11:30 04.11.2024
ՀՀ ԱԺ տնտեսական ու ֆինանսավարկային եւ բյուջետային հարցերի մշտական հանձնաժողովների համատեղ նիստում նոյեմբերի 4-ին ներկայացվել են տնտեսական ոլորտին «Հայաստանի Հանրապետության 2025 թվականի պետական բյուջեի մասին» ՀՀ օրենքի նախագծով նախատեսված հատկացումները:
ՀՀ ֆինանսների նախարար Վահե Հովհաննիսյանը տեղեկացրել է, որ Էկոնոմիկայի նախարարությանը 2025 թվականի բյուջեի նախագծով նախատեսվել է 79 մլրդ 552 մլն դրամ, որը 11 մլրդ 309 մլն դրամով կամ 12,4 տոկոսով պակաս է 2024 թվական հատկացումներից: Ընթացիկ ծախսերը 2024 թվականի համեմատ պակաս են 3,2 տոկոսով, կապիտալ ծախսերը` 53 տոկոսով:
Կադաստրի կոմիտեին 2025 թվականի բյուջեի նախագծով նախատեսվել է 4 մլրդ 58 մլն դրամ, որը 9,8 տոկոսով պակաս է 2024 թվականի համեմատ: Ընթացիկ ծախսերը նվազել են 7,3 տոկոսով, իսկ կապիտալ ծախսերը` շուրջ 46 տոկոսով:
Հանրային ծառայությունները կարգավորող հանձնաժողովի բյուջեն եկող տարի կազմի 1 մլրդ 163 մլն դրամ` 4,1 տոկոս աճ նախորդ տարվա համեմատ: Հիմնական զեկուցողի դիտարկմամբ արձանագրվել է ընթացիկ ծախսերի 47 մլն դրամ ավելացում եւ 1 մլն 735 հազար դրամով կապիտալ ծախսերի նվազում:
Մրցակցության պաշտպանության հանձնաժողովին 2025 թվականի բյուջեի նախագծով նախատեսվել է 594 մլն դրամ, որը 19,6 տոկոսով ավելի քիչ է, քան 2024 թվականին: Ընթացիկ ծախսերն ավելի փոքր կլինեն` 2 մլն 599 հազար դրամով, իսկ կապիտալ ծախսեր հանձնաժողովի համար չեն նախատեսվել:
Պետական եկամուտների կոմիտեի ծախսերը 2025 թվականին նախատեսվել են 115 մլրդ 991 մլն դրամի չափով, որը 6 մլրդ 552 մլն դրամով կամ 6 տոկոսով ավելի է, քան 2024 թվականին: Ընթացիկ ծախսերը նախորդ տարվա համեմատ ավելի կլինեն 8,6 տոկոսով, իսկ կապիտալ ծախսերը կնվազեն 27 տոկոսով:
Տարածքային կառավարման նախարարությանը տրանսպորտի եւ էներգետիկայի ու բնական պաշարների ոլորտի գծով նախագծով նախատեսվում է 289 մլրդ 152 մլն դրամ, որը 5,9 տոկոսով պակաս է 2024 թվականի համեմատ: Ընթացիկ ծախսերը պակաս կլինեն 0,2 տոկոսով, իսկ կապիտալ ծախսերը` 5 տոկոսով:
Քաղաքաշինության կոմիտեի ծախսերը կկազմեն 3 մլրդ 303 մլն դրամ, որը 2024 թվականի համեմատ պակաս կլինի 35,5 տոկոսով: Ընթացիկ ծախսերը պակաս կլինեն 1 մլրդ 422 մլն դրամով, իսկ կապիտալ ծախսերը` 397 մլն դրամով: Վահե Հովհաննիսյանի դիտարկմամբ Քաղաքաշինության կոմիտեն բավականին ծավալուն աշխատանք է իրականացնում եւ տարբեր գերատեսչությունների մոտ հաշվարկված կապիտալ ծախսերի մի մասն իրականացնում է որպես բյուջետային ստորադաս կարգադրիչ:
19:39 02.05.2025
Աշխատանքի և աշխատավորների միջազգային օրվա առթիվ Նարեկ Մկրտչյանը հյուրընկալել է աշխատանքի վետերաններիԱշխատանքի և աշխատավորների միջազգային օրվա առթիվ՝ Աշխատանքի և սոցիալական հարցերի նախարար Նարեկ Մկրտչյանն այսօր նախարարությունում հյուրընկալել է աշխատանքի վետերաններ՝ 89-ամյա Թամարա Կարապետյանին և 86-ամյա Ռազմիկ Աբրահամյանին, ովքեր բնակվում են պետության ենթակայությամբ գործող շուրջօրյա խնամքի հաստատություններում։ Նախարարը շնորհակալություն է հայտնել նրանց՝ երկարամյա աշխատանքային գործունեության և ունեցած վաստակի համար։ Վերջիններս նախարարին պատմել են իրենց գործունեության, խոսել աշխատելու […] ...
