16:22 21.03.2025
Առաջնորդվելով Կառավարության ծրագրում առաջադրված խնդիրներով` 2024 թվականի ընթացքում Պաշտպանության նախարարությունը շարունակել է գործունեությունը զինված ուժերի բարեփոխումների, պաշտպանական կարողությունների, ռազմատեխնիկական համագործակցության զարգացման, միջազգային ինտեգրման գործընթացների համադրման, արհեստավարժ բանակի անցման, ռազմական կրթության, ռեսուրսների համալրման, սոցիալական ապահովման եւ այլ ուղղություններով: Այս մասին ասել է ՀՀ պաշտպանության նախարար Սուրեն Պապիկյանն ԱԺ պաշտպանության եւ անվտանգության հարցերի մշտական հանձնաժողովի` մարտի 21-ի նիստում` ներկայացնելով ՀՀ կառավարության ծրագրի (2021-2026 թթ.) 2024 թվականի կատարման ընթացքի եւ արդյունքների մասին զեկույցը:
«Չնայած հրադադարի ռեժիմի խախտման դեպքերի մասին ադրբեջանական կողմի ժամանակ առ ժամանակ տարածած տեղեկություններին` ընդհանուր առմամբ ամբողջ տարվա ընթացքում պահպանվել է հարաբերական կայուն, օպերատիվ իրադրություն»,- ընդգծել է նախարարը: Նրա խոսքով ՀՀ զինված ուժերում արմատական, համակարգային բարեփոխումների իրականացման հիմնական ուղենիշների սահմանման նպատակով 2024 թվականի ընթացքում մշակվել, հավանության է արժանացել ու հրապարակվել բանակի կերպափոխման հայեցակարգը: Մշակվել է նաեւ հայեցակարգից բխող գործողությունների ծրագիրը:
Զեկուցողը նշել է, որ ռազմատեխնիկական համագործակցության ուղղությունների բազմազանեցման արդյունքում սպառազինության եւ ռազմական տեխնիկայի արդիականացման եւ նոր նմուշների ձեռքբերման նպատակով կնքվել են սպառազինության եւ ռազմական տեխնիկայի միջոցների մատակարարման պայմանագրեր մի շարք ռեզիդենտ եւ ոչ ռեզիդենտ ընկերությունների հետ:
Սուրեն Պապիկյանի տեղեկացմամբ Եվրոպայում ԱՄՆ ցամաքային զորքերի հրամանատարության հետ համատեղ մեր երկրում անցկացվել է «Արծիվ գործընկեր» զորավարժությունը: Շարունակվել է գործընկերային պաշտպանական համագործակցությունը Հունաստանի, ԱՄՆ-ի, Ֆրանսիայի, Վրաստանի, Հնդկաստանի, Ղազախստանի եւ այլ երկրների հետ:
Զեկուցողը փաստել է` զինծառայողների ատեստավորման գործընթացին մասնակցել է շուրջ 13,500 զինծառայող: «Ատեստավորմանը մասնակցած զինծառայողների 57 տոկոսը ստացել է դրական գնահատական»,- ասել է նախարարը: Նա նշել է, որ Զինված ուժերում մարտական պատրաստության գործընթացների վերանայման շրջանակում աշխատանքներ են տարվել հրահանգիչների ինստիտուտի կայացման ուղղությամբ: Շարունակվել է ժամկետային պարտադիր զինվորական ծառայությունից պայմանագրային զինծառայության ներգրավելու «Պաշտպան հայրենյաց» ծրագիրը:
«2024 թվականին ավարտվեցին Ներքին գործերի նախարարության ձեւավորման աշխատանքները»,- ընդգծել է ՀՀ ներքին գործերի նախարար Արփինե Սարգսյանը` ներկայացնելով իր ղեկավարած գերատեսչության 2024 թվականի կատարողականի հաշվետվությունը:
Խոսելով ոստիկանության ոլորտում իրականացված միջոցառումների մասին` նախարարը փաստել է, որ պարեկային ծառայությունը շարունակել է նոր եւ ժամանակակից մոդելով աշխատանքը` գրանցելով տպավորիչ արդյունքներ ոչ միայն վարչական իրավախախտումների, այլ նաեւ հասարակական կարգի պահպանության եւ հանցագործությունների բացահայտման տեսանկյունից: «2024 թվականի ընթացքում պարեկների կողմից կամ նրանց մասնակցությամբ բացահայտվել է 3691 հանցագործության դեպք»,- ասել է զեկուցողը:
Նշվել է, որ հաշվետու շրջանում գործարկվել են Քրեական եւ Համայնքային ոստիկանությունները` ֆունկցիոնալ նոր բաշխվածությամբ:
Արփինե Սարգսյանն անդրադարձել է նաեւ ոստիկանության գվարդիայի ձեւավորման աշխատանքներին, համակարգում կանանց ներկայացվածությանը:
Խոսելով հաշվետու ժամանակաշրջանում գրանցված հանցավորության թվերի մասին` զեկուցողը տեղեկացրել է` 2024 թվականին արձանագրվել է գրանցված հանցագործությունների նվազում` 434-ով կամ 1,1 տոկոսով:
Նախարարի խոսքով 2023 թվականի համեմատ նախորդ տարի 299-ով նվազել են նաեւ ճանապարհատրանսպորտային պատահարները:
Գերատեսչության ղեկավարը նաեւ անդրադարձել է ոստիկանության ոլորտի բարեփոխումների նոր ռազմավարությանը, որն արդեն ընդունվել է:
Խոսելով միգրացիայի եւ քաղաքացիության բնագավառում 2024 թվականին իրականացված աշխատանքների մասին` Արփինե Սարգսյանը կարեւորել է ԵՄ-ի հետ վիզաների ազատականացման երկխոսության գործընթացի գործնական փուլի մեկնարկը:
12:14 22.06.2025
Իրանը ԱՄՆ-ի հարվածներից հետո առաջին անգամ Իսրայելի դեմ կիրառել է «Խեյբար» հրթիռներԹեհրանը նոր «Խեյբար» հրթիռները Իսրայելի դեմ կիրառել է առաջին անգամ՝ ԱՄՆ-ի կողմից Իրանին հարվածելուց հետո, հաղորդում է Mehr-ը: ««Խեյբար» հրթիռը առաջին անգամ արձակվել է Իսրայելի ուղղությամբ այս գործողության ընթացքում», – հաղորդում է գործակալությունը: Իր հերթին, Իսրայելի պաշտպանության բանակը հայտնել է, որ երկրի ռազմաօդային ուժերը սկսել են հարվածներ հասցնել Իրանի արևմուտքում գտնվող ռազմական թիրախներին: ...
