13:22 31.08.2018
Շիրակի մարզի որոշ համայնքներում մի քանի օր առաջ ընտանի թռչունների անկման դեպք է գրանցվել։ Սատկած թռչունների թիվն առանձին տնտեսություններում տասնյակների է հասնում։ Անասնաբույժները հաստատում են թռչունների կեղծ ժանտախտ հիվանդության փաստը, իսկ սննդամթերքի անվտանգության պետական ծառայության Շիրակի մարզային կենտրոնում չեն հաստատում։
Վարակիչ հիվանդությունը հայտնաբերվել է Այգաբաց, Բասեն, Շիրակ, Կրասար համայնքներում, ընդհանուր հաշվով, սատկել է ավելի քան 600 թռչուն: Մարզի մյուս թռչնաքանակը վարակի դեմ ենթարկվում է պատվաստման։ Բասեն բնակավայրում տնտեսություններ կան, որտեղ մի քանի օրում մինչև 80 հավ է սատկել:
Գյուղի անասնաբույժ Մոսիկ Մավսիսյանը SHANTNEWS.AM-ի հետ զրույցում հաստատեց, որ թռչուններն անկել են կեղծ ժանտախտից: Այն օդակաթիլային հիվանդություն է, իսկ տարածումը հիվանդ թռչնի հետ շփումով է, ջրով և կերով։ Բարեբախտաբար, վարակի օջախն արևի ճառագայթների տակ արագ է ախտահանվում։
Անասնաբույժի խոսքերով՝ հիվանդության դեմ պատվաստանյութն ուշացել էր, դրա համար էլ անկումների թիվը մեծ է եղել: Անցած տարի այս հիվանդության դեմ պետպատվերով պատվաստում նախատեսված չի եղել, իսկ այս տարի պատվաստանյութի ուշացման հետ նաև ազատ վաճառք դեղատներում չկա։
Ըստ անասնաբույժների՝ նաև սա է հիվանդության տարածման պատճառը։ Պատվաստանյութը դեռ մարտ-ապրիլ ամիսներին պետք է մարզ հասներ, որի արդյունքում կանխարգելում կապահովվեր: Երբ թռչուններն արդեն վարակված են, պատվաստումը ոչ թե օգուտ, այլ վնաս է տալիս։ Որոշ տնտեսություններում հիվանդ թռչունները սատկել են պատվաստումից հետո:
Ըստ անասնաբույժների՝ հիվանդության օջախներում հիմա վտանգ չկա: Պատվաստումները շարունակում են, թեև եղած պատվաստանյութը քիչ է, մարզի թռչնաքանակի 70 տոկոսին կբավականացնի: Այն, որ թռչունների մոտ հայտնաբերվածը կեղծ ժանտախտ է, սննդամթերքի անվտանգության ծառայության մարզային կենտրոնի գլխավոր մասնագետ Գագիկ Սարգսյանը, հակառակ անասնաբույժների վստահեցումների, ո՛չ լսել էր, ո՛չ էլ տեսել։
Նա նշեց, որ թռչունների մոտ ճիճվակրություն է՝ ասկարիդոզ կամ ավիտամինոզ: Ճիճվակրության դեպքում նույն տնտեսությունում 1 կամ 2 թռչունի անկում կարող է գրանցվել, այլ ոչ տասնյակներով: Սա էլ անասնաբույժների բացատրությունն է:
21:16 02.08.2025
Արենիում` 42.6, Երևանում՝ 41.9 աստիճան. մի շարք վայրերում դիտված ջերմաստիճանները գերազանցել են այդ օրը երբևէ գրանցված արժեքներըԻնչպես կանխատեսվել էր, այսօր հանրապետությունում դիտվել է բարձր ջերմային ֆոն։ «Հիդրոօդերևութաբանության և մոնիթորինգի կենտրոն» ՊՈԱԿ-ից հայտնել, որ մի շարք վայրերում դիտված առավելագույն ջերմաստիճանները գերազանցել են այդ օրը երբևէ գրանցված արժեքները. Արենի` 42.6°C (40°C` 2011թ.), Երևան` 41.9°C (40.8°C` 2000թ.), Արտաշատ` 40.9°C (40.7°C` 2011թ.), Ապարան` 33.5°C (32.2°C` 2000թ.): ...
