22:43 23.03.2024
ՀՀ ԿԳՄՍ նախարար Ժաննա Անդրեասյանն իր ֆեյսբուքյան էջում գրել է.
«Սիրելի դասախոսներ, գիտաշխատողներ, ուսանողներ,
Ուզում եմ երկու բան հստակեցնել.
այս պահին որևէ բան տեղի չի ունենում որևէ բուհի կամ ինստիտուտի հետ. մենք իրական ու խորքային քննարկման պրոցեսում ենք, որ հասկանանք՝ ինչպես ավելի արդյունավետ դարձնենք բարձրագույն կրթությունն ու գիտությունը, ավելի փոխկապված, ավելի որակյալ, ավելի մրցունակ՝ առաջին հերթին մեր ուսանողների և հանրության համար։ Հետևաբար բոլոր այն ահագուժող դիտարկումները, թե այսօր-վաղը ինչ-որ բան է պատահելու, անտեղի են, մոլորեցնող ու շփոթեցնող։ Ինչ-որ բանը պատահելու է մեր համատեղ աշխատանքով, քննարկումներով և դրա արդյունքով։
Ակադեմիական քաղաքն ամենևին միայն ենթակառուցվածքի ու միջավայրի մասին չի. այն նախևառաջ կրթության բովանդակության մասին է, որտեղ դասախոսը դասատու չի և ստիպված չի օրական անհնար ժամեր դասավանդել՝ մի բուհից մյուսը հաճախ վազելով, այլ առաջին հերթին բարձր որակավորված մասնագետ է՝ իր աշխատասենյակով, դասավանդման օպտիմալ ժամերով, հետազոտության համար հարմար պայմաններով, որտեղ իր աշխատանքը փոխկապված է գիտությանը ու դրանով իսկ զարգացող ու զարգացնող աշխատանք է։ Ակադեմիական քաղաքը ուսանողի կրթության մասին է, որը դպրոցից տարբեր կրթություն է. չի սկսվում և ավարտվում սահմանված դասացուցակով. ուսանողն է ընտրում դասընթացները նախընտրած դասախոսների մոտ՝ ունենալով տվյալ մասնագիտության պարտադիր և ընտրովի դասընթացների ցանկը։ Ինքն է ընտրում հաջորդականությունը, ինտենսիվությունը, ժամկետը։ Ընտրում և պատասխանատվություն է վերցնում իր ուսումնառության համար։ Այդպիսով գուցե մի դաս առավոտյան է ունենում, մի դաս՝ ցերեկը, ընթացքում էլ՝ հրաշալի միջավայր ու հնարավորություններ՝ իր կրթությունը իր ուզած ձևով կազմակերպելու՝ գրադարաններում, այլ հարմար միջավայրերում, գուցե ընթացքում մի թեթև աշխատելու՝ գրպանի գումարը հոգալու համար, ընկերների հետ շփվելու և միասին պատրաստվելու ինչ-որ թեմայի կամ դասի, քննության։ Այս բովանդակությունն անհնար է առանց միջավայրի։
Ակադեմիական քաղաքն իրականում անվանումն է մի ծրագրի՝ բովանդակության և միջավայրի, որ պետք է լինի առաջին հերթին ձեզ համար, սիրելի դասախոսներ և ուսանողներ։ Քննարկենք միասին, գտնենք լավագույն լուծումները»:
22:26 01.05.2025
Ամեն ինչ կենտրոնացնելով Երևանում դատարկում ենք գյուղերը․ զրույց Հայաստանի Արհմիությունների կոնֆեդերացիայի նախագահ Էլեն Մանասերյանի հետԱշխատանքի և աշխատավորների միջազգային օրվա առիթով «Հեռանկարն» այսօր հյուրընկալել էր Հայաստանի Արհմիությունների կոնֆեդերացիայի նախագահ Էլեն Մանասերյանին։ Անդրադարձ է եղել Հայաստանում գրանցված աշխատատեղերի և գործազրկության վերաբերյալ վիճակագրական տվյալներին, աշխատողների իրավունքների պաշտպանությանը, «Նվազագույն աշխատավարձը և սոցիալ-տնտեսական իրողությունները Հայաստանի Հանրապետությունում» հետազոտության արդյունքներին, աշխատաշուկայի անհավասար բաշխվածությանը, մասնավորապես այն փաստին, որ գրեթե ամբողջ տնտեսությունը, հիմնարկ-ձեռնարկությունները կենտրոնացած են Երևանում։ «Սա խնդիր […] ...
