13:45 16.10.2018
ShantNews.am-ի հետ զրույցում իրավապաշտպան Ավետիք Իշխանյանը խոսել է համաներման անհրաժեշտության մասին:
Համաներման անհրաժեշտության մասին
Համաներման կարիք կար կամ չկար, գնահատական տալու համար նախ պետք է գնահատական տանք ՀՀ դատաիրավական համակարգին: Ես նկատի ունեմ դատավարությունը, դատավարությունից հետո պատիժը, որից հետո՝ վաղաժամկետ դուրս գալու հնարավորությունը: Եթե մենք այդ տեսանկյունից դիտարկենք, ապա ՀՀ-ում միշտ էլ համաներման կարիք է եղել, որովհետև դատարաններն արդար չեն գործել, բանտերում եղել են, մեղմ ասած, բավականին վատ պայմաններ, գերծանրաբեռնվածություն, հաճախ նաև քաղաքական բանտարկյալներ: Այդ ամենից ՀՀ իշխանությունները միշտ լուծում են գտել համաներմամբ: Քաղաքակիրթ երկրներում համաներումն անիմաստ է, որովհետև պատժից հետո գործում է վաղաժամկետ ազատման մեխանիզմ: Հիմա եթե այս տեսանկյունից դիտարկենք, ապա այժմ համաներումն անհրաժեշտ է Հայաստանին, որովհետև հաշվի առնենք մի կարևոր փաստ՝ ի վերջո քաղաքական բանտարկյալներն ազատ արձակվեցին:
Ո՞ր խմբերի վրա տարածվեր համաներումը
Ցանկալի կլիներ նաև, որ այս համաներումը ներառեր ցմահ ազատազրկվածների որոշակի կատեգորիաներ, հատկապես այն կատեգորիայի անձանց, որոնց պատիժը նախագահի հրամանագրով 2003-ին մահապատժից փոխվեց ցմահի, որը ոչ իրավական հրամանագիր էր: Մյուսը մինչև 21 տարեկաններն են, ովքեր դատապարտվել են ցմահ ազատազրկման. սա շատ կարևոր է շտկելու այն անարդարությունը, որ եղել է մինչև հիմա: Եվ ես շատ կուզենայի, որ այս համաներումը վերջինը լիներ Հայաստանի պատմության մեջ: Սրանից հետո արդար դատավարություն տեղի ունենար և դատապարտվածներն օգտվեին վաղաժամ ազատման մեխանիզմից և ոչ թե սպասեին, թե իշխանությունների բարի կամքի շրջանակներում երբ կհայտարարեն համաներում: Ես շատ կուզենամ այս համաներմամբ շտկվեն նախորդ բոլոր սխալները:
Ամբողջական հարցազրույցը՝ տեսանյութում:
12:14 02.08.2025
Թրամփը հրամայել է տեղակայել երկու միջուկային սուզանավ՝ ի պատասխան Մեդվեդևի հայտարարություններիԱՄՆ նախագահ Դոնալդ Թրամփը, շարունակելով իր վեճը Ռուսաստանի Անվտանգության խորհրդի փոխնախագահ Դմիտրի Մեդվեդևի հետ, հայտարարել է, որ իր հռետորական սպառնալիքներին ի պատասխան կուղարկի երկու ամերիկյան միջուկային սուզանավ «համապատասխան տարածաշրջաններ»։ Նա չի մանրամասնել, թե որ տարածաշրջանների մասին է խոսքը։ «Հաշվի առնելով Ռուսաստանի նախկին նախագահ, այժմ Ռուսաստանի Անվտանգության խորհրդի փոխնախագահ Դմիտրի Մեդվեդևի կողմից արված խիստ սադրիչ հայտարարությունները, […] ...
12:08 02.08.2025
Oգոստոսի 12-20-ը ՀՀ-ում կանցկացվի «ԱՐԾԻՎ ԳՈՐԾԸՆԿԵՐ-2025» հայ-ամերիկյան համատեղ զորավարժությունըՄիջազգային խաղաղապահ առաքելություններում մասնակցության նախապատրաստման շրջանակում օգոստոսի 12-20-ը Հայաստանի Հանրապետությունում կանցկացվի «ԱՐԾԻՎ ԳՈՐԾԸՆԿԵՐ-2025» հայ-ամերիկյան համատեղ զորավարժությունը։ Այս մասին հայտնում է ՀՀ ՊՆ-ն։ Զորավարժությանը ներգրավված են լինելու ՀՀ ԶՈՒ խաղաղապահ բրիգադի, Եվրոպայում և Աֆրիկայում ԱՄՆ ցամաքային զորքերի և Կանզասի ազգային գվարդիայի զինծառայողները: Զորավարժությունը ենթադրում է խաղաղապահ առաջադրանքների նախապատրաստում և իրականացում՝ բժշկական տարհանման ընթացակարգերի շեշտադրմամբ: Զորավարժության նպատակն […] ...
11:47 02.08.2025
Ուսուցողական և գործնական միջոցառում Ստեփանավան քաղաքումԼոռու մարզի Ստեփանավան քաղաքում իրականացվել է կարևոր նախաձեռնություն՝ ուղղված երեխաների՝ անվտանգության վերաբերյալ իրազեկվածության բարձրացմանը։ «Լիարժեք կյանք» ներառական ամառային ճամբարի տարածքում ՆԳՆ Լոռու մարզային փրկարարական վարչության կողմից կազմակերպվել են սեմինարներ՝ նվիրված հակահրդեհային կանոնների ուսուցմանը և տարհանման հմտությունների զարգացմանը։ Սեմինարների հիմնական նպատակն էր ճամբարականներին ծանոթացնել հրդեհների կանխարգելման կանոններին, տարհանման կարգին և քայլերին, ինչպես նաև նրանց հաղորդակից դարձնել արտակարգ իրավիճակներում ճիշտ, վստահ և կազմակերպված վարքագծի […] ...
11:30 02.08.2025
Հյուսիս-հարավ ճանապարհային միջանցքի Քաջարան-Ագարակ 32 կմ երկարությամբ հատվածում ամեն օր աշխատում է 600 շինարար․ ՏԿԵ նախարարՀյուսիս-հարավ ճանապարհային միջանցքի Քաջարան-Ագարակ 32 կմ երկարությամբ հատվածում յուրաքանչյուր օր աշխատում է 245 տեխնիկա, շինարարական աշխատանքներում ներգրավված է ավելի քան 600 շինարար: Այս մասին Ֆեյսբուքի իր էջում գրել է ՏԿԵ նախարար Դավիթ Խուդաթյանը։ Հուլիս ամսվա ընթացքում միջին օրական կատարողականը գերազանցել է 60 միլիոն ՀՀ դրամը: ...
11:07 02.08.2025
Տարադրամի փոխարժեքներն օգոստոսի 2-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 382 դրամ, վաճառքի նվազագույն արժեքը՝ 384․50 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 441 դրամ: Ռուսական ռուբլու առքի առավելագույն արժեքն է 4․75 դրամ, վաճառքի նվազագույն արժեքը՝ 4.82 դրամ: ...
