17:12 13.03.2024
Հայաստանում մարտի 20-ին հերթական անգամ կտոնվի Ֆրանկոֆոնիայի միջազգային օրը, որն այս տարի կնվիրվի հայ նշանավոր դիվանագետ Քրիստիան Տեր-Ստեփանյանի հիշատակին:
Ինչպես տեղեկացնում են ԿԳՄՍ նախարարությունից, «Ֆրանկոֆոնիայի օրեր 2024»-ի շրջանակում երկու ամիս շարունակ Երևանում, Գյումրիում, Վանաձորում և Գավառում կանցկացվի ավելի քան 30 միջոցառում: Ծրագիրը բազմաժանր է՝ կինո, երաժշտություն, թատրոն, ժամանակակից արվեստ։
ՀՀ-ում Ֆրանսիայի դեսպանատանն այսօր կազմակերպված մամուլի ասուլիսի ընթացքում ներկայացվել են երկամսյակի հագեցած ծրագրի մանրամասները:
Մամուլի ասուլիսի բանախոսներն էին ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը, ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյին, Հայաստանում Շվեյցարիայի արտակարգ և լիազոր դեսպան, ֆրանկոֆոն դեսպանների խմբի նախագահ Լուկաս Ռոզենկրանցը, ԱԳՆ բազմակողմ քաղաքականության և համագործակցության զարգացման վարչության պետ Դավիթ Կնյազյանը և Հայաստանի ֆրանսիական ինստիտուտի տնօրեն Գիյոմ Նարժոլեն:
Ֆրանկոֆոնիայի միջազգային օրվա գլխավոր միջոցառումը՝ մարտի 20-ին
ԿԳՄՍ նախարարի տեղակալը վերահաստատել է ՀՀ կառավարության հանձնառությունը ֆրանկոֆոնիայի արժեքներին՝ համերաշխությանը, հանդուրժողականությանը, մասնակցայնությանը և խաղաղ համակեցությանը:
«Այս տարի 325 կրթական ու մշակութային հաստատություններ տոնելու են Ֆրանկոֆոնիայի միջազգային օրը՝ ամբողջ տարվա ընթացքում կազմակերպելով շուրջ 1000 միջոցառումներ: Գլխավոր միջոցառումը, իհարկե, Կոմիտասի անվան Կամերային երաժշտության տանը կայանալիք համերգն է, որը կազմակերպում ենք ԱԳ նախարարության և Հայաստանում ֆրանկոֆոն դեսպանների համակարգող խմբի ու ՀՀ-ում Ֆրանսիայի դեսպանատան հետ համատեղ»,- ներկայացրել է Արթուր Մարտիրոսյանը:
Ֆրանկոֆոնիայի միջազգային օրը՝ մարտի 20-ին, կկայանա Հայաստանի պետական կամերային երգչախմբի համերգը՝ հնագույն երաժշտության «Տաղարան» համույթի մասնակցությամբ: Ծրագրում ընդգրկված կլինեն Կլոդ Դեբյուսի, Մորիս Ռավելի, Պլիվիե Մեսսիանի և այլ անվանի կոմպոզիտորների ստեղծագործությունները:
Հայաստանում ֆրանսերեն է սովորում 62 հազար աշակերտ
ԿԳՄՍ նախարարի տեղակալը տեղեկացրել է՝ ՀՀ-ում ֆրանսերեն սովորող աշակերտների թիվն արդեն հասել է 62 հազարի: Այս պահին ՀՀ-ում գործող շուրջ 250 դպրոցում դասավանդվում է ֆրանսերեն, իսկ ուսուցիչների թիվը 364 է:
«Սա ցույց է տալիս մեր հանրության շրջանում ֆրանսերենի հանդեպ մեծացող հետաքրքրությունը, որն իրականություն է դառնում նաև ՀՀ-ում Ֆրանսիայի դեսպանատան և Ֆրանսիական ինստիտուտի գործուն աջակցությամբ: Անցյալ տարի ֆրանսերենի խորացված ուսուցում և առանձին ֆրանկոֆոն ծրագիր իրականացնող դպրոցների թվին ավելացավ ևս մեկը՝ Անդրանիկ Մարգարյանի անվան թիվ 29 ավագ դպրոցը: Այս դպրոցները հանդես կգան որպես ռեսուրս-կենտրոններ՝ այլ դպրոցների ուսուցիչների վերապատրաստման համար»,- ասել է Արթուր Մարտիրոսյանը՝ ընդգծելով, որ ֆրանկոֆոնիայի միջազգային համագործակցության շրջանակում Հայաստանը մասնակցում է նաև տարբեր ձևաչափերով հանդիպումներին:
