20:44 31.03.2018
Հայաստանի բանակին մատակարարվող ռազմարդյունաբերական արտադրանք մատակարարելիս ուշադրություն է դարձվում այդ արտադրանքի տեխնոլոգիական հագեցվածությանը, քանի որ տեխնոլոգիաների կիրառումը բարձրացնում է զինատեսակների արդյունավետությունը։ «ArmHiTec» ցուցահանդեսի շրջանակներում հայկական արտադրանքը ներկայացնելիս ShantNews.am-ի հետ զրույցում նշեց ՀՀ ՊՆ ռազմարդյունաբերական պետական կոմիտեի նախագահի օգնական Ավետիք Քերոբյանը։
Պաշտոնյայի խոսքով՝ ռազմարդյունաբերության ոլորտում ընտրվում են այն ուղղությունները, որտեղ հայկական ձեռնարկությունները կարող են մրցակցության մեջ մտնել։
«Մենք չունենք ծանր մեքենաշինություն և չենք էլ ուզում ունենալ։ Մենք չունենք ինքնաթիռաշինություն, և դա մեզ համար կարող է լինել միայն երազանք։ Բայց մենք ունենք հմտություններ, գիտելիքներ և ամենակարևորը՝ արդեն ունենք զարգացող փորձ, որն օգտագործելով կարող ենք լինել մրցունակ նաև արտաքին շուկաներում», – նշեց Քերոբյանը։
Պաշտպանության նախարարությունը նույնպես աջակցում է հայկական ընկերությունների արտադրանքի արտահանմանը, քանի որ միայն հայկական բանակի պատվերները կատարելով ընկերությունները չեն կարող բավարար եկամուտ ունենալ։
«Մենք ընդունում ենք, որ մեր բանակը սահմանափակ պատվեր է ունենալու, միշտ։ Եվ ընկերությունների կայուն զարգացման համար կարևոր է, որ նրանք դուրս գան արտաքին շուկաներ», – նշեց Քերոբյանը։
Ցուցահանդեսի սրահներից մեկում ՌԱՊԿ նախագահի օգնականը ցուցադրեց նաև այն զինտեխնիկան, որ արդեն պատրաստ է զինված ուժերին տրամադրման համար։ Նրա խոսքով՝ հայկական հարվածային անօդաչուները փորձարկվում են և շուտով կմտնեն սպառազինության մեջ:
16:33 30.04.2025
ՀՀ դեսպանն իր հավատարմագրերն է հանձնել Նեպալի նախագահին
16:31 30.04.2025
Խոշոր չափերի կաշառք ստանալու մեջ մեղադրվող Կենտրոն վարչական շրջանի պաշտոնատար անձանց վերաբերյալ նախաքննությունն ավարտվել էՀՀ հակակոռուպցիոն կոմիտեում քննված բազմադրվագ քրեական վարույթով իրականացված մեծածավալ ապացուցողական և վարութային այլ գործողությունների արդյունքում հիմնավորվել է, որ Երևանի քաղաքապետարանի աշխատակազմի Կենտրոն վարչական շրջանի երեք պաշտոնատար անձինք ինչպես խմբի կազմում, այնպես էլ առանձին, բազմաթիվ անձանց օգտին ապօրինի անգործության համար նրանցից պահանջել և ստացել են ընդհանուր՝ շուրջ 1 միլիոն ՀՀ դրամ կաշառք՝ իրենց ծառայողական լիազորություններն օգտագործելով […] ...
16:27 30.04.2025
Հայտնի է դարձել, թե ինչ է Զելենսկին խնդրել Թրամփից Վատիկանում հանդիպման ժամանակՎատիկանում կայացած հանդիպման ժամանակ Ուկրաինայի առաջնորդ Վլադիմիր Զելենսկին խնդրել է ԱՄՆ նախագահ Դոնալդ Թրամփին դուրս չգալ հակամարտության կարգավորման բանակցային գործընթացից։ Այս մասին հաղորդում է The Economist ամսագիրը։ Հոդվածում նշվում է, որ երկու պետությունների ղեկավարները խոսել են 15 րոպե։ Զելենսկին այս ժամանակն օգտագործել է Թրամփին համոզելու համար Կիևի՝ անվերապահ հրադադարի պատրաստակամության մեջ։ Միաժամանակ նա պնդել է, […] ...
