16:30 16.10.2018
Շիրակի մարզում միայն այս տարի նախատեսվում է ավելի քան 700 նոր աշխատատեղ բացել: Սա տարեսկզբին ներկայացված ներդրումային ծրագրերի խոստումներից է, բայց տարեվերջին արդեն պարզ կդառնա, որ նշված քանակը դժվար թե ապահովվի: Սպասվող կամ արդեն եղած ներդրումները մարզում հիմնականում թեթև արդյունաբերության ոլորտում են։ Շիրակի մարզում այս ճյուղն է համարվում զարգացող, իսկ արտադրողները հիմա ներկրվող հումքով են աշխատում, և արտադրանքն էլ ավելի շատ արտահանվում է:
Տեքստիլ արտադրությունում արդեն հայտնի «Լենտեքս» ընկերությունը նախատեսում է մոտ 2 մլրդ դրամի ներդրում երեք տարվա ընթացքում, որը բարձրորակ հումք ձեռք բերելու համար է: Ընկերությունը կօգտվի հումքի ներմուծման արտոնություններից, սահմանին մաքսատուրք չի վճարում, ավելացված արժեքի հարկն էլ կառավարությունը 3 տարով հետաձգել է:
Տրված արտոնությունը «Լենտեքս» ՍՊԸ տնօրեն Կարեն Գոմցյանը համեմատում է անտոկոս վարկի հետ, որի դիմաց պարտավորվում է 60 նոր աշխատատեղ ստեղծել: Շուտով տեղում նաև արհեստական թելերի արտադրություն կգործարկվի, գործվածքային հաստոցներ են ձեռք բերվելու, որ քաթան գործեն:
Արտահանման հիմնական շուկան դարձյալ մնում է Ռուսաստանը: Ռուբլին արժեզրկվել է, ինչը վնաս է հասցնում արտադրողի շահերին: Տնօրենի խոսքերով՝ արժեզրկումը ոչ թե արտադրանքի գնաճի է հանգեցրել, այլ շահույթն է նվազել:
Գյումրիի նախկին Գուլպա-նասկեղենի ֆաբրիկայում նոր ընկերություն է սկսել գործել՝ ջինսե տաբատներ են արտադրելու իտալացի գործարարների պատվերներով: Նոր սերնդի մեքենաներ են ներկրել, որոնցով աշխատել դեռ սովորում են:
«Ռ․ Զաքարյան» ՍՊԸ հիմնադիր Հովիկ Զաքարյանն է նշում, որ նախատեսում են բացել 70 աշխատատեղ, այժմ 20 մարդու գրանցել են, ովքեր փորձաշրջան են անցնում։ Ջինսե տաբատներն այստեղ նաև ջերմային մշակման են ենթարկվելու։ Դրա համար ևս հատուկ հաստոցներ են ներկրվել։
Այս ընկերության տնօրենն էլ է դիմել կառավարությանը, որպեսզի օգտվի ավելացված արժեքի հարկի վճարումը 3 տարով հետաձգելու արտոնությունից և սպասում է պատասխանի: Իտալացի մասնագետների հետ փորձնական աշխատելուց հետո, 2 ամսից հնարավոր է՝ հայկական ջինսե տաբատները շուկայում հայտնվեն:
Արթիկի նախկին 7-րդ դպրոցի շենքը նույնպես արտադրական նպատակներով է օգտագործվելու: Կառավարությունն այն 20 տարի ժամկետով անհատույց օգտագործման է հանձնել «Չեխ-արմ-ինվեստ» ընկերությանը: Տեղում կազմակերպվելու է հագուստի արտադրություն, իսկ շուկան դարձյալ արտերկիրն է: 3 տարում 1 մլն դոլարի ներդրում է կատարվելու, 500 աշխատատեղ է բացվելու: Ծրագիրը դեռ շինաշխատանքների փուլում է:
Տանիքի վերանորոգմանը զուգահեռ, նաև ներսի միջնապատերն են քանդվում, շենքն արտադրական կառույցի է հարմարեցվելու, քանի որ հոսքագծեր են տեղադրվելու։ 500 աշխատատեղին Արթիկում սպասելու են դեռևս 3 տարի, իսկ տարբեր ներդրումային ծրագրերով այս տարվա համար նախատեսված ավելի քան 700 աշխատատեղի կեսն էլ մարզում չի ապահովվի:
21:16 02.08.2025
Արենիում` 42.6, Երևանում՝ 41.9 աստիճան. մի շարք վայրերում դիտված ջերմաստիճանները գերազանցել են այդ օրը երբևէ գրանցված արժեքներըԻնչպես կանխատեսվել էր, այսօր հանրապետությունում դիտվել է բարձր ջերմային ֆոն։ «Հիդրոօդերևութաբանության և մոնիթորինգի կենտրոն» ՊՈԱԿ-ից հայտնել, որ մի շարք վայրերում դիտված առավելագույն ջերմաստիճանները գերազանցել են այդ օրը երբևէ գրանցված արժեքները. Արենի` 42.6°C (40°C` 2011թ.), Երևան` 41.9°C (40.8°C` 2000թ.), Արտաշատ` 40.9°C (40.7°C` 2011թ.), Ապարան` 33.5°C (32.2°C` 2000թ.): ...
