00:02 02.03.2025
Մարտի 1-ին Ֆրանսիայում ՀՀ դեսպան Արման Խաչատրյանը մասնակցել է Ֆրանսահայ մշակութային միության (UCFAF) նախաձեռնությամբ Ֆրանսիայի Սենատում կազմակերպված համաժողովին, որը նվիրված էր «Դիմադրության» շարժման հերոս Միսաք Մանուշյանի և նրա կնոջ՝ Մելինեի պանթեոնիզացիայի 1-ամյա հոբելյանին, «Կարմիր Պաստառի» հերոսների սխրագործության կարևորությանը, ինչպես նաև՝ Մանուշյան ամուսինների օրինակով Հայաստանի և Ֆրանսիայի միջև պատմական կապերին և ներկայումս առկա բարեկամական հարաբերություններին։ Այս մասին հայտնել են Ֆրանսիայում ՀՀ դեսպանությունից։
Համաժողովը մեկնարկել է ռեժիսոր Ժորժ Ամայի և պատմաբան Դենի Պեշանսկիի հեղինակած «Կարմիր Պաստառի որսը» փաստագրական ֆիլմի ցուցադրությամբ, որին հաջորդել են թեմատիկ ուղղվածությամբ երեք պանելային քննարկումներ։ Պանելային քննարկումները վարել է UCFAF-ի նախագահ Էդմոնդ Յանեկյանը։
Միսաք Մանուշյանի և «Կարմիր Պաստառի» նրա զինակից ընկերների պատմության, Միսաք Մանուշյանի՝ Հայոց ցեղասպանությանից փրկված լինելու հանգամանքի և Ֆրանսիայի ազատագրման համար նրա հետագա հերոսական պայքարի միջև կապի մասին առաջին պանելային քննարկման ընթացքում խոսել են պատմաբան, «Մանուշյան» գրքի համահեղինակ Դենի Պեշանսկին, «Դիմադրության» շարժման մասնակից և Միսաք Մանուշյանի հրամանատար Ժոզեֆ Էպշտայնի որդին՝ Ժորժ Էպշտայնը և ֆրանսիացի հայտնի հայագետ, ՀՀ ԳԱԱ անդամ Ժան-Պիեռ Մահեն։
Երկրորդ պանելային քննարկման ընթացքում «Դիմադրության» շարժման մասնակիցների, մասնավորապես «Մանուշյանի խմբի անդամների» հերոսության մասին հիշողության պահպանման և հաջորդ սերունդների փոխանցելու կարևորության և այս ուղղությամբ առկա մարտահրավերների մասին են խոսել պատմաբան Իվ Բլոնդոն, «Ֆրանսիայի հայ երիտասարդություն» կազմակերպության քարտուղար Օլիվիա Գիրագոսյանը և «Մանուշյան․ Կանաչ պաստառ» կազմակերպության նախագահ Պատրիս Գարոն։
Երրորդ՝ Հայաստանի և Ֆրանսիայի միջև բարեկամական հարաբերություններին նվիրված պանելային քննարկման բանախոսել են դեսպան Արման Խաչատրյանը, Ֆրանսիայի Սենատի փոխնախագահ Պիեռ Ուզուլիան և Սենատի անդամ Ռեմի Ֆերոն։
Իր խոսքում Հայաստանի դեսպանը նշել է, որ Հայաստանը և Ֆրանսիան մշտապես կապված են եղել բարեկամական և խորը կապերով, իսկ ներկայումս երկու երկրների միջև առկա է բազմաոլորտ համագործակցություն ռազմավարական նշանակության բոլոր ուղղություններով։ Բարձր է գնահատել այդ բարեկամության ու հարաբերությունների կառուցման և կամրջման գործում այնպիսի հայորդիների դերը, ինչպիսիք են՝ Միսաք և Մելինե Մանուշյանները։ Նա ընդգծել է նաև, որ այժմ աշխարհաքաղաքական տարբեր իրողությունները և մարտահրավերներն ավելի են ընդգծում այն արժեքների կարևորությունը, որոնց համար իրենց կյանքն են զոհաբերել Միսաք Մանուշյանը և նրա զինակից ընկերները։
Համաժողովին ներկա էին նաև Ֆրանսիայի Սենատի անդամներ, հասարակական կազմակերպությունների և ասոցիացիաների ղեկավարներ, քաղաքական և հանրային գործիչներ, պատմաբաններ, լրագրողներ, հայ համայնքի ներկայացուցիչներ։
16:55 04.08.2025
Գերագուսյանը կարող է տեղափոխվել ՊՍՎ
16:49 04.08.2025
Շիրակի քրեական ոստիկանները մարիխուանա և կանեփի թփեր են հայտնաբերելՀուլիսի 29-ին Քրեական ոստիկանության Շիրակի մարզային վարչությունում տեղեկություններ էին ստացվել, որ 71-ամյա գյումրեցի տղամարդը աճեցնում է կանեփ ու պահում դրանից պատրաստված թմրամիջոց։ Տեղեկությունը ստուգվել ու հաստատվել է։ Նախաձեռնված քրեական վարույթի շրջանակում 71-ամյա գյումրեցու տանը կից խորդանոցում կատարված զննությամբ հայտնաբերվել է շուրջ 38 գրամ մարիխուանա, իսկ կիսաքանդ շինության տարածքում՝ կանեփի 79 թուփ։ Կազմված փաստաթղթերն ուղարկվել են […] ...
