ԱՄՆ արդարադատության նախարարությունը դիմել է դատարան՝ Google-ից պահանջելով վաճառել Chrome բրաուզերը

ԱՄՆ արդարադատության նախարարությունը մտադիր է հետամուտ լինել Alphabet Inc.-ի մեջ մտնող Google-ի բաժանմանը, ներառյալ ընկերության կողմից Chrome վեբ բրաուզերի վաճառքը, որպեսզի լուծի ինտերնետ որոնման մենաշնորհը:

Արդարադատության նախարարությունը կարծում է, որ իրավիճակը կարող է շտկվել միայն այն դեպքում, եթե Google-ն առանձնացնի որոնողական համակարգը և ինտերնետ հասանելիություն ապահովող ապրանքները, ինչպիսիք են Chrome-ը և Android շարժական սարքերի օպերացիոն համակարգը։

Չորեքշաբթի օրը նախարարությունը հայց է ներկայացրել, որով պնդում է Chrome-ը վաճառելու, ինչպես նաև Android-ի համար սահմանափակումներ մտցնելու անհրաժեշտության մասին։

Այս տարվա սկզբին Google-ը դատարանում պարտվեց արդարադատության նախարարության կողմից իր դեմ հարուցված գործը, որը մեղադրում էր ընկերությանը որոնման ծառայությունների ոլորտում մրցակցությունը խոչընդոտելու մեջ։ Google-ը, որին են պատկանում Chrome-ը և Android-ը, ինչպես նաև վճարում է այլ ընկերություններին իր որոնողական համակարգը որպես լռելյայն տեղադրելու իրենց բրաուզերների և շարժական սարքերի վրա, փաստացի արգելափակել է այլ որոնման համակարգերի մուտքը շուկա, վճռել է դաշնային դատավոր Ամիտ Մեհտան:

Ըստ Statcounter-ի, Chrome-ը զբաղեցնում է բրաուզերների համաշխարհային շուկայի մոտավորապես երկու երրորդը: Chrome-ի հասցեագոտում որոնումները կատարվում են Google-ի շարժիչով, քանի դեռ օգտատերը հատուկ չի փոխել կարգավորումները:

Android-ի վրա հիմնված սարքերը նույնպես լռելյայն օգտագործում են Google որոնողական ծառայությունը, և Արդարադատության նախարարությունը պնդում է, որ նա հրաժարվի այս գործելակերպից։ Եթե Google-ը խախտի այս պահանջը, գերատեսչության առաջարկի համաձայն, ընկերությունը ստիպված կլինի վաճառել նաև Android-ը։

Արդարադատության նախարարությունը նաև անհրաժեշտ է համարում Google-ին արգելել այլ ընկերություններին վճարել իր շարժիչը լռելյայն իրենց ծառայություններում տեղադրելու համար։ Այն ներկայումս վճարում է Apple Inc. տարեկան տասնյակ միլիարդավոր դոլարներ՝ Safari բրաուզերում իր որոնման ծառայությունը լռելյայն դարձնելու համար:

«Իրավական պաշտպանությունը պետք է թույլ տա և խրախուսի անկաշկանդ որոնման էկոհամակարգի զարգացումը, որը խրախուսում է մրցակցությունն ու նորարարությունը», – ասվում է Արդարադատության նախարարության հայտարարության մեջ:

Նախարարությունը նաև ցանկանում է, որ դատարանը պարտադրի Google-ին վեբ կայքերի սեփականատերերին հնարավորություն ընձեռել հրաժարվել իրենց տվյալների օգտագործումից՝ ընկերության որոնման մոդելները վերապատրաստելու համար:

Այս շաբաթվա սկզբին Google-ի կարգավորող հարցերով փոխնախագահ Լի Անն Մալհոլանդն ասել էր, որ Chrome-ը կամ Android-ը վաճառելու պահանջը «կվնասի սպառողներին, մշակողներին և ամերիկյան տեխնոլոգիական ղեկավարությանը»:

Bloomberg Intelligence-ի վերլուծաբան Մանդիփ Սինգհը գնահատում է, որ Chrome-ը կարող է արժենալ «առնվազն 15-20 միլիարդ դոլար՝ հաշվի առնելով, որ զննարկիչն ունի ամսական ավելի քան 3 միլիարդ ակտիվ օգտատեր»:

Դաշնային դատավոր Ամիտ Մեհտան կվերահսկի Արդարադատության նախարարության հայցն ընդդեմ Google-ի և նախատեսում է որոշում կայացնել մինչև օգոստոս: