18:37 04.04.2018
Հրեա բլոգեր, լրագրող Ալեքսանդր Լապշինը սոցիալական հարթակում հրապարակում է արել Հայաստանի տուրիստական գրավչության և սպասարկման ոլորտի գների մասին՝ դժգոհելով չհիմնավորված թանկությունից:
«Հարց հայ ընկերներին. ասացեք՝ ինչո՞ւ է այդքան թանկ Հայաստան թռչելը: Երևանից Փարիզ մեկնելու համար տոմսն արժի նվազագույնը 250 եվրո մեկ ուղղության համար, իսկ միջինը՝ 350 եվրո: Ես նայեցի նաև Թբիլիսիից տարբերակներ, այնտեղ 130 եվրոյից է սկսվում, արդեն լավ է: Երբ նայեցի Քութայիսի տարբերակները, դեպի Փարիզ ընդամենը 50 եվրո է մեկ ուղղության արժեքը»,- գրել է Լապշինը՝ նշելով, որ օդանավի թանկ տոմսերը զբոսաշրջիկներին վանում են պատմամշակութային մեծ հարստություն և տեսարժան վայրեր ունեցող Հայաստանից:
Անդրադառնալով հյուրանոցային ոլորտին՝ Ալեքսանդր Լապշինը նշում է, որ Երևանում գրեթե անհնար է գտնել 50 եվրոյից էժան սենյակ, որտեղ կլինեն գոնե 3 աստղի հարմարություններ ընտանիքով օթևանելու համար: Ապա բլոգերը համեմատում է Լոնդոնի հետ, որտեղ նա 50 եվրոյով ապրել է քաղաքի կենտրոնին մոտ գտնվող թաղամասում:
Լապշինը համեմատել է Հայաստանի և Իսրայելի իրականությունը: Ասում է՝ Իսրայելը թանկ երկիր է, որտեղ կենսաթոշակները ևս շատ բարձր չեն, բայց դրանով թոշակառուն կարող է իրեն թույլ տալ տարեկան 2-3 անգամ մեկնել արտասահման, սակայն Հայաստան գնալ չի կարող, քանի որ թանկ են տոմսերը և սպասարկման ոլորտը:
Հրեա բլոգերը չի խնայել նաև հայաստանյան հասարակական տրանսպորտը:
«Դա շատ վատ է: Երևանում մի քանի քաոսային ավտոկայան կա, որտեղ շատ դժվար է արտասահմանցի զբոսաշրջիկի համար: Համացանցում չես գտնի երկրի ներսում սպասարկող ավտոբուսների չվացուցակը, հասկանալի չէ, թե որքան արժի տոմսը, ինչպես հասնել ինչ-որ վանք: Ամբողջ հույսը մնում է տեղացի հայերի հյուրասիրության և բարեսրտության վրա: Մի քանի տարի առաջ ես այդպես մնացել էի Գորիսում՝ 2-3 ժամ փնտրելով Տաթևի վանական համալիր տանող տրանսպորտ: Տաքսիստները շատ փող էին ուզում՝ տեսնելով, որ զբոսաշրջիկ եմ: Ի վերջո, ինձ տեղ հասցրեցին ուրիշ զբոսաշրջիկներ, որոնք վարձով մեքենա էին վերցրել: Իսկ երբ փորձեցի Երևանից Գյումրի մեկնել, ավելի քան 1 ժամ նստեցի երթուղայինի սրահում՝ սպասելով, թե վարորդը երբ մեքենան կլցնի ուղևորներով»:
Լապշինը մատնանշել է, որ ճիշտ զբոսաշրջային քաղաքականության շնորհիվ Վրաստանը կարողացել է տարեկան 7 մլն զբոսաշրջիկ բերել երկիր, մինչդեռ Հայաստան գալիս է ընդամենը 1.5մլն:
Հիշեցնենք, որ Լապշինը պարբերաբար լինում է ՀՀ-ում և Արցախում: Նրա նկատմամբ հետապնդումներ էր իրականացնում Ադրբեջանը՝ կարողանալով 2016թ. Բելառուսի մայրաքաղաքում տեղի ոստիկանության աջակցությամբ ձերբակալել Լապշինին և 2017-ի փետրվարին տեղափոխել Բաքու: Այնտեղ Լապշինը դատապարտվեց 3 տարվա ազատազրկման Արցախ այցելելու համար: 2017-ի աշնանը Ադրբեջանի նախագահ Իլհամ Ալիևը ներում շնորհեց Լապշինին և ազատ արձակեց:
23:59 15.06.2025
ԵՄ-ն կոչ է արել թույլ չտալ Իրանին միջուկային զենք ձեռք բերելԵՄ արտաքին գործերի նախարար Կայա Կալասը հայտարարել է ԵՄ դիրքորոշումը, որ Իրանին չպետք է թույլատրվի ձեռք բերել միջուկային զենք: «ԵՄ-ն ուշադիր հետևում է Մերձավոր Արևելքում տիրող իրավիճակին և իր խորը մտահոգությունն է հայտնում վտանգավոր սրման վերաբերյալ, որը սպառնում է անկայունացնել ամբողջ Մերձավոր Արևելքը։ ԵՄ-ն միշտ հստակ է եղել, որ Իրանին չպետք է թույլատրվի ձեռք բերել […] ...
