16:39 24.03.2025
Մարտի 10-ից 12-ը Ներքին գործերի նախարարության Կրթահամալիրի փրկարար ծառայության ճգնաժամային կառավարման ուսումնական ստորաբաժանման վերապատրաստման կենտրոնի կողմից կազմակերպվել և անց է կացվել «Շնչառության համար ոչ պիտանի միջավայրում փրկարարական աշխատանքների կազմակերպում և իրականացում» թեմայով 24-ժամյա վերապատրաստման դասընթաց, որին մասնակցել են Փրկարար ծառայության Երևան քաղաքի, ինչպես նաև մարզային փրկարարական վարչություններից թվով 15 փրկարարական ծառայող:
Դասընթացը բաղկացած է եղել և՛ տեսական, և՛ գործնական փուլերից, որոնց նպատակն էր կատարելագործել փրկարարական ծառայողների մասնագիտական հմտությունները շնչառության համար ոչ պիտանի միջավայրում փրկարարական աշխատանքներ իրականացնելիս, ինչպես նաև ծանոթացնել նորարարական մեթոդներին։ Տեսական դասընթացների ընթացքում փրկարարներին ներկայացվել են շնչառության համար ոչ պիտանի միջավայրում կատարվող աշխատանքների կազմակերպման, վտանգավոր տարածքներում հրդեհի հետախուզության կազմակերպման մեթոդական ցուցումները, սեղմված օդով մեկուսիչ շնչառական ապարատների կառուցվածքը, ստուգումները, շահագործման անվտանգության կանոնները, խնամքը, բալոնների օդի ճնշման ստուգման հաշվարկները, ինչպես նաև հրդեհի վայրում գազածխապաշտպան օղակի կողմից կատարվող աշխատանքների անվտանգության ապահովմանն ուղղված հարցեր:
Հատուկ ուշադրություն է դարձվել դասընթացի գործնական մասին, որի ընթացքում մասնակիցները հնարավորություն են ունեցել տեսական գիտելիքները կիրառել գործնականում:
Մասնավորապես գործնական պարապմունքների ընթացքում մասնակիցները՝ հակածխային օղակի կազմով, կազմակերպել և իրականացրել են սահմանափակ և վտանգավոր տարածքներում սեղմված օդով մեկուսիչ շնչառական ապարատներով տեղաշարժման, ինչպես նաև շնչառության համար ոչ պիտանի միջավայրում փրկարարական աշխատանքներ:
Շնչառության համար ոչ պիտանի միջավայրում փրկարարական աշխատանքներ իրականացնելիս կարևոր է ճիշտ պլանավորումն ու հատուկ տեխնիկայի կիրառությունը, որպեսզի փրկարարները կարողանան ապահով կերպով մտնել վտանգավոր տարածքներ, ինչպես նաև կարողանան ապահովել իրենց և մյուսների անվտանգությունը: Նմանատիպ դասընթացների ժամանակ փրկարարները ոչ միայն զարգացնում են իրենց տեսական գիտելիքները, այլև ձեռք են բերում անհրաժեշտ հմտություններ մասնագիտացված սարքավորումներով և տեխնիկայով աշխատելու համար, որոնք հնարավորություն են տալիս վերջիններիս լիարժեք կատարելու իրենց գործառույթները՝ չդիտարկելով միջավայրի վտանգավորությունը:
Վերապատրաստման դասընթացը հաջողությամբ ավարտելու կապակցությամբ մասնակիցները ստացել են հավաստագիր-վկայականներ։
13:45 21.06.2025
Վիրցը պայմանագիր կստորագրի «Լիվերպուլի» հետ
13:30 21.06.2025
Կայացել է Հյուսիս-հարավ ճանապարհային միջանցք ծրագրի կառավարման խորհրդի հերթական նիստըՓոխվարչապետ Տիգրան Խաչատրյանի գլխավորությամբ տեղի է ունեցել Հյուսիս-հարավ ճանապարհային միջանցքի, Մ-6, Վանաձոր-Ալավերդի-Վրաստանի սահման միջպետական ավտոմոբիլային ճանապարհի վերականգնման և բարելավման, Քաղաքային կայուն զարգացման ներդրումային և Հյուսիսային միջանցքի արդիականացման ծրագրերի կառավարման խորհրդի հերթական նիստը։ Քննարկվել են «Հյուսիս-հարավ» ճանապարհային միջանցքի ներդրումային ծրագրի շրջանակում իրականացվող աշխատանքները։ Ներկայացվել է Թալին–Գյումրի (մոտ 42 կմ) հատվածի շինարարական առաջընթացը, ինչպես նաև Քաջարանի թունելի […] ...
