18:16 30.05.2025
Հանրապետության նախագահ Վահագն Խաչատուրյանին իր հավատարմագրերն է հանձնել Հայաստանում Քուվեյթի Պետության նորանշանակ արտակարգ և լիազոր դեսպան Մուհամմադ Տարեկ Ալի Ալ-Օրայֆանը։
Նախագահ Խաչատուրյանը շնորհավորել է դեսպանին պաշտոնը ստանձնելու կապակցությամբ և հույս հայտնել, որ նրա պաշտոնավարման ընթացքում հայ-քուվեյթյան հարաբերությունները տարբեր ոլորտներում նոր բովանդակություն և որակ կստանան։
Նախագահն ընդգծել է, որ Հայաստանի և Քուվեյթի հարաբերությունները կարևոր նշանակություն ունեն՝ շեշտելով պատմական ու մշակութային խորքային ընդհանրությունները, որոնք ձևավորվել են հայ և արաբ ժողովուրդների բազմադարյա շփումների արդյունքում։
«Քուվեյթի Պետությունը մեզ համար բարեկամ և վստահելի գործընկեր է։ Մեր երկրների միջև դիվանագիտական հարաբերությունները՝ ավելի քան 30 տարվա պատմություն ունենալով, ձևավորել են կայուն համագործակցային միջավայր։ Լիահույս եմ, որ Ձեր պաշտոնավարման ընթացքում այդ հարաբերություններն ավելի կզարգանան և կխորանան տարբեր ոլորտներում»,- նշել է նախագահ Խաչատուրյանը։
Քուվեյթի նորանշանակ դեսպան Մուհամմադ Տարեկ Ալի Ալ-Օրայֆանը շնորհակալություն է հայտնել ջերմ ընդունելության համար և ասել․ «Ուրախ եմ այս հանդիպման առիթով։ Թույլ տվեք փոխանցել Քուվեյթի Պետության էմիր Շեյխ Միշալ Ալ Ահմադ Ալ Ջաբեր Ալ Սաբահի ջերմ ողջույնները։ Ցանկանում եմ վստահեցնել, որ իմ պաշտոնավարման ընթացքում առավելագույն ջանքեր կգործադրեմ՝ մեր երկրների միջև երկկողմ հարաբերությունների առավել զարգացման և խորացման ուղղությամբ»։
Նախագահն, իր հերթին, խնդրել է դեսպանին Էմիրին փոխանցել իր բարեմաղթանքներն ու սրտագին ողջույնները, ինչպես նաև խաղաղություն ու բարօրություն մաղթել Քուվեյթի բարեկամ ժողովրդին։
Հանդիպման ընթացքում երկուստեք կարևորվել է բարձր մակարդակով փոխայցելությունների ակտիվացումը՝ որպես երկկողմ հարաբերությունների խորացման ու ամրապնդման կարևոր ուղղություն։ Նշվել է նաև Հայաստանի և Քուվեյթի արտաքին քաղաքական գերատեսչությունների միջև քաղաքական խորհրդակցությունների շարունակականության և պարբերականության ապահովման անհրաժեշտությունը։
Զրույցի ընթացքում ընդգծվել են մշակութային ոլորտում համատեղ նախաձեռնությունների զարգացման հնարավորությունները։ Այս համատեքստում նշվել է Քուվեյթի հայկական համայնքի կարևոր դերը՝ որպես մշակութային կամուրջ երկու ժողովուրդների միջև։
Հանդիպմանը մտքեր են փոխանակվել խորհրդարանական դիվանագիտության խթանման հեռանկարների շուրջ՝ կողմերի միջև երկխոսության խորացման ու իրավական հենքի ամրապնդման տեսանկյունից։
Առանձին անդրադարձ է կատարվել ՀՀ քաղաքացիների համար Քուվեյթի մուտքի արտոնագրային գործընթացների դյուրացման հնարավորություններին, ինչը կնպաստի մարդկային կապերի սերտացմանն ու փոխայցելությունների աճին։
Երկուստեք շեշտվել է առկա համագործակցային ներուժի լիարժեք իրացման անհրաժեշտությունը՝ հատուկ ընդգծելով զբոսաշրջության, կրթության, սպորտային զբոսաշրջության ոլորտներում գործակցության և ուսանողների փոխանակման ծրագրերի ընդլայնման ու շարունակականության կարևորությունը։
23:57 31.05.2025
Իրավիճակը Հայաստանի ճանապարհներին և Լարսում
23:59 31.05.2025
Դպրոցականների շրջայցը՝ Երևանի քաղաքային տնտեսություններումԵրեխաների միջազգային օրվա առթիվ՝ Երևանի քաղաքապետարանի նախաձեռնությամբ շուրջ 150 դպրոցականների համար կազմակերպվեց շրջայց, որի ընթացքում նրանք շրջեցին Երևանի քաղաքապետարանի ենթակայությամբ գործող քաղաքային տնտեսություններում: Այս մասին հայտնել են Երևանի քաղաքապետարանից: «Կանաչապատում և շրջակա միջավայրի պահպանություն» ՀՈԱԿ-ում երեխաները բացահայտեցին ծառերի խնամքի գաղտնիքները և ծանոթացան թափոնների տեսակավորման գործընթացին։ «Կենդանիների խնամքի կենտրոն»-ում նրանք սիրով խնամեցին կենտրոնում պահվող շներին՝ սովորելով, […] ...
