18:30 25.04.2025
Հայաստանի ֆիզիկական կուլտուրայի և սպորտի պետական ինստիտուտում այսօր կայացել է Մոլդովայում անցկացված Եվրոպայի առաջնությունում մեդալներ նվաճած ծանրորդների պարգևատրման արարողությունը, որն իրականացրել է Հայաստանի ծանրամարտի ֆեդերացիան: Հայաստանի կանանց և տղամարդկանց թիմերը դարձել էին Եվրոպայի առաջնությունների թիմային հաշվարկի հաղթողներ:
Միջոցառմանը մասնակցել են ՀՀ վարչապետի աշխատակազմի ղեկավար, Հայաստանի ծանրամարտի ֆեդերացիայի նախագահ Արայիկ Հարությունյանը, ՀՀ կրթության, գիտության, մշակույթի և սպորտի նախարարի տեղակալ Հասմիկ Ավագյանը, մեդալակիր մարզիկները, մարզիչներն ու բժշկական անձնակազմի անդամները:
Վարչապետի աշխատակազմի ղեկավար, Հայաստանի ծանրամարտի ֆեդերացիայի նախագահ Արայիկ Հարությունյանը շնորհավորել է գրանցած արդյունքների կապակցությամբ:
«Պատմության մեջ առաջին անգամ թե՛ տղամարդկանց, թե՛ կանանց հավաքականները մեկ առաջնության ընթացքում լավագույնն են ճանաչվել: Բազմաթիվ անելիքներ ունենք հատկապես Երևանում կայանալիք աշխարհի 2027 թվականի առաջնությանն ու Լոս Անջելեսում 2028 թվականին կայանալիք Օլիմպիական խաղերին ընդառաջ»,- ասել է Արայիկ Հարությունյանը՝ շնորհակալություն հայտնելով հավաքականի գլխավոր մարզիչներին, մարզիկների անհատական մարզիչներին, բժիշկներին:
Մեդալակիր մարզիկներին ու մարզիչներին շնորհավորել է նաև ԿԳՄՍ նախարարի տեղակալ Հասմիկ Ավագյանը: ԿԳՄՍ նախարարը շեշտել է նաև նմանօրինակ միջոցառումը Հայաստանի ֆիզիկական կուլտուրայի և սպորտի պետական ինստիտուտում կազմակերպելու փաստը:
«Պատիվ է հյուրընկալել միջազգային հարթակներում մեր երկրի պատիվը բարձր պահած մարզիկներին: Ձեր հաղթանակները շատ ոգևորող են: Վստահ եմ՝ համատեղ աշխատանքի միջոցով կյանքի կկոչվեն բոլոր այն նպատակները, որոնք դրված են ֆեդերացիայի առջև՝ մարզաձևի զարգացման ու բարձր արդյունքների գրանցման տեսանկյունից»,- ասել է Հասմիկ Ավագյանը՝ շեշտելով, որ պետությունը հատուկ ուշադրություն է դարձնում ընդհանրապես բարձր նվաճումների և, հատկապես, հենակետային մարզաձևերի խրախուսմանը:
Հասմիկ Ավագյանի խոսքով՝ ծանրամարտը մեր երկրում ավանդույթներ ունեցող մարզաձևերից է, և վերջինիս զարգացումը պետության մշտական ուշադրության կենտրոնում է:
Հայաստանի ծանրամարտի հավաքականի անդամները շնորհակալություն են հայտնել շնորհավորանքների համար: Գերծանր քաշային կարգում Եվրոպայի կրկնակի չեմպիոն հռչակված Վարազդատ Լալայանը խոստովանել է՝ չեմպիոնությունը սպասված էր.