22:12 01.05.2025
ՆԳՆ միգրացիայի և քաղաքացիության ծառայությունում տրամադրվում է խորհրդատվություն ՌԴ մուտքի արգելքի հարցերովՆԳՆ միգրացիայի և քաղաքացիության ծառայությունում տրամադրվում է խորհրդատվություն հետևյալ թեմաներով՝ ՀՀ քաղաքացիների համար ՌԴ մուտքի արգելքի, դրա ընթացակարգերի վերաբերյալ տեղեկատվություն, ՌԴ մուտքի արգելքի` ներառյալ վարչական և այլ խախտումների հետևանքով դրված արգելքների մասով հարցերի պարզաբանում, ՌԴ և ԵԱՏՄ անդամ երկրների միգրացիոն օրենսդրության փոփոխությունների վերաբերյալ տեղեկատվություն։ Խորհրդատվությունը տրամադրվում է և՛ հեռախոսազանգով (098-33-40-53), և՛ գրասենյակում (Երևան, Թաիրով, 14 […] ...
21:39 01.05.2025
Զբաղվածության պետաջակցության ծրագիր` ԼՂ-ից բռնի տեղահանվածների համարԶբաղվածության պետաջակցության ծրագիր` ԼՂ-ից բռնի տեղահանվածների համար: Պետությունը խրախուսում է գործատուներին աշխատանքային հարաբերությունների մեջ մտնել թիրախային խմբի ներկայացուցիչների հետ 3 բաղադրիչով՝ ուսուցում, պրակտիկա և աշխատանք: Այս մասին հայտնել են ՀՀ կառավարությունից: Մանրամասները՝ տեսանյութում: ...
21:21 01.05.2025
Տեղի է ունեցել Հայաստանի Հանրապետության Համընդհանուր պարբերական դիտարկման չորրորդ շրջանի զեկույցի քննարկումըՄայիսի 1-ին Ժնևում՝ ՄԱԿ Համընդհանուր պարբերական դիտարկման (ՀՊԴ) աշխատանքային խմբի 49-րդ նստաշրջանի շրջանակներում, տեղի է ունեցել Հայաստանի Հանրապետության կողմից ներկայացված 4-րդ շրջանի ազգային զեկույցի քննարկումը: Զեկույցն անդրադառնում է վերջին 4.5 տարիների ընթացքում Հայաստանում մարդու իրավունքերին առնչվող զարգացումներին, խնդիրներին և հեռանկարներին: Զեկույցի նախապատրաստման աշխատանքներն իրականացվել են ՀՀ ԱԳ նախարարության համակարգմամբ՝ բոլոր շահագրգիռ գերատեսչությունների ներգրավմամբ, տեղի են […] ...
21:11 01.05.2025
Ժամանակավորապես կդադարեցվի Երևանի և մարզերի որոշ հասցեների էլեկտրամատակարարումը«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 2-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Արաբկիր վարչական շրջան՝ 11։00-17։00 Ձորափի փ. 70/2, 74 շենքեր, Ռիգայի փ. 12-14 առանձնատներ, Քոչարի փ. 41-139 առանձնատներ, Աճառյան փ. 37/7-39/8 առանձնատներ, Երևանի Մալաթիա-Սեբաստիա վարչական շրջան՝ 10:00-16:00 Լուկաշինի 1, 2, 3 փողոցներ և հյուսիս-հարավ […] ...
