20:50 18.09.2018
Ջրամատակարարման համակարգում տարվող բարեփոխումները Գյումրիում տարիներ շարունակ վերաբերել են հիմնականում խմելու ջրագծերի նորացմանն ու այդպես էլ կոյուղատար համակարգին չեն հասել: Քաղաքում դեռևս կան թաղամասեր ու ավելի քան 11 փողոցներ, որտեղ կոյուղիներ չեն անցկացվել:
Նորավան թաղամասի Բաղրամյան և Հունան Ավետիսյան փողոցների տներում դրանք 30 տարի է՝ բացակայում են: 100 -ից ավելի ընտանիք նման պայմաններում է ապրում: Բնակիչներից ոմանք տան բակերում սեպտիկ հորեր են փորել, բայց առանց կոյուղատարի, որտեղ նորմալ ջրահեռացում չի ապահովվում: Լվացքաջրերն ու լվացած ափսեների ջրերը փողոցն են լցնում, որ հորերը շուտ չլցվեն։
Թաղամասի մի հատվածի ապրողներն էլ հորեր չեն փորել, շարունակում են օգտվել 50 տարվա հին կոյուղացանցից: Տարիների ընթացքում փողոցում կատարված բազմաթիվ շինաշխատանքների պատճառով ցանցը վնասվել է ու չի վերականգնվել, դրա համար էլ անընդհատ խցանումներ են: Նորավան թաղամասում մանկապարտեզը, միջնակարգ ու երաժշտական դպրոցները կոյուղացված են, մի քանի կիլոմետր հեռավորությունից այս կառույցների համար կոյուղացանց են միացրել, իսկ նախկին և ներկա ջրամատակարարող ընկերությունները տների հարցը չեն էլ քննարկել: Արդեն 30 տարի է, ինչ քաղաքի չկոյուղացված փողոցների կեղտաջրերը լցվում են Գյումրի գետակը:
Բնակիչները սպասում էին, որ իրենց փողոցը կկոյուղացվի KFW բանկի վարկային ծրագրի 3-րդ փուլի միջոցներով, բայց դա չեղավ։ Շիրակի մարզպետարանի քաղաքաշինության վարչության բնակարանային և ենթակառուցվածքների բաժնի առաջատար մասնագետ Սարգիս Մելոյանը նշում է, որ քաղաքի կոյուղացման հստակ ծրագիր չկա։ Իսկ ընդհանուր առմամբ, Գյումրիի կոյուղատար համակարգն ամբողջությամբ գտնվում է վթարային վիճակում: Ու խնդիրը միայն խցանումները չեն, ցանցը շատ հին է ու մաշված, իսկ վթարների դեպքում վտանգները շատ մեծ են:
Ջրամատակարարող ընկերությունները շարունակ հետաձգում են Գյումրիի կոյուղատար համակարգի նորոգման ծրագրերը: Շիրակի մարզպետարանի պատասխանատուի խոսքով՝ «Վեոլիա ջուր» ընկերության հետ կառավարության կնքած պայմանագրի համաձայն՝ պետք է կառավարությունը համամասնորեն մասնակցի ծրագրերի ֆինանսավորմանը։ Համաֆինանսավորման մեծ տոկոսը թեև «Վեոլիա ջրինն» է, բայց քանի դեռ չկա պետական ֆինանսավորում, գործի մեկնարկը չի տրվում:
Ըստ քաղաքաշինական փաստաթղթերի՝ կոյուղագծերն ավելի խորն են անցկացվում, քան ջրագծերը: Գյումրիում էլ ցանցի նորացման ծրագիրը ոչ թե կոյուղատարներից են սկսել, այլ ջրագծերից, այսինքն՝ եթե հերթը հասնի կոյուղագծերի նորացմանը, ապա մեծ վթարներից ու խնդիրներից խուսափել չի լինի:
:
08:00 02.05.2025
Ռուբիոն կոչ է արել Իրանին թույլ տալ տեսուչներին մտնել բոլոր միջուկային օբյեկտներԱՄՆ պետքարտուղարը և ազգային անվտանգության հարցերով խորհրդականի ժամանակավոր պաշտոնակատար Մարկո Ռուբիոն ասել է, որ Իրանը պետք է թույլ տա միջազգային ստուգումներ իրականացնել իր բոլոր միջուկային օբյեկտներում, այդ թվում՝ ռազմական: Այս մասին նա ասել է Fox News-ին տված հարցազրույցում՝ մեկնաբանելով միջուկային ծրագրի շուրջ նոր համաձայնագրի հնարավոր պայմանները։ «Եթե Իրանն իսկապես ցանկանում է խաղաղ միջուկային էներգիա, այլ […] ...
00:00 02.05.2025
ՆԳՆ շրջիկ սպասարկման գրասենյակները մայիս ամսին կշարունակեն հանրային ծառայություններ մատուցել ՀՀ մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով թե՛ միգրացիայի և քաղաքացիության ծառայության, թե՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ մայիս ամսին ծառայություններ կմատուցվեն հետևյալ բնակավայրերում․ մայիսի 2-ին ժամը 11։30-16։00 Կոտայքի մարզի Չարենցավան համայնքում (Կարեն Դեմիրճյան հրապարակ 1, Քաղաքապետարանի դիմաց), ժամը 11։30-16։00 Լոռու մարզի Ստեփանավան համայնքում (համայնքապետարանի տարածքում), մայիսի 12-ին Կոտայքի մարզի […] ...
23:58 01.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:56 01.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:51 01.05.2025
Պետդեպ. ԱՄՆ-Իրան բանակցությունների նոր փուլի ամսաթիվը և վայրը դեռևս որոշված չենԱՄՆ-Իրան բանակցությունների նոր փուլի ժամկետներն ու վայրը դեռևս որոշված չեն, սակայն Վաշինգտոնը ակնկալում է, որ այն տեղի կունենա մոտ ապագայում։ Այս մասին լրագրողների համար կազմակերպված հերթական ճեպազրույցում հայտարարել է ԱՄՆ Պետդեպարտամենտի մամուլի ծառայության ղեկավար Թեմի Բրյուսը։ «ԱՄՆ-ն չի հաստատել իր մասնակցությունը Իրանի հետ բանակցությունների չորրորդ փուլին, որը, որոշ տեղեկությունների համաձայն, պետք է տեղի ունենար շաբաթ […] ...
23:46 01.05.2025
Էկոպարեկային ծառայության Սյունիքի մարզային վարչության ծառայողներն իրականացնում են նաև կենսաբազմազանության մշտադիտարկման գործառույթներՇրջակա միջավայրի նախարարության Էկոպարեկային ծառայության Սյունիքի մարզային վարչության ծառայողները, իրենց ամենօրյա աշխատանքային պարտականությունների շրջանակում, իրականացնում են նաև կենսաբազմազանության մշտադիտարկման (մոնիթորինգի) գործառույթներ։ Այս աշխատանքը ներառում է Հայաստանի տարածքում հանդիպող բուսական և կենդանական աշխարհի, այդ թվում՝ կենսաբազմազանության բացառիկ և վտանգված տեսակների հայտնաբերումն ու փաստագրումը։ Մշտադիտարկման տվյալները ոչ միայն թույլ են տալիս արձանագրել բնապահպանական իրավախախտումներ, այլև նպաստում են […] ...
