19:07 23.05.2024
Այսօր ԿԳՄՍ նախարար Ժաննա Անդրեասյանը շնորհակալագրեր է հանձնել «Քեզ համար, Ազնավո՛ւր» և «Երվանդ Քոչար 125. դասականն ու նորարարը» մրցույթների հաղթողներին:
Միջոցառմանը ներկա են եղել ԿԳՄՍ նախարարի տեղակալներ Դանիել Դանիելյանը, Արաքսիա Սվաջյանը և Երվանդ Քոչարի թանգարանի տնօրեն Կարինե Քոչարը:
Նախարարը շնորհավորել է մասնակիցներին և շնորհակալություն հայտնել ակտիվ մասնակցության համար՝ կարևորելով հոբելյանական տարվա մի շարք ծրագրերից զատ նաև դպրոցականների մասնակցությունն ապահովող միջոցառումները.
«Ինչպես գիտեք, այս տարի հոբելյանական տարի է, և ձևավորվել են հոբելյանական հանձնաժողովներ՝ ամբողջ տարվա ընթացքում կազմակերպելու բազմաթիվ տարաբնույթ միջոցառումներ՝ նվիրված թե՛ Շառլ Ազնավուրին, թե՛ Երվանդ Քոչարին: Բայց մենք հատկապես կարևորում ենք սովորողների մասնակցությունը, քանի որ ամենակարևորը, որ կարող ենք անել մեր մեծանուն գործիչների ժառանգությունը պահպանելու և տարածելու առումով, ստեղծած արժեքները հանրահռչակելն է ու նրանցից անընդհատ սովորելը: Կարևոր է, որ այս իրադարձությունները տեղ են գտնում նաև մեր կրթական միջավայրում: Այս մրցույթները միտված են մեր մեծերի մշակութային ժառանգության ճանաչելիությանը, պահպանմանը և տարածմանը»:
Ժաննա Անդրեասյանը շնորհակալություն է հայտնել նաև դպրոցներին և ընտանիքներին, որոնք ձևավորում են այն մթնոլորտը, որտեղ սովորողը, ի թիվս բազմաթիվ զբաղմունքների, ընտրում է հենց կրթամշակութային բովանդակությունը:
«Դուք ձեր ժամանակը կարող էիք տրամադրել բազմաթիվ այլ զբաղմունքների, բայց ընտրել եք սովորելը, ուսումնասիրելը, պրպտելը: Սա ցույց է տալիս, որ ձեր մանկավարժներն ու ընտանիքներն արվեստի, մշակույթի, երկրի պատմության իմացության կարևորությունն առաջնային են համարել և խրախուսել են ձեզ հենց այդ միջավայրում: Այսօրվա հաղթանակն էլ ձեր նախընթաց ջանքերի ու աշխատանքի արդյունքն է»,- ասել է նախարար Ժաննա Անդրեասյանը՝ ընդգծելով, որ մրցույթում հաղթել են այն սովորողները, որոնք եղել են ամենաարագը, ամենագիտակը և ամենահնարամիտը:
Երվանդ Քոչարի թանգարանի տնօրեն Կարինե Քոչարը ևս ողջունել է մասնակիցներին՝ մեջբերելով Երվանդ Քոչարի խոսքերը՝ ուղղված երիտասարդներին.