21:00 02.08.2025
Անթալիայում զբոսաշրջիկներին զգուշացրել են ուժեղ քամիների և տեղատարափ անձրևների մասինՕդերևութաբանները զգուշացրել են կիրակի օրը Թուրքիայի Անթալիա հանգստավայրում ուժեղ անձրևների մասին, ալիքների բարձրությունը կարող է աճել ափամերձ շրջաններում, զբոսաշրջիկներին և վարորդներին կոչ է արվել զգույշ լինել, հաղորդում է Antalyahakkinda պորտալը։ «Կիրակի օրը Անթալիայի վեց շրջաններում սպասվում են ուժեղ անձրևներ։ 4-րդ տարածաշրջանային օդերևութաբանական վարչության հայտարարության մեջ ընդգծվում է, որ քամին կփչի միջին ուժգնությամբ հյուսիսից և արևմուտքից […] ...
20:50 02.08.2025
Մալիում ձերբակալվել է նախկին վարչապետըՄալիի նախկին վարչապետ Մուսա Մարան կալանավորվել է կառավարությանը վարկաբեկելու և անկարգություններ հրահրելու մեղադրանքով, հաղորդում է RFI ռադիոն։ «Մալիի նախկին վարչապետ Մուսա Մարային մեղադրանք է առաջադրվել և նա կալանավորվել է: Նրան մեղադրանք է առաջադրվել չորս հանցագործությունների մեջ, որոնց մեջ են մտնում «պետության նկատմամբ վստահությունը խաթարելը, օրինական իշխանությանը դիմադրելը և հասարակական անկարգություններ հրահրելը»», – հայտնել է ռադիոկայանը։ […] ...
20:40 02.08.2025
Բրազիլացի պաշտպանը հեռացել է «Փյունիկից»Բրազիլացի պաշտպան Ժունինյոն հեռացել է «Փյունիկից»: Այս մասին հայտնում է ակումբի մամուլի ծառայությունը։ 30-ամյա ֆուտբոլիստը երևանյան ակումբում էր 2021 թ. հուլիսից, 122 խաղում նա խփել է 9 գոլ, կատարել 9 գոլային փոխանցում, երկու անգամ դարձել Հայաստանի չեմպիոն։ ...
20:32 02.08.2025
The Hill. ԱՄՆ Սենատը Ռուսաստանի դեմ պատժամիջոցների օրինագիծը չի ընդունի մինչև ամռան վերջԱՄՆ Սենատը մինչև ամռան վերջ չի ընդունի նոր օրինագիծ, որը կխստացնի Ռուսաստանի դեմ պատժամիջոցները, այդ թվում՝ սահմանափակումներ սահմանելով երրորդ երկրների նկատմամբ։ Այս մասին ասվում է The Hill թերթում հրապարակված հոդվածում։ Ինչպես նշվում է հոդվածում, «հանրապետական սենատորները պատրաստվում են լքել Վաշինգտոնը՝ առանց Ռուսաստանի դեմ պատժամիջոցների մասին լայնածավալ օրինագիծ ընդունելու»։ Սենատի աշխատանքային նիստն ավարտվում է օգոստոսի սկզբին։ […] ...
20:22 02.08.2025
Հինգ երկրներից 90 ծանրոց մարդասիրական օգնություն է հասցվել ԳազաԻսրայելի բանակը շարունակում է մարդասիրական օգնություն հասցնել Գազայի հատված, հաղորդում է բանակի մամուլի ծառայությունը։ «Շաբաթ օրը, քաղաքական ղեկավարության հրահանգներին համապատասխան և Իսրայելի, ԱՄԷ-ի, Հորդանանի, Եգիպտոսի, Ֆրանսիայի և Գերմանիայի միջև համագործակցության շրջանակներում, Իսրայելի պաշտպանության բանակը շարունակում է մի շարք գործողություններ, որոնք ուղղված են Գազայի հատվածում մարդասիրական օգնության ավելացմանը։ Վերջին մի քանի ժամվա ընթացքում հինգ երկիր օդային […] ...
