15:34 26.04.2018
Ինչո՞ւ ԲՀԿ-ն վերջին պահին միացավ Նիկոլ Փաշինյանին: Խորհրդարանում լրագրողների կողմից հնչած այս հարցին ԱԺ «Ծառուկյան» դաշինքի պատգամավոր Նաիրա Զոհրաբյանը պատասխանեց, որ այդ ձևակերպման հետ համաձայն չէ:
«Իհարկե, դուք իրավունք ունեք ունենալու ձեր սեփական տեսակետը, բայց եթե հիշում եք, երբ ձերբակալեցին մեր պատգամավոր գործընկերներին, անմիջապես եղավ ԲՀԿ-ի և «Ծառուկյան» դաշինքի հայտարությունը, որ անհապաղ պետք է ազատվեն Նիկոլ Փաշինյանը, Արարատ Միրզոյանը և Սասուն Միքայելյանը: Հստակ եղավ նաև դիրքորոշումը, որ որևէ բռնի ուժ մեր գործընկերների և ցուցարարների հանդեպ, հղի է լինելու անկանխատեսելի հետևանքներով»,- ասել է Նաիրա Զոհրաբյանը:
Նա նաև վստահեցրել է, որ իրենք այդ օրերին եղել են ոստիկանական բաժանմունքներում, այցելել են իրենց գործընկերներին և դա արել են առանց ֆեյսբուքյան գրառումների և ԶԼՄ-ների հայտարարությունների:
«Հիմա ճիշտ չէ անընդհատ ասել՝ 5 րոպե ուշ, 10 րոպե շուտ միացաք: Այսօր այնքան կարևոր օրակարգային խնդիրներ կան, այսօր որոշվում է ապագա իշխանության, ժողովրդի ձայնով ձևավորվող իշխանության խնդիրը: Կարողանալո՞ւ ենք ժողովրդի ձայնով ունենալ այն իշխանությունը, որից ժողովուրդը 6 ամիս հետո, 1 տարի հետո նորից չի հիասթափվի և ասի՝ եկեք մի հատ էլ համաժողովրդական ցասում ձևավորենք»,- նշել է պատգամավորը:
Նաիրա Զոհրաբյանի խոսքով՝ այսօր պետք է այնպիսի իշխանություն ձևավորվի, որը, բոլոր սխալները հաշվի առնելով, այլևս «նույն գերանդու վրա ոտքը չդնի»: Չպետք է ունենանք այնպիսի իշխանություն, որն ասի՝ «իմ դեմ խաղ չկա»:
«Դուք հիշո՞ւմ եք՝ ԱԺ-ում օրեր առաջ ինչպիսի քծնանքի, նողկալի ելույթներ հնչեցին Սերժ Սարգսյանի հասցեին: Դա սարսափեցրեց ժողովրդին»,- ասաց Նաիրա Զոհրաբյանը, իսկ լրագրողները հիշեցրին, որ «Ծառուկյան» դաշինքի որոշ պատգամավորներ ևս կողմ էին քվեարկել Սերժ Սարգսյանին:
19:39 02.05.2025
Աշխատանքի և աշխատավորների միջազգային օրվա առթիվ Նարեկ Մկրտչյանը հյուրընկալել է աշխատանքի վետերաններիԱշխատանքի և աշխատավորների միջազգային օրվա առթիվ՝ Աշխատանքի և սոցիալական հարցերի նախարար Նարեկ Մկրտչյանն այսօր նախարարությունում հյուրընկալել է աշխատանքի վետերաններ՝ 89-ամյա Թամարա Կարապետյանին և 86-ամյա Ռազմիկ Աբրահամյանին, ովքեր բնակվում են պետության ենթակայությամբ գործող շուրջօրյա խնամքի հաստատություններում։ Նախարարը շնորհակալություն է հայտնել նրանց՝ երկարամյա աշխատանքային գործունեության և ունեցած վաստակի համար։ Վերջիններս նախարարին պատմել են իրենց գործունեության, խոսել աշխատելու […] ...