«Սիրելի՛ երիտասարդներ, դուք եք հայ ժողովրդի դարավոր իղձերի, պայծառ ու գեղեցիկ ապագայի հուսո երաշխիքը: Եվ պետք է լինել առողջ և հուժկու, մշտապես ունենալ մեծ երազանքներ և վստահ լինել, որ ձեր ոչ մի ճիգ, ոչ մի ջանք չեն կորչելու: Ամեն ինչ արդարացվելու է, ձեր երազանքներն իրականանալու են»:
Հաղթող մասնակիցները շնորհակալություն են հայտնել մրցույթի կազմակերպման համար և նշել, որ այն լավ հնարավորություն է՝ հետաքրքրվելու, ուսումնասիրելու և ճանաչելու հայ անվանի արվեստագետներին, որոնցով նախկինում գուցե այնքան էլ հետաքրքրված չէին:
«Ես Քոչարի մասին մակերեսային գիտելիք ունեի: Այս մրցույթից հետո շատ մեծ ցանկություն ունեմ նրա արվեստը ուսումնասիրելու, ճանաչելու: Նրա «Պատերազմի արհավիրքը» կտավից արդեն հասկացել եմ, որ նրա արվեստում յուրաքանչյուր դետալ կարևոր է և խորը փիլիսոփայություն ունի»,- մեկնաբանում է Թամարա Մակարյանը՝ Արմավիրի մարզի Մյասնիկյանի Արայի անվան միջնակարգ դպրոցից: Իսկ Լոռու մարզի Վանաձորի թիվ 1 հիմնական դպրոցի 9-րդ դասարանի աշակերտ Մարիամ Ավետիքյանը և Շիրակի մարզի Գյումրու «Ֆոտոն» վարժարանի 8-րդ դասարանի աշակերտ Մկրտիչ Գաբրիելյանը, որոնք մեծ սեր ու հետաքրքրվածություն ունեն Ազնավուրի հանդեպ, ընդգծել են՝ թեև շատ են սիրում Ազնավուր լսել, կարդալ, բայց այսուհետ ավելի խորքային կուսումնասիրեն, կփորձեն ավելի շատ ճանաչել աշխարհահռչակ շանսոնյեին:
Մրցույթները կազմակերպվել էին «Ազնավուր» հիմնադրամի և Երվանդ Քոչարի թանգարանի հետ համագործակցությամբ: Դրանք նախատեսված էին դպրոցների (8-12-րդ դասարաններ) ու նախնական և միջին մասնագիտական ուսումնական հաստատությունների սովորողների համար:
12:03 16.06.2024
Թրամփն ասել է, որ օրինական միգրանտներին դեմ չէ11:46 16.06.2024
Երևանը 930 թափոնաման էր ստացել․ այժմ դրանք տեղադրվում են11:22 16.06.2024
Տարադրամի փոխարժեքները հունիսի 16-ին10:59 16.06.2024
Հրդեհ Նիզամի գյուղում10:42 16.06.2024
Հրդեհ Գետամեջ գյուղում10:16 16.06.2024
ՀՀ վարչապետ Նիկոլ Փաշինյանը կադրեր է հրապարակել Կապան այցից10:02 16.06.2024
ՀՀ տարածքում կան փակ ավտոճանապարհներ00:00 16.06.2024
Իսպանիան արժանի հաղթանակ տարավ․ Մոդրիչ23:45 15.06.2024
Օրենսգրքում կսահմանվի կիբեռհանցագործությունների ցանկը22:41 15.06.2024
19-ամյա տղայի են դանակահարել22:37 15.06.2024
Եվրո-2024․ Իսպանիայի հավաքականը խոշոր հաշվով հաղթեց Խորվաթիային21:40 15.06.2024
Կդադարեցվի Երևանի և մարզերի որոշ հասցեների էլեկտրամատակարարումը21:29 15.06.2024
Շուռնուխի նորակառույց ճանապարհը փակվել է ուժեղ հեղեղումների պատճառով18:58 15.06.2024
Հայտնի է դարձել Թրամփ-Բայդեն բանավեճի ձևաչափը18:07 15.06.2024
Իտալիայի վարչապետն առաջիկա շաբաթներին կայցելի Չինաստան17:00 15.06.2024
Իսրայելական բանակը արձանագրել է Լիբանանից երկու արկի արձակումը16:27 15.06.2024
ԱՄՆ-ն Ուկրաինային ավելի քան 1,5 միլիարդ դոլար կհատկացնի16:16 15.06.2024
Երևանում կտեղադրվի 930 նոր թափոնաման15:55 15.06.2024
Տոկիոյում շոգի պատճառով 11 մարդ է հոսպիտալացվել14:38 15.06.2024
Փրկարարները շանը դուրս են բերել ջրանցքից13:25 15.06.2024
Մեսսին ցանկանում է դուստր ունենալ12:29 15.06.2024
Ինչպիսի եղանակ է սպասվում առաջիկա օրերին11:45 15.06.2024
Նիկոլ Փաշինյանը շնորհավորական ուղերձ է հղել Ռիշի Սունակին12:21 16.06.2024
Իսրայելի պաշտպանության բանակը հայտնել է Գազայի հատվածում յոթ զինվորի մահվան մասինԻսրայելի պաշտպանության բանակը հրապարակել է Գազայի հատվածում գիշերը սպանված յոթ զինվորների անունները։ Այս տվյալները հաշվի առնելով՝ պաղեստինա-իսրայելական հակամարտության նոր փուլի ընթացքում իսրայելցի զինվորականների շրջանում զոհերի թիվը կազմել է 659, նշում է Իսրայելի պաշտպանության բանակի մամուլի ծառայությունը։ ...
12:03 16.06.2024
Թրամփն ասել է, որ օրինական միգրանտներին դեմ չէԱմերիկայի նախկին առաջնորդ Դոնալդ Թրամփը, ով բազմիցս խոստացել է կազմակերպել ԱՄՆ պատմության մեջ անօրինական միգրանտների ամենամեծ արտաքսումը, ասել է, որ ոչինչ չունի երկիր օրինական մուտք գործածների դեմ։ «Մենք ցանկանում ենք, որ մարդիկ գան այստեղ, բայց մենք ցանկանում ենք, որ նրանք դա անեն օրինական ճանապարհով: Նրանք պետք է ստուգվեն, երբ նրանք հասնեն այստեղ», – ասել է […] ...
11:46 16.06.2024
Երևանը 930 թափոնաման էր ստացել․ այժմ դրանք տեղադրվում ենԹուղթ, պլաստիկ, ապակի և ալյումին. վերամշակվող թափոնների տեսակավորման գործընթացն ընդլայնվում է։ «Երևան, Վարշավա, Տիրանա մայրաքաղաքների համագործակցությունը վտանգավոր թափոնների կառավարման ընդհանուր մարտահրավերների շուրջ» ծրագրի շրջանակում Երևանը 930 թափոնաման էր ստացել։ Այժմ դրանք տեղադրվում են։ ...
11:29 16.06.2024
Նիկոլ Փաշինյանը ծանոթացել է Կապանի թիվ 9 մանկապարտեզի շենքի վերակառուցման և տարածքի բարեկարգման աշխատանքների ընթացքինՀՀ վարչապետ Նիկոլ Փաշինյանը ծանոթացել է Կապանի թիվ 9 մանկապարտեզի շենքի վերակառուցման և տարածքի բարեկարգման աշխատանքների ընթացքին: «Շինարարական աշխատանքները նախատեսվում է ավարտել մոտ ժամանակներս: 170 սանի համար նախատեսված մանկապարտեզի արժեքը 295 մլն դրամ է, որից Կառավարության մասնաբաժինը 80 տոկոս է»,-Ֆեյսբուքի իր էջում գրել է Փաշինյանը: ...
11:25 16.06.2024
ՀՀ ԶՈՒ ստորաբաժանումները կրակ չեն բացել ադրբեջանական դիրքերի ուղղությամբ․ ՀՀ ՊՆԱդրբեջանի ՊՆ հաղորդագրությունը, թե հունիսի 16-ին՝ ժամը 00:50-ի սահմաններում, ՀՀ ԶՈՒ ստորաբաժանումները կրակ են բացել սահմանագոտու հարավարևմտյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։ Այս մասին հայտնում է ՀՀ ՊՆ-ն։ ...
11:22 16.06.2024
Տարադրամի փոխարժեքները հունիսի 16-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 387․5 դրամ, վաճառքի նվազագույն արժեքը՝ 391 դրամ: Եվրոյի առքի առավելագույն արժեքն է 414 դրամ, վաճառքի նվազագույն արժեքը՝ 422 դրամ: Ռուսական ռուբլու առքի առավելագույն արժեքն է 4.28 դրամ, վաճառքի նվազագույն արժեքը՝ 4.44 դրամ: ...