21:00 02.08.2025
Անթալիայում զբոսաշրջիկներին զգուշացրել են ուժեղ քամիների և տեղատարափ անձրևների մասինՕդերևութաբանները զգուշացրել են կիրակի օրը Թուրքիայի Անթալիա հանգստավայրում ուժեղ անձրևների մասին, ալիքների բարձրությունը կարող է աճել ափամերձ շրջաններում, զբոսաշրջիկներին և վարորդներին կոչ է արվել զգույշ լինել, հաղորդում է Antalyahakkinda պորտալը։ «Կիրակի օրը Անթալիայի վեց շրջաններում սպասվում են ուժեղ անձրևներ։ 4-րդ տարածաշրջանային օդերևութաբանական վարչության հայտարարության մեջ ընդգծվում է, որ քամին կփչի միջին ուժգնությամբ հյուսիսից և արևմուտքից […] ...
20:50 02.08.2025
Մալիում ձերբակալվել է նախկին վարչապետըՄալիի նախկին վարչապետ Մուսա Մարան կալանավորվել է կառավարությանը վարկաբեկելու և անկարգություններ հրահրելու մեղադրանքով, հաղորդում է RFI ռադիոն։ «Մալիի նախկին վարչապետ Մուսա Մարային մեղադրանք է առաջադրվել և նա կալանավորվել է: Նրան մեղադրանք է առաջադրվել չորս հանցագործությունների մեջ, որոնց մեջ են մտնում «պետության նկատմամբ վստահությունը խաթարելը, օրինական իշխանությանը դիմադրելը և հասարակական անկարգություններ հրահրելը»», – հայտնել է ռադիոկայանը։ […] ...
20:40 02.08.2025
Բրազիլացի պաշտպանը հեռացել է «Փյունիկից»Բրազիլացի պաշտպան Ժունինյոն հեռացել է «Փյունիկից»: Այս մասին հայտնում է ակումբի մամուլի ծառայությունը։ 30-ամյա ֆուտբոլիստը երևանյան ակումբում էր 2021 թ. հուլիսից, 122 խաղում նա խփել է 9 գոլ, կատարել 9 գոլային փոխանցում, երկու անգամ դարձել Հայաստանի չեմպիոն։ ...
20:32 02.08.2025
The Hill. ԱՄՆ Սենատը Ռուսաստանի դեմ պատժամիջոցների օրինագիծը չի ընդունի մինչև ամռան վերջԱՄՆ Սենատը մինչև ամռան վերջ չի ընդունի նոր օրինագիծ, որը կխստացնի Ռուսաստանի դեմ պատժամիջոցները, այդ թվում՝ սահմանափակումներ սահմանելով երրորդ երկրների նկատմամբ։ Այս մասին ասվում է The Hill թերթում հրապարակված հոդվածում։ Ինչպես նշվում է հոդվածում, «հանրապետական սենատորները պատրաստվում են լքել Վաշինգտոնը՝ առանց Ռուսաստանի դեմ պատժամիջոցների մասին լայնածավալ օրինագիծ ընդունելու»։ Սենատի աշխատանքային նիստն ավարտվում է օգոստոսի սկզբին։ […] ...
20:22 02.08.2025
Հինգ երկրներից 90 ծանրոց մարդասիրական օգնություն է հասցվել ԳազաԻսրայելի բանակը շարունակում է մարդասիրական օգնություն հասցնել Գազայի հատված, հաղորդում է բանակի մամուլի ծառայությունը։ «Շաբաթ օրը, քաղաքական ղեկավարության հրահանգներին համապատասխան և Իսրայելի, ԱՄԷ-ի, Հորդանանի, Եգիպտոսի, Ֆրանսիայի և Գերմանիայի միջև համագործակցության շրջանակներում, Իսրայելի պաշտպանության բանակը շարունակում է մի շարք գործողություններ, որոնք ուղղված են Գազայի հատվածում մարդասիրական օգնության ավելացմանը։ Վերջին մի քանի ժամվա ընթացքում հինգ երկիր օդային […] ...
