13:43 22.05.2024
Լյուքսեմբուրգը պատրաստակամ է զարգացնելու Հայաստանի հետ հարաբերությունը։ «Արմենպրես»-ի հաղորդմամբ՝ ՀՀ ԱԺ-ում մամուլի ասուլիսի ժամանակ այս մասին ասաց Լյուքսեմբուրգի Մեծ Դքսության Պատգամավորների պալատի նախագահ Կլոդ Վիզլերը։
Շնորհակալություն հայտնելով Հայաստանի Հանրապետության Ազգային ժողովի նախագահ Ալեն Սիմոնյանին հյուրընկալության համար՝ Լյուքսեմբուրգի Մեծ Դքսության Պատգամավորների պալատի նախագահն ընդգծեց, որ Հայաստանում գտնվելն իր համար մեծ պատիվ է, իր պաշտոնական այցը Հայաստան վկայում է այն մասին, որ պատրաստակամություն կա զարգացնելու երկու երկրների միջև հարաբերությունները։
«Սա երկրորդ այցելությունն է Հայաստան վերջին մեկ տարվա ընթացքում, դա աննախադեպ է։ Առաջին անգամ այստեղ եմ այցելել որպես Լյուքսեմբուրգի խորհրդարանական պատվիրակության անդամ և երբ դարձա խորհրդարանի նախագահ, ցանկացա նաև այդ կարգավիճակում այցելել Հայաստան: Ինձ դրան դրդեց այն ամենն, ինչ տեղի է ունեցել այս տարածաշրջանում վերջին տարվա ընթացքում։ Իմ այցելությունը ցույց է տալիս Հայաստանի և Լյուքսեմբուրգի հարաբերությունների զարգացման կարևորությունը, հատկապես խորհրդարանական փոխգործակցության առումով։ Գիտեք, որ մենք ունենք շատ ակտիվ խորհրդարանական բարեկամական խմբեր՝ փոխադարձ այցելություններ են լինում։ Նաև կառավարության մակարդակում ունենք շատ հրաշալի քաղաքական երկխոսություն, օրինակ՝ Հայաստանի և Լյուքսեմբուրգի արտաքին գործերի նախարարների միջև։
Այսօր և վաղը նախատեսում ենք այցելել նախագահին և վարչապետին՝ բացահայտելու հարաբերությունների զարգացման նոր հնարավորությունները»,- ընդգծեց Վիզլերը։
Նա նշեց, որ Լյուքսեմբուրգը նաև ընդգրկված է Հայաստանում տեղակայված ԵՄ քաղաքացիական առաքելության կազմում, որը ցույց է տալիս երկրի հանձնառությունը տարածաշրջանային անվտանգության և խաղաղության համար։
«Կարծում եմ, որ այս այցը կամրապնդի հարաբերությունները մեր երկրների միջև և ապագայում կհանգեցնի ավելի սերտ համագործակցությունների: Ցանկանում եմ ասել, որ Հայաստանը մեր ամբողջական աջակցությունն ունի իր ժողովրդավարության անցման ճանապարհին։ Մենք նաև ողջունում ենք Հռոմի ստատուտի վավերացումը»,- ասաց Լյուքսեմբուրգի Մեծ Դքսության Պատգամավորների պալատի նախագահը։
Վիզլերը տեղեկացրեց, որ Լյուսեմբուրգի խորհրդարանը Հայաստանին վերաբերվող բոլոր բանաձևերը և որոշումները միաձայն է ընդունել։
«Մենք կշարունակենք մեր ներգրավվածությունը ԵՄ քաղաքացիական առաքելությունում, որը մեզ համար կարևոր է։ Անհրաժեշտության դեպքում մենք նաև կուժեղացնենք առաքելությունը և կաջակցենք Հայաստանի և Ադրբեջանի միջև հակամարտության լուծման հարցում։ Մենք նաև Հայաստան-ԵՄ նոր ծրագրի շուրջ ենք աշխատում, Լյուքսեմբուրգը Բրյուսելում փորձում է առաջ տանել այն։ Մենք հստակ հռչակում ենք, որ ռազմագերիների ազատ արձակումը նախապայմաններ են խաղաղ բանակցությունների համար։ Սա հստակ է մեզ համար և Լյուքսեմբուրգի խորհրդարանը համակարծիք է այս հարցում»,- եզրափակեց Վիզլերը։
22:57 08.05.2025
Դեսպան Խաչատրյանը մասնակցել է Երկրորդ համաշխարհային պատերազմում հաղթանակի 80-ամյա հոբելյանի կապակցությամբ կազմակերպված պաշտոնական արարողությանըՄայիսի 8-ին Ֆրանսիայում ՀՀ դեսպան Արման Խաչատրյանը, Ֆրանսիայի նախագահ Էմանուել Մակրոնի հրավերով, մասնակցել է Երկրորդ համաշխարհային պատերազմում դաշնակից ուժերի տարած հաղթանակի 80-ամյա հոբելյանի կապակցությամբ զինվորական պատիվներով կազմակերպված պաշտոնական արարողությանը։ Այս մասին հայտնել են Ֆրանսիայում ՀՀ դեսպանությունից: Փարիզի Հաղթական կամարի մոտ տեղի ունեցած միջոցառման ընթացքում նախագահ Մակրոնը հանդես է եկել ուղերձով, ինչին հաջորդել է վերջինիս կողմից […] ...