ԿԳՄՍ նախարարը կարևորել է նաև Ֆրանսիայի դեսպանատան հետ նոր նախաձեռնությունը, որը հնարավորություն կտա Հայաստանում ֆրանսերեն դասավանդող ուսուցիչների վերապատրաստողների կայուն խումբ ունենալ՝ շարունակաբար աշխատելով ուսումնական նյութերի զարգացման ուղղությամբ:
Հայաստանը 2027 թ. կընդունի ֆրանկոֆոն խաղերը
Արթուր Մարտիրոսյանը հիշեցրել է՝ մեր երկիրը 2027 թվականին պատրաստվում է ընդունել Ֆրանկֆոնիայի միջազգային խաղերը. «Ավելի քան 50 երկրներից ակնկալում ենք շուրջ 4000 մասնակիցների: Վստահ ենք՝ շատ հետաքրքիր ծրագիր է սպասվում սպորտային և մշակութային առումով: Ընդ որում՝ Հայաստանը, իր ազգային առանձնահատկություններից ելնելով, 3 նոր մրցաձև է առաջարկել, օրինակ՝ շախմատը: Ֆրանսերենի զարգացման առումով ևս շատ անելիքներ ունենք մինչև 2027 թվականը, որպեսզի կարողանանք հավուր պատշաճի հյուրընկալել այդ մեծամասշտաբ միջոցառումը»:
«Հայաստանը ֆրանկոֆոնիայի միջազգային կազմակերպության սիրված անդամ է»
ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյին ողջունել է ներկաներին և ընդգծել Հայաստանի ակտիվ մասնակցությունը. «Հայաստանը ֆրանկոֆոնիայի միջազգային կազմակերպության ակտիվ, շատ ազդեցիկ և սիրված անդամ երկիր է: Հայաստանի համար Ֆրանկոֆոնիայի միջազգային կազմակերպության անդամ լինելը ոչ միայն քաղաքական և տնտեսական, այլև մշակութային մեծ բաղադրիչ է պարունակում»:
Դեսպանը հիշեցրել է՝ հոկտեմբերի 4-ին Ֆրանսիայում տեղի է ունենալու կազմակերպության հերթական գագաթաժողովը, որին մասնակցելու է նաև Հայաստանը։
30 միջոցառում՝ Երևանում, Գյումրիում, Գավառում և Վանաձորում
«Ֆրանկոֆոնիայի օրերի շրջանակում տեղի կունենան ավելի քան 30 միջոցառումներ՝ կինոյի, թատրոնի, ժամանակակից արվեստի, երաժշտության ժանրերում։ Կարևոր է, որ միջոցառումները տեղի են ունենալու ոչ միայն մայրաքաղաքում, այլև Գյումրիում, Գավառում և Վանաձորում։ Ֆրանկոֆոնիան միայն մայրաքաղաքի և էլիտայի համար չէ. այն Հայաստանում ուղղված է բոլորին՝ անկախ նրանց գտնվելու վայրից»,- ասել է ՀՀ-ում Ֆրանսիայի արտակարգ և լիազոր դեսպանը:
Նա շնորհակալություն է հայտնել ՀՀ կառավարությանը և, մասնավորապես, ՀՀ կրթության, գիտության, մշակույթի և սպորտի նախարարությանը՝ Ֆրանկոֆոնիայի միջազգային օրվա միջոցառումների անցկացման գործում ցուցաբերած ահռելի ջանքերի և պատրաստակամության համար:
Ֆրանկոֆոնիան նաև արժեքների տարածում է
Հայաստանում Շվեյցարիայի արտակարգ և լիազոր դեսպան, ֆրանկոֆոն դեսպանների խմբի նախագահ Լուկաս Ռոզենկրանցի խոսքով՝ Ֆրանկոֆոնիայի միջազգային կազմակերպությունը զարգացնում է անդամ պետությունների միջև մշակութային, կրթական և տնտեսական համագործակցությունը:
