22:14 30.09.2018
Սեպտեմբերի 29-ին ՀՀ ոստիկանության պետ Վալերիյ Օսիպյանը օպերատիվ խորհրդակցություն անցկացրեց, որին մասնակցում էին ոստիկանության կենտրոնական վարչակազմի, Երևան քաղաքի և մարզային վարչությունների ղեկավար կազմը։ Վալերիյ Օսիպյանը նախ ստորաբաժանումների ղեկավարներին փոխանցեց ՀՀ վարչապետ Նիկոլ Փաշինյանի շնորհակալությունը՝ Երևանի ավագանու ընտրություններին կատարած աշխատանքի կապակցությամբ։
Ոստիկանության պետն անդրադարձավ առաջիկայում մարզերում կայանալիք տեղեկան ինքնակառավարման մարմինների ընտրությունների կազմակերպման աշխատանքներին՝ հույս հայտնելով, որ ոստիկանության տարածքային ստորաբաժանումները ջանք չեն խնայի դրանք ևս անթերի կազմակերպելու, ընտրախախտումները բացառելու համար։
Այդ կապակցությամբ կոնկրետ հանձնարարականներ ու ցուցումներ տվեց ոստիկանության անձնագրային և վիզաների ու մարզային վարչությունների ղեկավարներին՝ հրահանգելով անձնակազմի նկատմամբ լինել հետևողական ու պահանջկոտ, աշխատանքներն էլ կազմակերպել անթերի։ Ոստիկանության պետը հատուկ անդրադարձավ նաև առաջիկայում անցկացվելիք համապետական միջոցառումների ընթացքում ճանապարհային ոստիկանության, հասարակական կարգի պահպանությանը ներգրավված ստորաբաժանումների ծառայությանը՝ այդ կապացությամբ ևս տալով կոնկրետ հրահանգներ։
հաջորդ թեման օպերատիվ հետախուզական գործունեության մասին էր։ Ոստիկանության պետը, վերլուծելով հանցագործությունների բացահայտման ցուցանիշները, հրահանգեց հատուկ ուշադրություն դարձնել անձի կյանքի, առողջության և սեփականության դեմ ուղղված հանցագործությունների նախականխման, կանխման և բացահայտման, հանցագործություն կատարած անձանց շուտափույթ հայտնաբերման միջոցառումներին՝ զուգահեռ գործնական քայլեր ձեռնարկելով նախկինում կատարված հանցագործությունների բացահայտման ուղղությամբ՝ անկախ դրանց ծանրության ու հանրային վտանգավորության աստճանից։
«Օրենքի առաջ հավասար են բոլորը․ սա պետք է լինի ոստիկանության գործունեության կարևորագույն սկզբունքը, ուստի, անկախ հասարակության մեջ ունեցած դիրքից ու զբաղեցրած պաշտոնից, հանցագործը և իրավախախտը օրենքի տառին համապատասխան պետք է պատասխանատվության ենթարկվեն»,- նշեց Վալերիյ Օսիպյանը։
Ճանապարհային ոստիկանության ու ընտանիքում բռնության կանխարգելման և անչափահասների գործերով վարչության պետերին Վալերիյ Օսիպյանը շնորհակալություն հայտնեց աշակերտների անվտանգությունը տուն-դպրոց, դպրոց-տուն ճանապարհին ապահովելու համար՝ ուրախությամբ փաստելով, որ տհաճ դեպքեր չեն արձանագրվել։ Ոստիկանության պետը հանձնարարեց ակտիվացնել աշակերտների, նրանց ծնողների և մանկավարժների հետ տարվող պրոֆիլակտիկ բնույթի բացատրական աշխատանքները՝ դպրոցականների կողմից հակահասարակական ու հակաիրավական վարք դրսևորելու դեպքերը բացառելու նպատակով։ ՛
Խորհրդակցության ընթացքում ոստիկանության պետն անդրադարձավ նաև հանցավորության դեմ պայքարին, իրավախախտումների նախականխման, կանխման ու խափանման աշխատանքներին, ճանապարհային երթևեկության անվտանգությունն ու հասարակական կարգի պահպանությունն ավելի արդյունավետ իրականացնելուն ուղղված մի շարք միջոցառումների ևս՝ ոլորտների պատասխանատուներին տալով համապատասխան կարգադրություններ։
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
