21:22 20.05.2024
Շառլ Ազնավուրի 100-ամյա հոբելյանի կապակցությամբ մայիսի 16-ին Փարիզի 9-րդ թաղամասի Նավարեն 22 փողոցում բացվեց հուշատախտակ՝ նվիրված աշխարհահռչակ երգիչ Շառլ Ազնավուրի հիշատակին։ 1939-1956թթ․ ընթացքում Փարիզի Մոնմարտր պատմական այս թաղամասում է Շառլ Ազնավուրն անցկացրել իր մանկությունը։
Արարողության ընթացքում ելույթներով հանդես եկան Փարիզի 9-րդ շրջանի քաղաքապետ Դելֆին Բյուրկլին, Ֆրանսիայում Հայաստանի դեսպան Հասմիկ Տոլմաջյանը, Ֆրանսիայի Մարտիկների և պատերազմի զոհերի ազգային կենտրոնի գլխավոր տնօրեն Մարի-Քրիստին Վերդիե-Ժուկլասը։
Արարողությանը ներկա էին նաև Ֆրանսիայի ԱԺ պատգամավոր Սիլվեն Մայարը, Փարիզի քաղաքային խորհրդի անդամ, Հիշատակի և վետերանների հարցերով պատվիրակ Ալեքսի Գովցյանը, Հայ ավետարանական եկեղեցու առաջնորդ պատվելի Ժոել Միքայելյանը, մի շարք կազմակերպությունների ներկայացուցիչներ, բազմաթիվ ֆրանսիացիներ և ֆրանսահայեր։
Իր ելույթում դեսպան Տոլմաջյանը երախտագիտություն հայտնեց հայազգի աշխարհահռչակ արտիստի հիշատակի հավերժացմանն ուղղված նախաձեռնության համար, որը նաև խորհրդանշական տուրք է հայ-ֆրանսիական հազարամյա բարեկամությանը: Դեսպանը կարևորեց Մեծ Հայի և միաժամանակ Մեծ Ֆրանսիացու անգնահատելի ավանդը իր երկու Հայրենիքները՝ Հայաստանը և Ֆրանսիան շաղկապելու գործում։ Ընդգծեց նրա կարևոր դերակատարությունը Հայոց ցեղասպանության ճանաչման հարցում: Դեսպանը նշեց նաև անկախությունից ի վեր Հայաստանի ազգային հերոսի կոչմանն արժանացած Շառլ Ազնավուրի մշտական և անվերապահ ներկայությունը Հայաստանի Հանրապետության կողքին, կարևոր դերակատարությունն ու մասնակցությունը՝ ի նպաստ Հայաստանի միջազգային բոլոր նախաձեռնություններին։
Դեսպանը հիշեցրեց նաև, որ Երկրորդ համաշխարհային պատերազմի տարիներին Նավարեն 22 հասցեում գտնվող իրենց բնակարանում է Ազնավուրյանների ընտանիքը պատսպարել Դիմադրության շարժման հայազգի հերոսներ Միսաք և Մելինե Մանուշյաններին՝ ընդգծելով, որ հայազգի երկու ականավոր գործիչների՝ Միսաք Մանուշյանի և Շառլ Ազնավուրի մտերմությունը սկիզբ է առել հենց այդ հասցեում։
Երգչի հիշատակը ոգեկոչող միջոցառմանը ներկա էին նաև Փարիզի Կոնդորսե, Վիկտուար և Ռոկ դպրոցների բազմաթիվ սաներ։ Նրանք ներկայացրեցին Շառլ Ազնավուրի ջերմ հիշողությունները՝ Նավարեն փողոցում անցկացրած տարիներից, կատարեցին երգչի՝ Հայոց ցեղասպանությանը նվիրված «Նրանք ընկան», ինչպես նաև «Լա բոհեմ» ստեղծագործությունները։
23:10 24.06.2025
Իրանը դեռ չի բացել իր օդային տարածքըԻրանը դեռևս չի բացել իր օդային տարածքը, և համապատասխան գերատեսչությունը դեռևս որոշում չի կայացրել թռիչքների վերսկսման վերաբերյալ, երեքշաբթի օրը հայտարարել է Իրանի ճանապարհների և քաղաքաշինության նախարարության մամուլի խոսնակ Մաջիդ Ախավանը։ Flightradar24-ը նախկինում պնդում էր, որ Իրանի օդային տարածքը բաց է, և Թեհրանից միջազգային ժամանումների և մեկնումների համար անհրաժեշտ է նախնական թույլտվություն։ «Օդային տարածքը դեռ չի […] ...