23:30 15.06.2025
Իսրայելը հարվածել է Իրանի արտաքին գործերի նախարարության շենքերից մեկինԻսրայելը հարվածել է Իրանի արտաքին գործերի նախարարության շենքերից մեկին, վիրավորվել են մի քանի քաղաքացիական անձինք, այդ թվում՝ դիվանագետներ, հայտարարել է Իրանի արտաքին գործերի փոխնախարար Սաիդ Խատիբզադեն։ «Իսրայելի ռեժիմը դաժան հարձակում է գործել Իրանի արտաքին գործերի նախարարության շենքերից մեկի վրա, որը գտնվում է Թեհրանում։ Այս հարձակման հետևանքով վիրավորվել են մի քանի քաղաքացիական անձինք, այդ թվում՝ իմ […] ...
23:15 15.06.2025
Գատուզոն դարձել է Իտալիայի ֆուտբոլի ազգային հավաքականի գլխավոր մարզիչը2006 թվականի աշխարհի չեմպիոն Ջենարո Գատուզոն նշանակվել է Իտալիայի ֆուտբոլի ազգային հավաքականի գլխավոր մարզիչ: Այս մասին հայտնել է ազգային հավաքականի մամուլի ծառայությունը: Ավելի վաղ Լուչիանո Սպալետին հայտարարել է Իտալիայի ազգային հավաքականի գլխավոր մարզչի պաշտոնից հեռանալու մասին, որը նա գլխավորում էր 2023 թվականից։ «Գատուզոն իտալական ֆուտբոլի խորհրդանիշ է, ազգային հավաքականի համազգեստը նրա համար երկրորդ մաշկի պես […] ...
23:06 15.06.2025
Իրանի զինված ուժերը կոչ են արել իսրայելցիներին լքել կարևորագույն ենթակառուցվածքային օբյեկտների տարածքներըԻրանի զինված ուժերի խոսնակը հայտարարություն է տարածել՝ կոչ անելով իսրայելցիներին լքել կարևորագույն ենթակառուցվածքային օբյեկտների մոտ գտնվող տարածքները: «Հարվածները կուղղվեն կարևորագույն օբյեկտներին, այդ թվում՝ ռազմական և անվտանգության կենտրոններին, որոշումների կայացման կենտրոններին և հրամանատարների շտաբներին», – ընդգծել է նա Իրանի պետական հեռուստատեսության եթերում։ Նշվել է, որ ստորգետնյա ապաստարանները չեն կարող համարվել հրեական պետության բնակչության համար անվտանգ վայր։ […] ...
22:55 15.06.2025
Նեթանյահուն հայտնել է, որ ԱՄՆ-ն օգնում է Իսրայելին հետ մղել Իրանի հարձակումներըՄիացյալ Նահանգներն օգնում է իսրայելական ուժերին՝ հետ մղելու Իրանի կողմից հրեական պետության դեմ ուղղված պատասխան հարվածները: Այս մասին հայտարարել է Իսրայելի վարչապետ Բենիամին Նեթանյահուն Fox News հեռուստաալիքին տված հարցազրույցում: «Ես խորապես շնորհակալ եմ նախագահ Թրամփի՝ Իսրայելը պաշտպանելուն օգնելու որոշման համար», – շեշտել է նա՝ պատասխանելով այն հարցին, թե արդյոք ամերիկյան կողմը հրեական պետությանը տրամադրում է […] ...
22:45 15.06.2025
Նեթանյահուն հայտարարել է Իրանի հետախուզության ղեկավարին չեզոքացնելու մասինԻսրայելի վարչապետ Բենիամին Նեթանյահուն կիրակի օրը հայտարարեց, որ Իսրայելը չեզոքացրել է Իրանի հետախուզության ղեկավարին և նրա տեղակալին։ «Կարող եմ ձեզ ասել, որ մի քանի րոպե առաջ մենք նաև հարվածեցինք Թեհրանում գտնվող հետախուզության բարձրաստիճան պաշտոնյային և նրա տեղակալին։ Մենք թիրախավորում ենք ռազմական օբյեկտներ, միջուկային օբյեկտներ», – ասել է Նեթանյահուն Fox News-ին։ Նա հավելել է, որ Իսրայելի […] ...