«Ֆրանկոֆոնիան նաև արժեքների տարածում է՝ համերաշխություն, բազմազանություն, փորձի փոխանակում, հանձնառություն: Հենց դրանք մեծ կարևորություն ունեն այն պառակտված և տարաձայնություններով լի աշխարհում, որտեղ ապրում ենք: Ֆրանկոֆոնիայի միջազգային կազմակերպության հիմնական նպատակն է անդամ երկրների միջև կիսել բոլոր արժեքները, զարգացնել քաղաքական, մշակութային և տնտեսական գործակցությունը: Յուրաքանչյուր երկիր իր ավանդն է ներդնում։ Հայաստանն այն երկրներից է, որի ավանդը հատկապես հատկանշական է՝ հաշվի առնելով երկրի չափն ու լեզվակիրների թիվը։ Հայաստանի փորձը ցույց է տալիս, թե ինչպես կարելի է ստեղծել համամարդկային արժեքներ»,- ասել է դեսպանը:
Հայաստան կայցելի ֆրանսիացի գրող Սիլվեն Թեսոնը
Ֆրանկոֆոնիայի միջոցառումների շրջանակում Երևան կայցելի հայտնի ֆրանսիացի գրող Սիլվեն Թեսոնը։ Մարտի 18-ին Ազգային գրադարանում տեղի կունենա նրա ստեղծագործության մոտիվներով նկարահանված «Սև ճանապարհին» ֆիլմի ցուցադրությունը։ Այնուհետև կկազմակերպվի քննարկում Թեսոնի մասնակցությամբ։ Միջոցառումների ամբողջական ցանկը կհրապարակվի առաջիկա օրերին:
Ֆրանկոֆոնիայի երկամսյակի ծրագիրն այս տարի յուրահատուկ է. նշվում է բոլոր ժամանակների ամենահայտնի ֆրանկոֆոն երգիչներից մեկի՝ Շառլ Ազնավուրի 100-ամյակը։ Այս կարևոր հոբելյանը Ֆրանսիայի և Հայաստանի համատեղ առաջարկով և ՅՈՒՆԵՍԿՕ-ի Ֆրանկոֆոն պետությունների խմբի միաձայն աջակցությամբ ընդգրկվել է ՅՈՒՆԵՍԿՕ-ի հռչակավոր մարդկանց և կարևոր իրադարձությունների տարելիցների 2024-2025 թվականների օրացույցում։
23:35 19.05.2024
Ճշտվել է Ռաիսիի ուղղաթիռի գտնվելու վայրը․ Tasnim23:31 19.05.2024
Տիգրան Բարսեղյանը գեղեցիկ գոլ է խփել «Սլովանի» կազմում23:06 19.05.2024
Հրդեհ Հրազդանի կիրճում22:50 19.05.2024
Դիեգո Ռոսի Մարաշլյանը հերթական գոլն է խփել «Կոլամբուսի» կազմում22:13 19.05.2024
«Բայերն» առաջին անգամ ստացել է Բունդեսլիգայի չեմպիոնական տիտղոսը22:01 19.05.2024
Հնդկաստանը աղոթում է Ռաիսիի և նրա շրջապատի բարօրության համար․ Մոդի21:40 19.05.2024
Խամենեին հուսով է, որ Ռաիսին ողջ է մնացել ուղղաթիռի վթարից21:33 19.05.2024
Սպերցյանի գոլը նպաստել է «Կրասնոդարի» հաղթանակին21:28 19.05.2024
Բախվել են ավտոմեքենաներ․ կան տուժածներ21:14 19.05.2024
Իգա Շվյոնտեկը՝ Հռոմի «Մասթերսի» կանանց մենախաղի հաղթող19:14 19.05.2024
Իրանի նախագահի և արտգործնախարարի կյանքը «վտանգի տակ է»․ Reuters18:27 19.05.2024
Պետք չէ անտեսել Մեսսիի տարիքը. Խերարդո Մարտինո18:09 19.05.2024
Էբրահիմ Ռաիսիին տեղափոխող ուղղաթիռը կոշտ վայրէջք է կատարել Իրանում15:55 19.05.2024
Ալյասկայում ինքնաթիռ են հայտնաբերել, որտեղ կա 2 դի15:27 19.05.2024
Հայտնի են Հռոմի «Մասթերս» ATP-1000 մրցաշարի եզրափակչի մասնակիցները14:45 19.05.2024
Ինչպիսի եղանակ է սպասվում առաջիկա օրերին13:37 19.05.2024