19:30 02.05.2025
Տելեգրամի միջոցով թմրանյութ ձեռք բերած երիտասարդը ներկայացվել է նախաքննական մարմինՔրեական ոստիկանության Կոտայքի մարզային վարչության ծառայողները տեղեկություններ էին ստացել, որ Երևանի բնակիչ 27-ամյա երիտասարդը առցանց եղանակով թմրամիջոց է ձեռք բերել: Ձեռնարկված միջոցառումների արդյունքում մայիսի 1-ին Բջնի-Քաղսի ավտոճանապարհին 27-ամյա երիտասարդը հայտնաբերվել, ձերբակալվել և տեղափոխվել է վարչություն: Նրա անձնական խուզարկությամբ հայտնաբերվել է «Ալֆա ՊՎՊ» տեսակի թմրամիջոցի նմանվող զանգված: Երիտասարդը հայտնել է, որ այն անձնական օգտագործման համար ձեռք […] ...
19:20 02.05.2025
Դատախազական ակտի կիրառման արդյունքում վերականգնվել է պետությանը պատճառված 75 միլիոն դրամ վնասըՔննչական կոմիտեում քննվող քրեական վարույթի ուսումնասիրությամբ պարզվել է, որ բազմաբնակարան շենքերի կառուցապատմամբ և բնակարանների վաճառքով զբաղվող ընկերության սեփականատեր Ա.Մ.-ն նույն ընկերության տնօրեն Գ.Վ.-ի հետ նախնական համաձայնությամբ, առանձնապես խոշոր չափերով հարկեր վճարելուց խուսափելու, այդ միջոցով շահույթ ստանալու նպատակով՝ Երևան քաղաքի Նորք-Մարաշ վարչական շրջանում կառուցվող բազմաբնակարան շենքից 2022-2024 թվականների ընթացքում իրացրել է բնակարաններ՝ կառուցվող շենքից անշարժ գույք […] ...
19:14 02.05.2025
Կիրանցի առօրյան. սահմանազատումից մեկ տարի անցՄեկ տարի առաջ՝ 2024-ի ապրիլի 23-ին, Հայաստան-Ադրբեջան պետական սահմանի Տավուշ-Ղազախ հատվածում տեղադրվեց առաջին սահմանային սյունը: Արդյունքում սահմանազատվեց 12 կմ-ոց հատված: Անվտանգային ինչպիսի՞ հարց է լուծվել, մեկ տարվա ընթացքում ի՞նչ է փոխվել սահմանամերձ այս գյուղերում ապրող մարդկանց կյանքում: «Շանթ» ՀԸ «Հորիզոնի» նկարահանող խումբը եղել է Կիրանցում ՝ զրուցելու տեղացիների հետ և նրանց առօրյայի ու զգացողությունների մասին […] ...
19:07 02.05.2025
Նախագահական նստավայրում հյուրընկալվել են ֆիզիկամաթեմատիկական մասնագիտացված դպրոցի աշակերտներըՆախագահական նստավայրում հյուրընկալվել են Երևանի Արտաշես Շահինյանի անվան ֆիզիկամաթեմատիկական մասնագիտացված դպրոցի աշակերտները։ Նրանք շրջայց են կատարել նստավայրում, ծանոթացել դրա պատմությանը, ճարտարապետական առանձնահատկություններին և գործունեության կարգին։ Այնուհետև Հանրապետության նախագահ Վահագն Խաչատուրյանն աշակերտների համար դասախոսություն է կարդացել՝ ներկայացնելով պետության և ազատ շուկայական տնտեսության փոխհարաբերությունները, դրանց նշանակությունն ու կիրառական դրսևորումները ժամանակակից կառավարման համակարգում։ Դասախոսությունից հետո նախագահն անմիջական մթնոլորտում […] ...
19:00 02.05.2025
Գողությունը բացահայտվել է. 25-ամյա հարևանուհին խոստովանել է արարքըՔրեական ոստիկանության Տավուշի մարզային վարչությունում հաղորդում տված քաղաքացին հայտնել էր, որ ապրիլի 28-ի ժամը 14-ից 18-ն ընկած ժամանակահատվածում Դիլիջանի Աթարբեկյան փողոցում գտնվող իր տնից գողացել են բջջային հեռախոս: Նշված հասցե օպերատիվ խումբ է մեկնել: Կազմված փաստաթղթերն ուղարկվել են Դիլիջանի քննչական բաժին, որտեղ քրեական վարույթ է նախաձեռնվել: Ձեռնարկված օպերատիվ-հետախուզական միջոցառումների արդյունքում մայիսի 1-ին հանցագործությունը բացահայտվել է: […] ...