13:09 21.06.2025
Արարատ Միրզոյանը հեռախոսազրույց է ունեցել Կայա Կալասի հետՀՀ ԱԳ նախարար Արարատ Միրզոյանը հեռախոսազրույց է ունեցել Եվրոպական հանձնաժողովի փոխնախագահ, ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասի հետ։ Զրուցակիցները քննարկել են իրադրությունը տարածաշրջանում՝ այդ թվում նաև անդրադառնալով Իրանին: Մտքեր են փոխանակվել տարածաշրջանային կայունության ապահովմանն ուղղված ջանքերի շուրջ: Հումանիտար հարցերի համատեքստում անդրադարձ է կատարվել երրորդ երկրների քաղաքացիների՝ Իրանից ՀՀ տարածքով տարհանման […] ...
13:00 21.06.2025
Խաչանովի երկրորդ հաղթանակը ՀալեումՌուսաստանը ներկայացնող հայազգի թենիսիստ Կարեն Խաչանովը Հալեի ATP-500 կարգի մրցաշարում դուրս է եկել քառորդ եզրափակիչ: Աշխարհի 22-րդ ռակետը 1/8 եզրափակչում 6-3, 1-6, 6-3 հաշվով հաղթել է աշխարհի 27-րդ ռակետ կանադացի Ֆելիքս Օժե-Ալյասիմին: Խաչանովը հաջորդ շրջանում կմրցի աշխարհի 63-րդ ռակետ, արգենտինացի Թոմաս Մարտին Էտչևերիի դեմ: ...
12:54 21.06.2025
Ջրամատակարարման ժամանակացույցի խախտում Երևանի Աջափնյակ վարչական շրջանում«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ «Գյումուշի» պոմպակայանում «Հայաստանի էլեկտրական ցանցեր» ՓԲԸ-ի կողմից իրականացվող պլանային հոսանքազրկման աշխատանքներով պայմանավորված, ս.թ. հունիսի 23-ին ժամը 11.00-20.00-ն Աջափնյակ վարչական շրջանում կնկատվի ջրամատակարարման գրաֆիկի խախտում և ճնշման անկում: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
12:48 21.06.2025
Վարչապետը հանդիպել է Թուրքիայի հայ համայնքի ներկայացուցիչների հետՎարչապետ Նիկոլ Փաշինյանը Ստամբուլում հանդիպում է ունեցել տեղի հայ համայնքի ներկայացուցիչների հետ։ Վարչապետն իր խոսքում կարևորել է Թուրքիա կատարած աշխատանքային այցը՝ ընդգծելով, որ այն իրականություն է դարձել վերջին շրջանում Թուրքիայի հետ ակտիվացած երկխոսության արդյունքում։ Նա նշել է Թուրքիայի նախագահ Ռեջեփ Թայիփ Էրդողանի հետ նախատեսված հանդիպման կարևորությունը՝ հույս հայտնելով, որ այն նոր ազդակ կհաղորդի երկկողմ հարաբերություններին։ […] ...
12:45 21.06.2025
Թրամփը վստահ է, որ Չինաստանը չի օգնի Իրանին Իսրայելի հետ հակամարտության հարցումԱՄՆ նախագահ Դոնալդ Թրամփը վստահություն է հայտնել, որ Պեկինը չի ցուցաբերի օգնություն Թեհրանին՝ կապված Իրանի և Իսրայելի միջև փոխհրաձգությունների հետ։ «Ես չեմ կարող պատկերացնել, որ նրանք միջամտեն», – ասել է ամերիկացի առաջնորդը՝ պատասխանելով Նյու Ջերսիում լրագրողների հարցերին Չինաստանի կողմից Իրանին օգնելու հնարավորության մասին՝ կապված Իսրայելի կողմից Իսլամական Հանրապետության դեմ ռազմական գործողության հետ։ Մեկնաբանելով այն տեղեկությունները, […] ...