11:52 22.06.2025
Մինչև ԱՄՆ-ի կողմից հարվածների ենթարկվելը, միջուկային օբյեկտներն արդեն տարհանված են եղելԱՄՆ հարվածներն անսպասելի չէին, և միջուկային օբյեկտները նախօրոք արդեն տարհանվել էին: Այս մասին հայտնել է Իրանի խորհրդարանի նախագահը: X-ի միկրոբլոգում կատարած գրառման մեջ Իրանի խորհրդարանի նախագահի խորհրդական Մեհդի Մոհամմադին գրել է, որ իրենց տեսանկյունից «տարօրինակ ոչինչ տեղի չի ունեցել»: «Իրանը մի քանի գիշեր սպասում էր Ֆորդոյի վրա հարձակմանը։ Վայրը վաղուց տարհանվել է և հարձակման հետևանքով […] ...
11:40 22.06.2025
ՄԱԳԱՏԷ-ի կառավարիչների խորհուրդը Իրանի հարցով նիստ կանցկացնի. ԳրոսսիԱտոմային էներգիայի միջազգային գործակալության (ԱԷՄԳ) կառավարիչների խորհուրդը հունիսի 23-ին նիստ կանցկացնի՝ քննարկելու Իրանում ԱՄՆ-ի կողմից իրանական միջուկային օբյեկտներին հարվածներից հետո ստեղծված իրավիճակը, հայտարարել է ԱԷՄԳ-ի գլխավոր տնօրեն Ռաֆայել Գրոսսին։ «Հաշվի առնելով Իրանում ստեղծված արտակարգ իրավիճակը՝ վաղը ես հրավիրում եմ Ատոմային էներգիայի միջազգային գործակալության (ԱԷՄԳ) կառավարիչների խորհրդի արտակարգ նիստ», – գրել է Գրոսսին X-ում։ Հունիսի 22-ի […] ...
11:28 22.06.2025
Տարադրամի փոխարժեքները հունիսի 22-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 384.50 դրամ, վաճառքի նվազագույն արժեքը՝ 388.50 դրամ: Եվրոյի առքի առավելագույն արժեքն է 440 դրամ, վաճառքի նվազագույն արժեքը՝ 448 դրամ: Ռուսական ռուբլու առքի առավելագույն արժեքն է 4․88 դրամ, վաճառքի նվազագույն արժեքը՝ 4․97 դրամ: ...
11:00 22.06.2025
Կատարվելու են պայթեցման աշխատանքներ. «Ճանապարհային դեպարտամենտ» հիմնադրամ«Ճանապարհային դեպարտամենտ» հիմնադրամից տեղեկացնում են, որ Շվանիձոր-Նռնաձոր-ՀՀ սահման ավտոճանապարհի շինարարական աշխատանքներով պայմանավորված՝ այսօր՝ հունիսի 22-ին, ժամը 12.00-ից 15.00-ի սահմաններում, կատարվելու են պայթեցման աշխատանքներ։ Հարակից բնակավայրերի բնակիչներին հորդորում են չանհանգստանալ։ ...
10:45 22.06.2025
Թրամփի վարչակազմը պատրաստվում է Իրանի հնարավոր պատասխան գործողություններինԱՄՆ նախագահ Դոնալդ Թրամփի վարչակազմը պատրաստվում է Իրանի կողմից հնարավոր պատասխան հարվածին, և առաջիկա 48 ժամը կլինի հատկապես մտահոգիչ, հաղորդում է NBC-ն՝ հղում անելով անանուն ամերիկացի պաշտոնյաների։ Հիշեցնենք՝ կիրակի գիշերը Միացյալ Նահանգները հարվածներ է հասցրել Իրանի երեք միջուկային օբյեկտներին՝ Նաթանզում, Ֆորդոյում և Սպահանում։ ԱՄՆ նախագահ Դոնալդ Թրամփը հայտարարել է, որ հարվածը նպատակ ուներ սահմանափակել երկրի […] ...