16:43 04.08.2025
Շրջակա միջավայրի նախարարը և ՄԹ դեսպանը քննարկել են Հայաստանում կայանալիք COP17-ի կազմակերպչական հարցերըՇրջակա միջավայրի նախարար Համբարձում Մաթևոսյանը հանդիպել է Հայաստանում Միացյալ Թագավորության դեսպան Ջոն Գալագերի հետ, քննարկման առանցքում COP17-ի կազմակերպչական հարցերն էին: Հանդիպմանը մասնակցել է նախարարի տեղակալ Արամ Մեյմարյանը: Հանդիպման ընթացքում քննարկվել են 2026 թվականին Հայաստանում կայանալիք Կենսաբազմազանության մասին կոնվենցիայի կողմերի 17-րդ համաժողովի՝ COP17-ի կազմակերպչական հարցերը։ Անդրադարձ է կատարվել կազմակերպչական ողջ գործընթացին՝ ներառյալ ֆինանսական, տեխնիկական և գործընկերային […] ...
16:37 04.08.2025
ՆԳՆ շրջիկ սպասարկման գրասենյակները ծառայություններ կմատուցեն Շիրակի և Արագածոտնի մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով և՛ միգրացիայի և քաղաքացիության ծառայության, և՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ օգոստոսի 7-ին ծառայություններ կմատուցվեն․ ժամը 11:00-16:00-Շիրակի մարզի Անի համայնքում՝ համայնքապետարանի հարևանությամբ, ժամը 10:30-16:00-Արագածոտնի մարզի Արագած բնակավայրում՝ վարչական ղեկավարի գրասենյակի հարևանությամբ։ Շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, […] ...
16:31 04.08.2025
Հայ շախմատիստների դիրքերը ՖԻԴԵ-ի աղյուսակումՇախմատի միջազգային ֆեդերացիան (ՖԻԴԵ) հրապարակել է շախմատիստների ամենամսյա դասակարգման աղյուսակը։ Տղամարդկանց դասակարգման աղյուսակը շարունակում է գլխավորել աշխարհի 16-րդ չեմպիոն Մագնուս Կառլսենը (Նորվեգիա, 2839 վարկանիշ)։ Լավագույն հնգյակում են նաև Հիկարու Նակամուրան (ԱՄՆ, 2807), Ֆաբիանո Կարուանան (ԱՄՆ, 2784), Ռամեշբաբու Պրագանանդհան (Հնդկաստան, 2779) և Արջուն Էրգիասին (Հնդկաստան, 2776)։ Աշխարհի գործող չեմպիոն Դոմարաջու Գուկեշը (Հնդկաստան) 2776 վարկանիշով 6-րդն է։ […] ...
16:25 04.08.2025
Ամփոփվել են Երևան քաղաքի քննչական վարչության և ենթակա քննչական ստորաբաժանումների 2025 թվականի առաջին կիսամյակում կատարված աշխատանքներըԱրթուր Պողոսյանի նախագահությամբ 2025 թվականի օգոստոսի 1-ին ամփոփվել են Երևան քաղաքի քննչական վարչության և ենթակա քննչական ստորաբաժանումների 2025 թվականի առաջին կիսամյակի ընթացքում կատարված աշխատանքները: Խորհրդակցությանը մասնակցել են ՀՀ քննչական կոմիտեի նախագահի տեղակալ Վազգեն Ավետիսյանը, Տարածքային քննչական վարչությունների գործունեության վերահսկողության գլխավոր վարչության պետի պաշտոնակատար Վահե Միրզոյանը, Հատուկ հանձնարարություններով գլխավոր վարչության պետ Արման Գալստյանը, Ներքին անվտանգության վարչության […] ...
16:18 04.08.2025
Շոգ օրեր, բարձր կարգի հրդեհավտանգ իրավիճակ. Գագիկ Սուրենյանը մանրամասներ է ներկայացրելՀուլիսին դիտված եղանակային, կլիմայական պայմանների վերլուծության, օգոստոս ամսվա ու առաջիկա օրերի եղանակային կանխատեսման և հանրապետության բարձր կարգի հրդեհավտանգ իրավիճակի մասին մանրամասներ է հայտնել Գագիկ Սուրենյանը: Ավելին՝ տեսանյութում: ...