16:20 30.04.2025
Առաջարկվում է արգելել ՀՀ սահմանային անցակետերում, հյուրանոցներում շահումով խաղի, խաղատան կամ վիճակախաղի գովազդի տեղադրումըՕրենքի ընդունման անհրաժեշտությունը պայմանավորված է խաղային գովազդների տեղակայման սահմանափակման անհրաժեշտությամբ: Առաջարկվում է արգելք սահմանել ՀՀ սահմանային մուտքի կետերում, ինչպես նաեւ հյուրանոցային տնտեսության օբյեկտներում շահումով խաղի, ինտերնետ շահումով խաղի, խաղատան կամ խաղասրահի կամ վիճակախաղի գովազդի տեղադրման համար: Պատգամավոր Նարեկ Ղահրամանյանի հեղինակած ««Գովազդի մասին» օրենքում փոփոխություն կատարելու մասին» օրենքի նախագիծն առաջին ընթերցմամբ քննարկվել է Տնտեսական հարցերի մշտական […] ...
16:15 30.04.2025
«Բայերը» նոր գլխավոր մարզիչ է փնտրում, թեկնածունեևրից մեկը Չավին է«Բայերը» նոր գլխավոր մարզիչ է փնտրում, գրում է Kicker-ը: Լևերկուզենյան թիմի գլխավոր մարզիչ Խաբի Ալոնսոն, ամենայն հավանականությամբ, մրցաշրջանի ավարտից հետո կգլխավորի «Ռեալը», և ակումբում արդեն տարբերակներ են դիտարկում նրան փոխարինելու համար: «Բայերի» դիտակետում են «Բարսելոնայի» նախկին գլխավոր մարզիչ Չավի Էրնանդեսը, «Մանչեսթեր Յունայթեդի» նախկին գլխավոր մարզիչ Էրիկ Տեն Հագը, և «Ռեալ Սոսյեդադը» գլխավորող Իմանոլ Ալգուասիլը, որն […] ...
16:13 30.04.2025
Հանրապետության նախագահն ընդունել է Եվրամիության պատվիրակության ղեկավարինՀանրապետության նախագահ Վահագն Խաչատուրյանն ընդունել է Հայաստանում Եվրոպական միության պատվիրակության ղեկավար, արտակարգ և լիազոր դեսպան Վասիլիս Մարագոսին: Նախագահ Խաչատուրյանը ողջունել է ԵՄ պատվիրակության ղեկավարին և ընդգծել, որ Հայաստան-ԵՄ հարաբերությունները վերջին տարիներին դինամիկ կերպով զարգանում են՝ ընդգրկելով համագործակցության նոր ձևաչափեր և ոլորտներ։ Վասիլիս Մարագոսը շնորհակալություն է հայտնել ընդունելության համար և վերահաստատել է իր հանձնառությունը՝ շարունակելու ներդնել […] ...
16:10 30.04.2025
Ընդունվում են կինոնախագծերի պետական ֆինանսավորման մրցույթի հայտերՀայաստանի կինոյի հիմնադրամը հայտարարում է մրցույթ՝ ազգային ֆիլմերի նախագծերի պետական ֆինանսավորման տրամադրման նպատակով: Մրցույթն անցկացվում է հետևյալ խմբավորմամբ և անվանակարգերում. լիամետրաժ՝ խաղարկային, վավերագրական ու անիմացիոն, կարճամետրաժ՝ խաղարկային, վավերագրական և անիմացիոն: Մրցույթն իրականացվում է՝ համաձայն Հայաստանի կինոյի հիմնադրամի տնօրենի 2025 թ. ապրիլի 18-ի N 57-Լ հրամանով հաստատված՝ ազգային ֆիլմերի նախագծերի պետական ֆինանսավորման տրամադրման մրցույթների կազմակերպման և անցկացման […] ...
