05 05 2024

$

387.32
4.23
€

416.10

+15.09 ^oC

Կողոպուտ և գողություններ. Հրազդանի ոստիկանների բացահայտումները

ԻՐԱՎՈՒՆՔ

12:48 25.04.2024

Ոստիկանության Հրազդանի բաժնի ծառայողները ձեռնարկած օպերատիվ-հետախուզական միջոցառումների արդյունքում պարզել են, որ ապրիլի 22-ին Հրազդան քաղաքի՝ 36-ամյա և Լեռնանիստ բնակավայրի՝ 18-ամյա բնակիչ երկու երիտասարդ անձնական հարցերի շուրջ վիճաբանել են զովաբերցի 19-ամյա և 21-ամյա երկու եղբայրների հետ, ծեծի ենթարկել նրանց, ապա հափշտակել են 19-ամյա երիտասարդի «ՎԱԶ-21061»-ը:

Դեպքի առթիվ ապրիլի 23-ին Կոտայքի մարզային քննչական վարչությունում նախաձեռնվել է քրեական վարույթ:
Ձեռնարկված միջոցառումներով «ՎԱԶ-21061»-ը հայտնաբերվել և տեղափոխվել է Հրազդանի բաժնի պահպանվող հատուկ տարածք:

Քրեական վարույթի շրջանակում ձեռնարկված միջոցառումների արդյունքում պարզվել է, որ զովաբերցի եղբայրները 2023 թ. դեկտեմբերի 10-ից դեկտեմբերի 16-ն ընկած ժամանակահատվածում Հրազդանի Ջրառատ թաղամասի գերեզմանատնից գողացել են այլումինե զարդանախշեր, ինչի վերաբերյալ ոստիկանության Հրազդանի բաժնում 2023 թ. դեկտեմբերի 16-ին հաղորդում էր ստացվել:

Ձեռնարկված օպերատիվ-հետախուզական միջոցառումների արդյունքում եղբայրները հայտնաբերվել, գողություն կատարելու հիմնավոր կասկածի առկայության հիմքով ձերբակալվել ու տեղափոխվել են Հրազդանի բաժին, որտեղ 19-ամյա երիտասարդը խոստովանել է, որ եղբոր հետ նշված գերեզմանատնից գողացել են այլումինե զարդանախշեր, որոնք «ՎԱԶ-21061»-ով տեղափոխել և հանձնել են Գեղամավան համայնքի գունավոր մետաղների ընդունման կետ: Նաև խոստովանել է, որ գողություններ են արել այլ գերեզմանատնից ևս:

Զովաբերի բնակիչ եղբայրները ձերբակալվել են:

Կատարվում է նախաքննություն:

Բաժանորդագրվեք SHANTNEWS.am-ին Telegram-ում

Բոլոր լուրերը

00:02 05.05.2024
Բժիշկը նշել է վիտամինային հավելում, որը տարեցները կարող են ընդունել ամբողջ տարին

Կապակցված լուրեր

17:22 03.05.2024

Տեսագրությունում երևացող անձը որոնվում է նախաձեռնված քրեական վարույթի շրջանակներում

Տեսագրությունում պատկերված անձը որոնվում է նախաձեռնված քրեական վարույթի շրջանակներում։ Նրա ինքնության կամ գտնվելու վայրի վերաբերյալ տեղեկություններ ունեցողներին Ոստիկանությունից խնդրում են դիմել Էրեբունու կամ մոտակա բաժին, զանգահարել 1-02 հեռախոսահամարով: Տեղեկություն տրամադրող անձի գաղտնիությունը երաշխավորվում է: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված […] ...

17:06 03.05.2024

Երևանի Աճառյան փողոցում գործող հյուրանոցի մոտ 35-ամյա տղամարդու առերևույթ սպանության դեպքով քրեական հետապնդում է հարուցվել 2 անձի նկատմամբ

ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնում քննություն է իրականացվում՝ պարզելու Երևանի Աճառյան փողոցում գործող հյուրանոցային համալիրի տարածքում կատարված առերևույթ սպանության հանգամանքները։ 2024 թվականի մայիսի 1-ին՝ ժամը 23։20-ին, ահազանգ է ստացվել, որ նշված հասցեից անգիտակից վիճակում, «կրծքավանդակի ձախ կեսի կտրած-ծակած վերք» աշտորոշմամբ «Սուրբ Գրիգոր Լուսավորիչ» ԲԿ է […] ...