Ռաիսին և Ալիևը շահագործման են հանձնել Խուդաֆերինի ՀԷԿ-ը10:58 19.05.2024
Տարադրամի փոխարժեքները մայիսի 19-ին10:19 19.05.2024
ՀՀ տարածքում կա փակ ավտոճանապարհ10:00 19.05.2024
ՃՏՊ Սիսիան-Գորայք ավտոճանապարհին․ կան տուժածներ23:44 18.05.2024
«Յուվենտուսը» հեռացրել է Մասիմիլիանո Ալեգրիին23:17 18.05.2024
Ֆոնսեկան պատրաստ է գլխավորել «Միլանը»22:34 18.05.2024
Բացահայտվել են մազերը ներկելու անսպասելի վտանգները22:25 18.05.2024
Կախարդական ապագա է սպասում ինձ. Մբապե21:55 18.05.2024
Ադամյանի «Քյոլնի» դուրս մնաց Բունդեսլիգայից21:19 18.05.2024
Հայաստանը 7 ծանրորդով կմասնակցի Մ17 ԱԱ-ին20:57 18.05.2024
Միլանի քաղաքային իշխանությունը պարգևատրել է «Ինտերի» ֆուտբոլիստներին20:52 18.05.2024
Կրակոցներ՝ Հրազդան քաղաքում․ կան զոհեր և վիրավոր20:26 18.05.2024
Աշխաբադում բացվել է Սայաթ-Նովայի արձանը20:16 18.05.2024
ՀՀ սահմանապահ զորքերի մի խումբ ծառայողներ արդեն Կիրանցում են20:08 18.05.2024
Ֆրանսիացիները թողարկել են բագետի բույրով նամականիշ19:50 18.05.2024
Յակուտիայի շրջաններից մեկում արտակարգ դրություն է մտցվել19:41 18.05.2024
Նեյմարը հաջողություն է մաղթել Ֆյուրիին Ուսիկի հետ մենամարտում19:31 18.05.2024
Ոստան գյուղի գերեզմանատան մոտ կատարված սպանությունը բացահայտվել է19:14 18.05.2024
Մայիսի 18-ը Թանգարանների միջազգային օրն է19:05 18.05.2024
Բուլղարիայի նախագահը մեկնաբանել է Սլովակիայի վարչապետի դեմ մահափորձը19:33 19.05.2024
Տեղի է ունեցել արտադպրոցական ուսումնական հաստատությունների մանկավարժական աշխատողների կամավոր ատեստավորումըԱյսօր տեղի է ունեցել արտադպրոցական ուսումնական հաստատությունների մանկավարժական աշխատողների կամավոր ատեստավորումը՝ սպորտի ուղղությամբ դասավանդողների համար։ Ատեստավորման գործընթացին հետևելու նպատակով ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանն այցելել է Երևանի թիվ 190 ավագ դպրոցում գործող քննական կենտրոն։ Նախարարի տեղակալը շրջել է քննական կենտրոնում, հետաքրքրվել գործընթացից և հաջողություն մաղթել ատեստավորմանը մասնակցող մանկավարժներին։ Ատեստավորման ընթացքին […] ...
12:19 18.05.2024
Թուրքմենստանի կրթության նախարարը նշել է, որ իրենք հետաքրքրված են կրթության զարգացման Հայաստանի փորձովԱշխաբադում անցկացվող Մշակույթի նախարարների միջազգային համաժողովի շրջանակում ՀՀ կրթության, գիտության, մշակույթի և սպորտի նախարար Ժաննա Անդրեասյանը երկկողմ ձևաչափով հանդիպել է Թուրքմենստանի կրթության նախարար Բայրամգյուլ Օրազդուրդաևայի հետ։ Ժաննա Անդրեասյանը ներկայացրել է ՀՀ կրթության ոլորտում իրականացվող բարեփոխումները՝ անդրադառնալով, մասնավորապես Հանրակրթության նոր չափորոշչի ներդրմանը, թվայնացման և նոր տեխնոլոգիանրի կիրառմանը, ԲՏՃՄ ուղությամբ ուսուցման կազմակերպմանը։ Խոսելով Հայաստանի հաջողված փորձի մասին՝ […] ...