19:30 02.05.2025
Տելեգրամի միջոցով թմրանյութ ձեռք բերած երիտասարդը ներկայացվել է նախաքննական մարմինՔրեական ոստիկանության Կոտայքի մարզային վարչության ծառայողները տեղեկություններ էին ստացել, որ Երևանի բնակիչ 27-ամյա երիտասարդը առցանց եղանակով թմրամիջոց է ձեռք բերել: Ձեռնարկված միջոցառումների արդյունքում մայիսի 1-ին Բջնի-Քաղսի ավտոճանապարհին 27-ամյա երիտասարդը հայտնաբերվել, ձերբակալվել և տեղափոխվել է վարչություն: Նրա անձնական խուզարկությամբ հայտնաբերվել է «Ալֆա ՊՎՊ» տեսակի թմրամիջոցի նմանվող զանգված: Երիտասարդը հայտնել է, որ այն անձնական օգտագործման համար ձեռք […] ...
19:20 02.05.2025
Դատախազական ակտի կիրառման արդյունքում վերականգնվել է պետությանը պատճառված 75 միլիոն դրամ վնասըՔննչական կոմիտեում քննվող քրեական վարույթի ուսումնասիրությամբ պարզվել է, որ բազմաբնակարան շենքերի կառուցապատմամբ և բնակարանների վաճառքով զբաղվող ընկերության սեփականատեր Ա.Մ.-ն նույն ընկերության տնօրեն Գ.Վ.-ի հետ նախնական համաձայնությամբ, առանձնապես խոշոր չափերով հարկեր վճարելուց խուսափելու, այդ միջոցով շահույթ ստանալու նպատակով՝ Երևան քաղաքի Նորք-Մարաշ վարչական շրջանում կառուցվող բազմաբնակարան շենքից 2022-2024 թվականների ընթացքում իրացրել է բնակարաններ՝ կառուցվող շենքից անշարժ գույք […] ...
19:14 02.05.2025
Կիրանցի առօրյան. սահմանազատումից մեկ տարի անցՄեկ տարի առաջ՝ 2024-ի ապրիլի 23-ին, Հայաստան-Ադրբեջան պետական սահմանի Տավուշ-Ղազախ հատվածում տեղադրվեց առաջին սահմանային սյունը: Արդյունքում սահմանազատվեց 12 կմ-ոց հատված: Անվտանգային ինչպիսի՞ հարց է լուծվել, մեկ տարվա ընթացքում ի՞նչ է փոխվել սահմանամերձ այս գյուղերում ապրող մարդկանց կյանքում: «Շանթ» ՀԸ «Հորիզոնի» նկարահանող խումբը եղել է Կիրանցում ՝ զրուցելու տեղացիների հետ և նրանց առօրյայի ու զգացողությունների մասին […] ...
19:07 02.05.2025
Նախագահական նստավայրում հյուրընկալվել են ֆիզիկամաթեմատիկական մասնագիտացված դպրոցի աշակերտներըՆախագահական նստավայրում հյուրընկալվել են Երևանի Արտաշես Շահինյանի անվան ֆիզիկամաթեմատիկական մասնագիտացված դպրոցի աշակերտները։ Նրանք շրջայց են կատարել նստավայրում, ծանոթացել դրա պատմությանը, ճարտարապետական առանձնահատկություններին և գործունեության կարգին։ Այնուհետև Հանրապետության նախագահ Վահագն Խաչատուրյանն աշակերտների համար դասախոսություն է կարդացել՝ ներկայացնելով պետության և ազատ շուկայական տնտեսության փոխհարաբերությունները, դրանց նշանակությունն ու կիրառական դրսևորումները ժամանակակից կառավարման համակարգում։ Դասախոսությունից հետո նախագահն անմիջական մթնոլորտում […] ...
19:00 02.05.2025
Գողությունը բացահայտվել է. 25-ամյա հարևանուհին խոստովանել է արարքըՔրեական ոստիկանության Տավուշի մարզային վարչությունում հաղորդում տված քաղաքացին հայտնել էր, որ ապրիլի 28-ի ժամը 14-ից 18-ն ընկած ժամանակահատվածում Դիլիջանի Աթարբեկյան փողոցում գտնվող իր տնից գողացել են բջջային հեռախոս: Նշված հասցե օպերատիվ խումբ է մեկնել: Կազմված փաստաթղթերն ուղարկվել են Դիլիջանի քննչական բաժին, որտեղ քրեական վարույթ է նախաձեռնվել: Ձեռնարկված օպերատիվ-հետախուզական միջոցառումների արդյունքում մայիսի 1-ին հանցագործությունը բացահայտվել է: […] ...