23:00 24.06.2025
Երջանիկ Ղուբասարյանը պայմանագիր է կնքել գերմանական ակումբի հետ«Վեիխե Ֆլենսբուրգը» հայտնել է Հայաստանի երիտասարդական հավաքականի նախկին կիսապաշտպան Երջանիկ Ղուբասարյանի հետ պայմանագիր ստորագրելու մասին: Նոր թիմում 24-ամյա ֆուտբոլիստը կխաղա «6» համարի խաղաշապիկով: Նախորդ կես տարին Ղուբասարյանն անցկացրել է «Դասենդորֆ» ակումբում, որը ներկայացնում էր Գերմանիայի 5-րդ դիվիզիոնը: Նրա նոր թիմը խաղում է 4-րդ լիգայում: Երջանիկը երկար ժամանակ խաղացել է պաշտպանի դիրքում, բայց իր նախորդ ակումբում […] ...
22:55 24.06.2025
Վրացական Գեզի մաքսային տերմինալից դուրս է եկել և դեպի Վերին Լարս ճանապարհ է ընկել 49 կոնյակով բեռնված մեքենա․ Գևորգ ՊապոյանՀՀ էկոնոմիկայի նախարար Գևորգ Պապոյանը ֆեյսբուքյան գրառմամբ տեղեկացրել է․ «Վրաստանի գործընկերների հետ երեկ տեղի ունեցած արդյունավետ բանակցությունների արդյունքում միայն այսօր վրացական Գեզի մաքսային տերմինալից դուրս է եկել և դեպի Վերին Լարս ճանապարհ է ընկել 49 կոնյակով բեռնված մեքենա։ Այս մեքենաները տևական ժամանակ կանգնած էին Գեզիում»։ ...
22:45 24.06.2025
Փեզեշքիան. Իսրայելը չկարողացավ հասնել իր նպատակներինԻսրայելը չի կարողացել հասնել իր նպատակներին և սարսափելի գին է վճարել Իրանի դեմ իր ագրեսիայի համար, հայտարարել է Իսլամական Հանրապետության նախագահ Մասուդ Փեզեշքիանը իրանցի ժողովրդին ուղղված իր ուղերձում։ «Ագրեսիվ թշնամին չկարողացավ հասնել Իրանում օբյեկտները ոչնչացնելու և միջուկային հետազոտությունները խափանելու իր նպատակներին՝ ստիպելով սոցիալական անկարգություններ հանրապետությունում», – նշվում է տեքստում, որը տարածել է Իրանի նախագահի մամուլի […] ...
22:35 24.06.2025
Ներկայացվել են ԱԱԱ-ի խաղային երկրորդ շաբաթվա լավագույն դրվագներըԱշխարհի ակումբային առաջնության համաշխարհային հեռարձակողը՝ DAZN հեռուստաընկերությունը ներկայացրել է մրցաշարի խաղային երկրորդ շաբաթվա լավագույն դրվագների մասին տեսանյութ։ ...
22:25 24.06.2025
Իսրայելը պնդում է, որ Իրանը մոտ 550 հրթիռ է արձակել լարվածության սրման ընթացքումԻսրայելի վարչապետի գրասենյակի խորհրդական Դմիտրի Գենդելմանի խոսքով՝ 12-օրյա դիմակայության ընթացքում Իրանը մոտ 550 հրթիռ է արձակել Իսրայելի ուղղությամբ։ Բացի այդ, նա հավելել է, որ իրանցիները հրեական պետության ուղղությամբ արձակել են ավելի քան 1000 անօդաչու թռչող սարք, հրթիռակոծության հետևանքով զոհվել է 28 մարդ։ Եվս 1472 մարդ տարբեր աստիճանի վնասվածքներ է ստացել։ Վիրավորներից 15-ը գտնվում են ծանր […] ...