22:48 08.05.2025
Հայաստանը պաշտպանել է Հնդկաստանին Պակիստանի հետ իր ունեցած հակամարտության հարցումԵրկու միջուկային գերտերությունների՝ Պակիստանի ու Հնդկաստանի միջև զինված բախումը նոր թափ է ստանում: Ռազմական հարցերով փորձագետները լիարժեք պատերազմի մասին են խոսում: Արդյո՞ք ստեղծված պայմաններում Հայաստանը կարող է չեզոքություն պահպանել: Ի՞նչ նոր զարգացումներ կան Հնդկաստանի և Պակիստանի բախումներում: Թեմային՝ «Հորիզոնի» տաղավարում անդրադարձել է Արտյոմ Երկանյանը: «Այսօր առավոտյան Հնդկաստանի պաշտպանության նախարարությունը տարածել էր տեղեկություն այն մասին, որ […] ...
22:38 08.05.2025
Անահիտ Ավանեսյանն «Ավան» հոգեկան առողջության կենտրոնում հետևել է ընթացող շինաշխատանքներինՀՀ առողջապահության նախարար Անահիտ Ավանեսյանը Ֆեյսբուքի իր էջում հայտնել է, որ այցելել է «Ավան» հոգեկան առողջության կենտրոն և հետևել ընթացող շինարարական աշխատանքներին: ««Ավան» հոգեկան առողջության կենտրոնում հետևեցի ընթացող շինարարական աշխատանքներին. վերանորոգման ավարտական փուլում է 40 մահճակալային ֆոնդ ունեցող կանանց բաժանմունքը: Հոգեկան առողջության այս կենտրոնն առաջիկայում կիրականացնի նաև մանկական արտահիվանդանոցային հոգեբուժական ծառայություն»,-գրել է նախարարը: ...
22:24 08.05.2025
Արայիկ Հարությունյանը ներկա է գտնվել կարատեի Եվրոպայի մեծահասակների 60-րդ առաջնության բացման արարողությանըՎարչապետի աշխատակազմի ղեկավար Արայիկ Հարությունյանն այսօր Կարեն Դեմիրճյանի անվան մարզահամերգային համալիրում ներկա է գտնվել կարատեի Եվրոպայի մեծահասակների 60-րդ առաջնության բացման արարողությանը: Այս մասին հայտնել են կառավարությունից: Արարողությանը ներկա են եղել նաև ԿԳՄՍ նախարար Ժաննա Անդրեասյանը, Աշխարհի և Եվրոպայի կարատեի ֆեդերացիայի նախագահ Անտոնիո Էսպինոսը, Եվրոպայի կարատեի ֆեդերացիայի գլխավոր քարտուղար Դավոր Չեպեկը, բարձրաստիճան պաշտոնյաներ, պատվավոր հյուրեր աշխարհի […] ...
22:16 08.05.2025
Սահմանային իրավիճակից մինչև Սևանի հիմնախնդիրներ. զրույց Գեղարքունիքի մարզպետի հետՈրո՞նք են Հայաստանի ամենամեծ մարզի առջև ծառացած խնդիրներն ու ի՞նչ են անում մարզային իշխանություններն այդ խնդիրներին լուծումներ տալու համար: Այս և այլ հարցերի «Հեռանկար»-ի տաղավարում անդրադարձել է Գեղարքունիքի մարզպետ Կարեն Սարգսյանը: Հարցազրույցն ամբողջությամբ՝ տեսանյութում։ ...
22:09 08.05.2025
Դավիթ Խուդաթյանը ՀՀ ՏԿԵՆ Ջրային կոմիտեի աշխատակազմին է ներկայացրել նորանշանակ նախագահ Կարեն ՍեդրակյանինՀՀ ՏԿԵ նախարար Դավիթ Խուդաթյանն այսօր ՀՀ ՏԿԵՆ Ջրային կոմիտեի աշխատակազմին է ներկայացրել նորանշանակ նախագահ Կարեն Սեդրակյանին։ Այս մասին հայտնել են ՏԿԵ նախարարությունից: Նախարարը շնորհավորել է պարոն Սեդրակյանին և հաջողություններ մաղթել առաջիկա աշխատանքում։ Խուդաթյանն ընդգծել է, որ Ջրային ոլորտը մեր կարևոր ուղղություններից է, Կառավարության համար առաջնահերթ ուղղություն է, և պետք է անել առավելագույնը` գրանցելու քաղաքացիների […] ...