18:26 17.05.2024
Համաշխարհային բանկի պատվիրակությունն այցելել է ՀՊՄՀ վարժարանԿԳՄՍ նախարարի տեղակալ Արթուր Մարտիրոսյանը և Համաշխարհային բանկի ավագ գործադիր տնօրեն Աքսել վան Տրոցենբուրգի գլխավորած պատվիրակությունն այսօր այցելել են Հայկական պետական մանկավարժական համալսարանի հենակետային վարժարան՝ ծանոթանալու ուսումնական հաստատության պայմաններին: Նրանց ուղեկցել են Հայկական պետական մանկավարժական համալսարանի պրոռեկտոր Նաիրա Սաֆարյանը և վարժարանի տնօրեն Իրինա Գրիգորյանը: Համաշխարհային բանկի «Կրթության բարելավում» վարկային ծրագրի շրջանակում ՀՊՄՀ վարժարանը 2019 թ. […] ...
18:14 17.05.2024
«Ակտիվ քաղաքացիությունը ժողովրդավարության կենսունակության կարևոր նախապայմաններից է». Արթուր ՄարտիրոսյանԿԳՄՍ նախարարի տեղակալ Արթուր Մարտիրոսյանն այսօր մասնակցել է «Երիտասարդական էքսպո 2024» միջոցառման բացմանը, որն այս տարի կրում է «Հզորացրո՛ւ, ոգեշնչի՛ր, գործի՛ր» խորագիրը: Միջոցառմանը ներկա է եղել նաև ԱՄՆ ՄԶԳ հայաստանյան առաքելության տնօրեն Ջոն Ալելոն: Էքսպոն կազմակերպվում է «Քաղաքացիական կրթություն և մասնակցություն» ծրագրի շրջանակում, որի միջոցառումները կշարունակվեն օգոստոսին` 2024 թվականի երիտասարդական մայրաքաղաք Գավառում։ Ողջունելով ներկաներին՝ ԿԳՄՍ […] ...
16:55 17.05.2024
ՀՀ ԿԳՄՍ նախարարն Աշխաբադում հանդիպել է Թուրքիայի մշակույթի և զբոսաշրջության նախարարինԱշխաբադում անցկացվող Մշակույթի նախարարների միջազգային կոնֆերանսի շրջանակում մայիսի 17-ին Հայաստանի Հանրապետության կրթության, գիտության, մշակույթի և սպորտի նախարար Ժաննա Անդրեասյանը հանդիպել է Թուրքիայի Հանրապետության մշակույթի և զբոսաշրջության նախարար Մեհմետ Նուրի Էրսոյին: Հայաստանի և Թուրքիայի հարաբերությունների ամբողջական կարգավորման շրջանակում, ի թիվս այլ հարցերի, նախարարներն ընդգծել են մշակութային համագործակցության նպաստը: Նախարարները նաև մտքեր են փոխանակել Անիի պատմական կամրջի […] ...
15:14 17.05.2024
Նախագիծ. փոփոխություններ դպրոցի տնօրենի պաշտոնի թափուր տեղի մրցույթի կարգումՀՀ սննդամթերքի անվտանգության տեսչական մարմնի Արագ արձագանքման բաժնի տեղուչները ստուգում են իրականացրել Ա/Ձ Վիգեն Առաքելյանին պատկանող լավաշի արտադրությունում (Կոտայքի մարզ, ք. Հրազդան): Ստուգման արդյունքում հայտնաբերել են հետևյալ խախտումները՝ արտադրական շինությունները ապահովված չեն եղել կենդանիների և կրծողների ներթափանցումից, շինությունների մակերևույթներն ապահովված չեն եղել բորբոսի և կեղտի առաջացումից ու կուտակումից, պատերի և հատակի մակերևույթները պատրաստված չեն եղել […] ...