17:45 16.04.2018
Ըստ որոշ տեղեկությունների` ոստիկանությունը տեխնիկա է կենտրոնացրել Բաղրամյան պողոտայում, այդ թվում նաև ջրցան մեքենաներ: Լրագրողի այս դիտարկմանը, ԱԺ «Ելք» խմբակցության ղեկավար Նիկոլ Փաշինյանը հիվանդանոցում, լրագրողների հետ հարցազրույցի ժամանակ, հումորով պատասխանեց.
«Եղանակը լավն է, այսօր մի պահ նույնիսկ շոգ էր, և ջրցանը չէր խանգարի»:
Փաշինյանը նշեց, որ ակցիայի բոլոր մասնակիցներին խնդրել է վիրավորանքին վիրավորանքով չպատասխանել, և այդ պայմանը պահվել է: Նա նշեց, որ ավելորդ կիրք պետք չէ բորբոքել, այսօրվա միջադեպը որևէ բան չի փոխել և չպետք է փոխի:
«Մենք ոչ բռնի քաղաքական պայքարի մարտավարությունը պետք է շարունակենք, որովհետև ոչ միայն այսօրվա, այլև վաղվա համար ենք անում: Մենք պետք է ապրենք բռնությունից զերծ հասարակությունում»,- ասաց Փաշինյանը:
Այսօր տեղի ունեցածը Նիկոլ Փաշինյանը «բեկումնային» անվանեց: Ըստ նրա՝ մարդկանց աննախադեպ քանակ էր հավաքվել և հույս կա, որ կկարողանան կանխել Սերժ Սարգսյանի ընտրությունը: Լրագրողի հարցին, որ եթե բիրտ ուժ կիրառվի, այդ դեպքում ի՞նչ կանեն, պատասխանեց. «Ես երեկ իմ ելույթում ասել եմ, որ ես նույնիսկ իմ կյանքը չեմ խնայի հանուն Հայաստանի քաղաքացու, և դա պարզապես քաղաքական հայտարարություն չէր»:
Նիկոլ Փաշինյանը ոստիկանությանը կոչ արեց բացել իր աշխատավայրի ճանապարհը, որպեսզի նա գնա աշխատանքի:
«Ես պատրաստվում եմ հարյուրավոր, հազարավոր քաղաքացիների ընդունելություն կազմակերպել, ինչպես ԱԺ պատգամավորը կանոնակարգով պարտավոր է անել»,- ասաց նա:
Հարցին, թե արդյո՞ք ծրագրում է բոլոր ցուցարարներին տանել խորհրդարան, Փաշինյանն ասաց հետևյալը. «Ես պատրաստվում եմ քաղաքացիների ընդունելություն կազմակերպել, ինչպես սովորաբար ամեն շաբաթ անում եմ, այն տարբերությամբ, որ այսօր հազարավոր քաղաքացիներ են հերթագրված ինձ հետ հանդիպելու համար»:
20:21 16.06.2025
Հայտնաբերվել է 391 ոչ սթափ վարորդ․ պարեկների անցած շաբաթվա ծառայության արդյունքներըՀունիսի 9-ից 16-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 5141 խախտում՝ պահպանվող հատուկ տարածք տեղափոխելով 210 ավտոմեքենա։ Մասնավորապես, հայտնաբերվել է ոչ սթափ 168 վարորդ, առանց վարորդական իրավունքի վկայականի՝ 313 անձ։ Հայտնաբերվել է հաշվառման համարանիշի հետ կապված՝ 24, չամրակապված վարելու՝ 1158, առանց մանկական նստատեղի՝ քարսիթի՝ 17, վարելու ընթացքում ծխելու՝ 461, վարելիս […] ...
20:12 16.06.2025
«Բավարիայի» ջախջախիչ հաղթանակը ԱԱԱ-ումԱշխարհի ակումբային առաջնության C խմբի առաջին տուրում Մյունխենի «Բավարիան» 10-0 հաշվով հաղթել է նորզելանդական «Օքլենդ Սիթիին»։ Հեթ-տրիկ է ձևակերպել Ջամալ Մուսիալան, դուբլ են գրանցել Կինգսլի Կոմանը, Մայքլ Օլիսեն ու Թոմաս Մյուլերը, մեկ գոլ էլ խփել է Սաշա Բոեն։ ...
19:53 16.06.2025
«Կրթության կառավարում և առաջնորդություն» վերապատրաստման ծրագրի նպատակը դպրոցի տնօրենի հավակնորդների կարողությունների զարգացումն էԱմփոփվել է հանրակրթական ուսումնական հաստատությունների տնօրենների հավակնորդների համար նախատեսված «Կրթության կառավարում և առաջնորդություն» յոթամսյա վերապատրաստման ծրագիրը։ Ծրագիրն իրականացվել է ՀՀ կրթության, գիտության, մշակույթի և սպորտի նախարարության աջակցությամբ և Եվրոպական միության ֆինանսավորմամբ՝ ՄԱԿ-ի մանկական հիմնադրամի՝ ՅՈՒՆԻՍԵՖ-ի և «Այբ» կրթական հիմնադրամի համատեղ ջանքերով։ Ծրագրի ամփոփիչ միջոցառումը տեղի է ունեցել «Այբ» դպրոցում. ծրագրի մասնակիցները ներկայացրել են իրենց կազմած […] ...
19:48 16.06.2025
2021-24 թթ.-ին ՀՀ տնտեսությունում միջինում գրանցվել է 8,1% տնտեսական աճԿառավարությունը նախատեսում է 5 տարում 4,5 տոկոսով կրճատել պետբյուջեի պակասուրդը: Այս մասին այսօր մամուլի ասուլիսին հայտնել է Ֆինանսների նախարարը: Վահե Հովհաննիսյանն անդրադարձել է նաև Հայաստանի տնտեսության վրա իրանա-իսրայելական հակամարտության հնարավոր ազդեցությանը: Մանրամասները՝ ռեպորտաժում: ...
19:42 16.06.2025
Օպերատիվ իրավիճակը հանրապետությունում հունիսի 13-6-ըՕպերատիվ իրավիճակը հանրապետությունում հունիսի 13-6-ը: Բացահայտվել է 267 հանցագործություն, որոնցից 2-ը՝ նախկինում կատարված: Մասնավորապես՝ ☑️42 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, ☑️25 դեպք՝ թմրանյութի հայտնաբերման, ☑️24 դեպք՝ անձնական ունեցվածքի գողության, ☑️23 դեպք՝ մարմնական վնասվածք պատճառելու, ☑️21 դեպք՝ ֆիզիկական ներգործության, ☑️16 դեպք՝ հոգեկան […] ...
