնալ բավականին ծանր:
Ի պատասխան լրագրողի` Ազգային կոմիտեի լուծարման եւ ՀՀ պաշտպանության նախկին նախարար Արշակ Կարապետյանի նախորդ օրը հայտարարած քաղաքական շարժման նոր սկզբի վերաբերյալ հարցերին` «Պատիվ ունեմ» խմբակցության քարտուղարը պարզաբանել է. «Անկեղծ ասած` առաջին անգամ եմ լսում, որ Ազգային կոմիտեն լուծարվում է, որքան տեղյակ եմ այդ կոմիտեն իր աշխատանքները շարունակում է»:
Պաշտպանության նախկին նախարարի հայտարարության առնչությամբ էլ նշել է, որ իր համար այդ հանգամանքը երկրորդական հարց է:
23:59 01.08.2025
Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր. ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում գրել է. «Երևանը շարունակում է զարգանալ: Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր՝ կանաչ տարածքներ, հանգստի վայրեր, ժամանակակից խաղահրապարակներ ու ֆուտբոլի դաշտեր: Մեր նպատակը պարզ է՝ բակերը վերադարձնել իրենց իրական տերերին՝ մարդկանց»։ Մանրամասները՝ տեսանյութում: ...
23:56 01.08.2025
Երևանի խնդրանքով ՌԴ-ն միջոցներ կձեռնարկի հացահատիկային բեռների անցումը Վերին Լարսի անցակետով թույլատրելու համարՌուսաստանի կառավարությունը Հայաստանի խնդրանքով հանձնարարել է լրացուցիչ միջոցներ ձեռնարկել Ռուսաստանից Հայաստան հացահատիկով բեռնատարների անցումը Վերին Լարսի անցակետով կազմակերպելու համար, հայտարարել է Ռուսաստանի փոխվարչապետ Ալեքսեյ Օվերչուկը։ «Ռուսաստանի Դաշնության իրավասու մարմիններին հանձնարարվել է լրացուցիչ միջոցներ ձեռնարկել Ռուսաստանից Հայաստանի Հանրապետություն հացահատիկով բեռնատարների անցումը Վերին Լարսով կազմակերպելու համար, որոնց տեղաշարժը սահմանափակվել էր վատ եղանակի և սելավի պատճառով։ Մենք փորձում […] ...
23:49 01.08.2025
El Tiempo. Կոլումբիայի նախկին նախագահը կդատապարտվի 12 տարվա ազատազրկման՝ վկային կաշառելու համարԴատարանը Կոլումբիայի նախկին նախագահ Ալվարո Ուրիբեին, որը մեղավոր է ճանաչվել վկային կաշառելու մեջ, կդատապարտի 12 տարվա ազատազրկման։ Այս մասին հայտնել է El Tiempo թերթը, որը ծանոթացել է դատավորի վճռին։ «Ալվարո Ուրիբե Վելեսը կդատապարտվի 144 ամսվա, այսինքն՝ 12 տարվա ազատազրկման, նվազագույն աշխատավարձի 2420 չափով տուգանքի և 100 ամիս 20 օր ժամկետով պետական պաշտոններ զբաղեցնելու արգելքի», – […] ...
23:40 01.08.2025
Սևանա լճում քաղաքացիները հայտնաբերել են տղամարդու մասնատված մարմինՕգոստոսի 1-ին, առեղծվածային ու ողբերգական դեպք է տեղի ունեցել Գեղարքունիքի մարզում։ Ժամը 18:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության ոստիկանության Մարտունու բաժնում օպերատիվ տեղեկություններ են ստացվել, որ Մարտունի խոշորացված համայնքի Արծվանիստ բնակավայրի Սևանա լճում դի կա։ Այս մասին հաղորդում է shamshyan.com-ը, տեղում պարզվել է, որ քաղաքացիները ափից մոտ 200 մետր հեռավորության […] ...
23:29 01.08.2025
Հութիները հայտարարել են Բեն Գուրիոն օդանավակայանի վրա բալիստիկ հրթիռ արձակելու մասինԵմենի ապստամբ «Անսար Ալլահ» շարժման հութիները գերձայնային բալիստիկ հրթիռով հարվածել են Թել Ավիվի Բեն-Գուրիոն օդանավակայանին։ Այս մասին հայտարարել է ապստամբների ներկայացուցիչ Յահյա Սարիան։ «Հրթիռային զորքերն իրականացրել են եզակի ռազմական գործողություն՝ հարձակվելով Լոդ օդանավակայանի (խմբ. Բեն-Գուրիոն) վրա՝ օգտագործելով «Պաղեստին-2» տիպի գերձայնային բալիստիկ հրթիռ», – ասել է Սարիան, որի ելույթը հեռարձակվել է ապստամբներին պատկանող Al Masirah հեռուստաալիքով։ […] ...
23:17 01.08.2025
Փրկարարներն ուղղել են կողաշրջված բեռնատարըՕգոստոսի 1-ին, ժամը 16։20-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կապան-Աղվանի ավտոճանապարհի 31-րդ կմ-ին բեռնատարը կողաշրջվել է, ճանապարհը դարձել է միակողմանի, տուժածներ չկան. անհրաժեշտ է փրկարարների օգնությունը: Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից և Աղվանու հենակետից մեկական մարտական հաշվարկ։ Պարզվել է, որ «KamAZ» մակնիշի բեռնատարը […] ...