«Շատ ուրախ եմ, որ կարողացա պահպանել չեմպիոնությունս: Եվրոպայում մրցակցությունը փոքր-ինչ թույլ է: Այս տարվա կարևոր նպատակներից մեկն աշխարհի առաջնությունն է: Պետք է բոլոր ուժերս ներդնեմ՝ այնտեղ ևս հաջողության հասնելու համար»:
Պետության կողմից տրամադրվող աջակցությունից բացի՝ Հայաստանի ծանրամարտի ֆեդերացիան ևս խրախուսել է մարզիկներին ու մարզիչներին իրենց կատարած աշխատանքի և գրանցած արդյունքների համար:
Հայաստանի ծանրամարտի ֆեդերացիայի նախագահ Արայիկ Հարությունյանը դրամական պարգևներ է հանձնել Եվրոպայի առաջնության մեդալակիրներին` Վարազդատ Լալայանին, Գարիկ Կարապետյանին, Գոռ Սահակյանին, Ռաֆիկ Հարությունյանին, Աննա Ամրոյանին, Լիանա Գյուրջյանին, Ալեքսանդրա Գրիգորյանին, Գառնիկ Չոլակյանին, Միլենա Խաչատրյանին, Տաթև Հակոբյանին: Պարգևատրվել են նաև Հայաստանի ծանրամարտի տղամարդկանց թիմի գլխավոր մարզիչ Փաշիկ Ալավերդյանը, մարզիչ Հակոբ Փիլոսյանը, կանանց ընտրանու գլխավոր մարզիչ Արտաշես Ներսիսյանը, մարզիչ Տարոն Թովմասյանը, թիմի բժիշկ Դավիթ Մոսինյանն ու թիմի մերսող Ռոզա Հովհաննիսյանը:
Ֆեդերացիայի նախագահը նաև ազգային մրցավարի կոչումներ է հանձնել Եվրոպայի չեմպիոն Հռիփսիմե Խուրշուդյանին և Գառնիկ Աբրահամյանին:
22:25 04.08.2025
Ջենիֆեր Լոպեսի երևանյան համերգը արդարացվա՞ծ ծախս էր. մեկնաբանում է էկոնոմիկայի նախարարըԱյս օրերին Հայաստանում ամենաքննարկվող թեման աշխարհահռչակ երգչուհի Ջենիֆեր Լոպեսի երևանյան համերգն է: Այդ համերգի անցկացման համար հատկացվել է 6 միլիոն դոլար: Ոմանք անհամբերությամբ էին սպասում այդ համերգին, իսկ ոմանք հարցականներով՝ արդյոք արժեր այդքան գումար հատկացնել այդ համերգի համար: Իսկ նրանք, որոնք ուրախությամբ են արձագանքում տեղի ունեցածին, ընդգծում են, որ սա կարևոր միջոցառում էր երկրի վարկանիշի […] ...
22:13 04.08.2025
The National. ՀԱՄԱՍ-ը պատրաստ է բանակցություններ սկսել Գազայի հարցի կարգավորման շուրջՊաղեստինյան ՀԱՄԱՍ շարժումը պատրաստ է բանակցություններ վարել Գազայի հակամարտության համապարփակ կարգավորման և անկլավում պահվող բոլոր իսրայելցի պատանդների ազատ արձակման շուրջ: Այս մասին հաղորդում է The National թերթը՝ հղում անելով աղբյուրներին: Տեղեկությունների համաձայն՝ Միացյալ Նահանգները քննարկում է փաստաթղթի նախագիծը Իսրայելի, ինչպես նաև Կատարի և Եգիպտոսի միջնորդների հետ: Այս հարցի շուրջ խորհրդակցություններն անցկացվում են ինչպես հեռակա, այնպես […] ...
21:31 04.08.2025
Սպերցյանի արդյունավետ գործողությունը չորրորդ խաղն անընդմեջՀայաստանի ազգային հավաքականի կիսապաշտպան Էդուարդ Սպերցյանը «Կրասնոդարի» կազմում գոլային փոխանցում է կատարել Ռուսաստանի Պրեմիեր լիգայի չորրորդ խաղն անընդմեջ: Մոսկվայի «Դինամոյի» դեմ երրորդ տուրի տնային խաղի 87-րդ րոպեին «Կրասնոդարի» ավագ Սպերցյանի գոլային փոխանցումից հետո կոլումբացի հարձակվող Ջոն Կորդոբան խփել է խաղի միակ գոլը: Ի դեպ, Սպերցյանը գոլային փոխանցում էր կատարել նաև «Դինամոյի» դեմ ՌՊԼ 2024/25 մրցաշրջանի […] ...
21:16 04.08.2025
ՃՏՊ Իջևան-Երևան ավտոճանապարհին․ կան տուժածներՕգոստոսի 4-ին, ժամը 15։20-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Իջևան քաղաքի Երևանյան փողոցում տեղի է ունեցել ՃՏՊ․ կան տուժածներ: Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ։ Պարզվել է, որ Իջևան-Երևան ավտոճանապարհի մոտ 3-րդ կմ-ին «Mitsubishi» մակնիշի ավտոմեքենան բախվել է […] ...
21:11 04.08.2025
Արագածոտնի մարզում BMW-ն բախվել է ծառերին․ 6 վիրավորներից 4-ը անչափահասներ ենՕգոստոսի 4-ին, ավտովթար է տեղի ունեցել Արագածոտնի մարզում։ Ժամը 18։10-ի սահմաններում «BMW» մակնիշի ավտոմեքենան Աշտարակ–Երևան ավտոճանապարհի Աշտարակի վարչական տարածքում դուրս է եկել ճանապարհի երթևեկելի գոտուց, բախվել ծառերին և հայտնվել ճանապարհի երթևեկելի գոտում՝ առջևի հատվածով դեպի Աշտարակի ուղղությամբ։ Ինչպես հայտնում է shamshyan.com-ը, վթարի հետևանքով 6 հոգի, որից 4-ը անչափահասներ են, տարբեր աստիճանի մարմնական վնասվածքներով տեղափոխվել են «Աշտարակ» […] ...
