18:29 04.04.2018
Ապրիլյան պատերազմից հետո Թալիշից հեռացած գյուղացիներին հետ վերադարձնելու, գյուղը նորից բնակեցնելու համար նոր թաղամասի կառուցման գաղափար է եղել, որը չի շարունակվել մեծ ծախսերի հետ կապված լինելու պատճառով։ Այս մասին այսօր տեղեկացրել է «Թալիշ» հիմնադրամի հոգաբարձուների խորհրդի նախագահ Մելիտա Խալափյանը։
«Գյուղացիները չգիտեին … մենք չծավալվեցինք, որովհետև դա հսկայական միջոցներ էր պահանջում։ Մենք ուզում էինք, որ այնտեղ կառուցվեն նոր տիպի տներ, ունենան իրենց ապաստարանները»,– նշեց հիմնադրամի ներկայացուցիչը։
Մելիտա Խալափյանի խոսքերով՝ թաղամասը կառուցելու համար իրենք մտադիր էին օգտագործել Թալիշի հին բնակավայրի տարածքը, որը չի դիտարկվում հակառակորդի կողմից, պաշտպանված է լեռներով։ Բացի դրանից՝ տներն էլ համապատասխան կահավորում պետք է ունենային՝ ներառյալ ապաստարանները, որոնք թույլ կտային պատշաճ կազմակերպել քաղաքացիական պաշտպանությունը։
«… Ոչ թե երեխան գրկեին՝ գիշերանոցով, տապչկաներով փախնեին, այլ իջնեին ապաստարանը, սպասեին, մինչև կազմակերպված տարհանեն։ Եվ դա կլիներ ժամանակակից բնակավայր։ Կլիներ քիչ թե շատ ապահով բնակավայր»,– նշեց բանախոսը։
Նրա խոսքերով՝ այդտեղ կարելի էր տեղավորել հիմնականում տղամարդկանց, որոնք այդտեղ կապրեին ու միաժամանակ երկրորդ շարասյուն կլինեին բանակի համար։ Խալափյանի խոսքերով, սակայն, իրենք չեն զարգացրել այդ գաղափարը ֆինանսական անարդյունավետության պատճառով։
Ներկայումս թալիշցիների մի մասն ապրում է Ալաշան բնակավայրում՝ 180 բնակիչ՝ 48 ընտանիք։ «Թալիշ» հիմնադրամի գործադիր տնօրեն Միքայել Ապրեսյանը տեղեկացրեց, որ Թալիշում այս պահին բնակվում է միայն մեկ ընտանիք։ Մինչև Ապրիլյան պատերազմն այնտեղ ապրում էր 500 բնակիչ, մինչև Արցախյան պատերազմը՝ 3700 ընտանիք։
17:54 30.04.2025
Գևորգ Պապոյանն ընդունել է Հայ-ֆրանսիական առևտրաարդյունաբերական պալատի նախագահի գլխավորած պատվիրակությանըՀՀ էկոնոմիկայի նախարար Գևորգ Պապոյանն ապրիլի 30-ին ընդունել է Հայ-ֆրանսիական առևտրաարդյունաբերական պալատի (CCIFA) նախագահ Արմեն Մնացականյանի գլխավորած պատվիրակությանը։ Հանդիպմանը մասնակցել են նաև նախարարի տեղակալներ Էդգար Զաքարյանն ու Նարեկ Հովակիմյանը։ Հանդիպման ընթացքում նախարարին են ներկայացվել պալատի կատարած աշխատանքները, ինչպես նաև առաջիկա ծրագրերը։ Քննարկվել են ՀՀ էկոնոմիկայի նախարարության հետ համագործակցության հնարավոր ուղղությունները։ Կողմերը կարևորել են ֆրանսիացի գործարարներին […] ...
17:46 30.04.2025
Աբովյան քաղաքում ավտոմեքենա է այրվելԱպրիլի 30-ին՝ ժամը 15:24-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աբովյան քաղաքի 98 հասցեի մոտակայքում այրվում է ավտոմեքենա. տուժածներ չկան: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Արզնի գյուղի 4-րդ թաղամասի պահեստային տարածքներից մեկում այրվում է ավտոմեքենա։ Հրդեհը մեկուսացվել է […] ...
17:40 30.04.2025
Իսրայելը կհամաձայնի Գազայում ժամանակավոր հրադադարին. ԷրդողանԹուրքիայի նախագահ Ռեջեփ Թայիփ Էրդողանը կարծում է, որ Իսրայելը կհամաձայնի Գազայի հատվածում ժամանակավոր հրադադարի՝ պատանդների ազատ արձակման դիմաց, սակայն չի համաձայնի երկարաժամկետ զինադադարի։ «Այսօրվա դրությամբ Իսրայելը չի ընդունել մշտական հրադադարը: Առանց ԱՄՆ-ի ճնշման Իսրայելը մտադիր չէ երաշխավորել մշտական հրադադար: Կարծես թե նա կհամաձայնի որոշակի ժամկետով զինադադարի` պատանդներին ազատ արձակելու դիմաց»,-լրագրողներին ասել է Թուրքիայի նախագահը: Նրա […] ...
17:33 30.04.2025
Վահրամ Դումանյանն ազատվել է նախագահի խորհրդականի պաշտոնիցՆախագահ Վահագն Խաչատուրյանը հրամանագիր է ստորագրել, որով Վահրամ Դումանյանն ազատվել է նախագահի խորհրդականի պաշտոնից։ «Հիմք ընդունելով Սահմանադրության 139-րդ հոդվածի 1-ին մասը, ինչպես նաև «Հանրային ծառայության մասին» օրենքի 9-րդ հոդվածի 10-րդ մասը. Վահրամ Դումանյանին 2025 թվականի ապրիլի 30-ին ազատել Հանրապետության նախագահի խորհրդականի պաշտոնից»,-ասվում է հրամանագրում: ...
17:26 30.04.2025
Արագածոտնի մարզում բախվել են «Opel»-ն ու «Kia»-նԱյսօր՝ ապրիլի 30-ին, ավտովթար է տեղի ունեցել Արագածոտնի մարզում: Ժամը 09:00-ի սահմաններում Էջմիածին-Աշտարակ ավտոճանապարհի Կարին բնակավայրի վարչական տարածքում բախվել են Արարատի մարզի բնակիչ 20-ամյա Հովիկ Մ.-ի վարած «Kia» մակնիշի և Արագածոտնի մարզի բնակիչ 67-ամյա Սեդրակ Հ.-ի վարած «Opel» մակնիշի ավտոմեքենաները: Բախման հետևանքով «Kia»-ն դուրս է եկել երթևեկելի գոտուց և բախվել ճանապարհին տեղադրված երկաթե ցուցանակին: Ինչպես […] ...