23:57 31.05.2025
Իրավիճակը Հայաստանի ճանապարհներին և ԼարսումՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:40 31.05.2025
Զովունիում կառուցվող նորակառույց շենքի 5-րդ հարկից աշխատակիցը վայր է ընկել. վերջինը հիվանդանոցում մահացել էՄայիսի 30-ին, Կոտայքի մարզի Զուվունի գյուղում կառուցվող էլիտար թաղամասի նորակառույց շենքերից մեկում հերթական ողբերգական դեպքն է տեղի ունեցել: Ժամը 13:30-ի սահմաններում Զովունի գյուղի 30-րդ փողոցի 2-րդ փողոցում կառուցվող էլիտար թաղամասի նորակառույց շենքերից մեկի 5-րդ հարկից աշխատանքներ կատարելիս շինարարը վայր է ընկել և մարմնական վնասվածքներով տեղափոխվել է «Արմենիա» բժշկական կենտրոն: Ինչպես հայտնում է shamshyan.com-ը, դեպքի մասին ոստիկանության […] ...
23:26 31.05.2025
Էրդողան. Թուրքիան աշխատում է Ստամբուլում Ռուսաստան-Ուկրաինա հանդիպման կազմակերպման ուղղությամբԹուրքիայի նախագահ Ռեջեփ Թայիփ Էրդողանը հայտարարել է, որ իր երկիրը ջանքեր է գործադրում Ռուսաստանի և Ուկրաինայի միջև բանակցությունները Ստամբուլում անցկացնելու համար։ Նա այս մասին ասել է Բուլղարիայի նախագահ Ռումեն Ռադևի հետ զրույցում։ «Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Բուլղարիայի նախագահ Ռումեն Ռադևի հետ։ Մեր նախագահը նշել է, որ Ուկրաինայի և Ռուսաստանի միջև պատերազմը […] ...
23:14 31.05.2025
Նիգերիայում մարզիկներ տեղափոխող ավտոբուսը կամրջից ընկել է. կան տասնյակ զոհերՆիգերիայի հյուսիսում գտնվող Կանո նահանգում ավտոբուսն ընկել է կամրջից: Զոհվել է 21 մարզիկ, որոնք վերադառնում էին ազգային սպորտային փառատոնից։ Այս մասին հայտնել է Punch թերթը։ Ավտոբուսում 30 մարզիկ է եղել, որոնցից մի քանիսը տարբեր աստիճանի վնասվածքներ են ստացել։ Նրանք վերադառնում էին Օգուն նահանգի Աբեոկուտա քաղաքում անցկացվող սպորտային փառատոնից։ Դեպքը տեղի է ունեցել Կուրա գյուղի մոտակայքում։ ...
22:58 31.05.2025
Իսրայելի պաշտպանության բանակը հաստատել է ՀԱՄԱՍ-ի ռազմական առաջնորդ Սինվարի սպանությունըԻսրայելական բանակը պաշտոնապես հաստատել է Գազայի հատվածում պաղեստինյան արմատական ՀԱՄԱՍ շարժման ռազմական թևի առաջնորդ Մոհամմեդ Սինվարի ոչնչացման փաստը: Բանակի մամուլի ծառայության հայտարարության համաձայն՝ նա ոչնչացվել է Գազայի հատվածի Խան Յունիս շրջանում գտնվող Եվրոպական հիվանդանոցի տարածքում հասցված կետային հարվածի արդյունքում: Իսրայելական կողմի պնդմամբ՝ ՀԱՄԱՍ-ի մարտական շտաբը գտնվում էր կլինիկայի շենքի տակ, որտեղ հարվածի պահին գտնվում էր […] ...