15:16 03.05.2024

ՀՀ ՔԿ քննիչները զարգացրել են հմտությունները կանանց նկատմամբ և ընտանեկան բռնությունների դեմ քրեաիրավական պայքարում

ՀՀ քննչական կոմիտեի մի խումբ քննիչների հանձնվեցին Եվրոպայի խորհրդի երևանյան գրասենյակի կողմից անցկացված «Կանանց նկատմամբ բռնության հաղթահարումը և գենդերային հավասարության ամրապնդումը Հայաստանում» ծրագրի շրջանակներում կազմակերպված՝ կանանց նկատմամբ բռնության և ընտանեկան բռնության վերաբերյալ HELP առցանց դասընթացի մասնակցության վկայագրերը։ Դասընթացը, որին մասնակցել են ՀՀ քննչական կոմիտեի տարածքային ստորաբաժանումների՝ կանանց նկատմամբ և ընտանեկան բռնությունների դեպքերով նախաքննություն կատարող մի […] ...

15:07 03.05.2024

Հանրային հեռուստաընկերության մոտ «դրիֆտ» արած երիտասարդը ձերբակալվել է

Ապրիլի 30-ին Պարեկային ծառայության Երևանի գնդի ծառայողները տեղեկություն ստացան, որ ժամը 19.10-ի սահմաններում մի երիտասարդ իր «Մերսեդես» մակնիշի ավտոմեքենայով Հանրային հեռուստաընկերության մոտակայքում անհարգալից վերաբերմունք է դրսևորել հասարակության նկատմամբ։ Նա կոպիտ կերպով խախտել է հասարակական կարգը, ինչպես նաև ճանապարհային երթևեկության կանոնները, կատարել, այսպես կոչված՝ դրիֆտ: Ոստիկանության ծառայողներն իրականացրած միջոցառումների արդյունքում պարզվել է վարորդի ինքնությունը։ 21-ամյա երիտասարդը […] ...

14:37 03.05.2024

Խորհրդարանը շարունակել է քննարկել ՄԻՊ տարեկան հաղորդումը և զեկույցը

Ազգային ժողովը մայիսի 3-ի նիստում շարունակել է 2023 թվականի ընթացքում ՀՀ մարդու իրավունքների պաշտպանի գործունեության, մարդու իրավունքների եւ ազատությունների պաշտպանության վիճակի մասին տարեկան հաղորդման եւ ՀՀ մարդու իրավունքների պաշտպանի` որպես կանխարգելման ազգային մեխանիզմի 2023 թվականի գործունեության վերաբերյալ տարեկան զեկույցի քննարկումը: Մտքերի փոխանակության ընթացքում մեծամասնություն կազմող, ինչպես նաեւ ընդդիմադիր խմբակցությունների ներկայացուցիչներն անդրադարձել են փաստաթղթերում բարձրացված խնդիրներին՝ […] ...

14:24 03.05.2024

Շիրակի ոստիկանները ապօրինի թմրաշրջանառության դեպքեր են բացահայտել

Շիրակի մարզային վարչության քրեական հետախույզներն ապրիլի 30-ին իրականացրած ուժեղացված ծառայության ընթացքում Գետք բնակավայրում հայտնաբերել, ապօրինի թմրանյութ պահելու և օգտագործելու կասկածանքով ձերբակալել և ոստիկանության Ախուրյանի բաժին են տեղափոխել 38-ամյա մի տղամարդու։ Խուզարկությամբ նրա մոտ հայտնաբերվել են շագանակագույն մանրացված-չորացված զանգված և մոխրացած հետքերով կաթուցիչ։ Ըստ տղամարդու՝ հայտնաբերվածը «շոկո» տեսակի թմրամիջոց է։ Հաջորդ դեպքում Շիրակի մարզային վարչության քրեական […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.