16:32 25.10.2018
Ո՞վ է Արթիկում հայտնաբերված որմնանկարի հեղինակը: Կարծիքներ էին հնչում, որ հեղինակը գյումրեցի նկարիչ է ու նմանություններ ունի ԽՍՀՄ վաստակավոր նկարիչ Խաչատուր Վարդպարոնյանի ձեռագրին, ոմանք այն համարեցին մի քանի նկարչի համատեղ աշխատանք: Բոլոր ենթադրությունները չհիմնավորվեցին, իսկ որմնանկարների մասին լուրի հրապարակումից օրեր անց գտնվեց իրական հեղինակը:
SHANTENWS.am-ի թղթակիցը «Պոլոզ Մուկուչ» ռեստորանում հանդիպել է գյումրեցի նկարչի թոռան՝ Միքայել Վարդպարոնյանի հետ, որտեղ պահպանվում են Խաչատուր Վարդպարոնյանի՝ 1967 թվականին արված որմնանկարն ու պղնձյա զարդաքանդակները: Դրանց օրինակով նկարիչ-վերականգնող Միքայելն ապացուցում է, որ Արթիկի որմնանկարն իր պապի ձեռքի աշխատանքը չի կարող լինել:
«Որմնանկարը մանրամասն հետազոտելուց հետո եկա այն եզրակացության, որ դա Վարդպարոնյան Խաչատուրի ձեռագիրը չէ, որովհետև թե՛ գունային գամման, թե՛ կերպարների ամբողջականությունը չեն համապատասխանում Վարդպարոնյանի ձեռագրին»,- մանրամասնել է Միքայել Վարդպարոնյանը:
Այս որմնանկարը, որը երկրաշարժից հետո վնասվել էր, Խաչատուր Վարդպարոնյանն անձամբ է վերականգնել իր աշխատանքն ու պատին թողել ստորագրությունը։ Վաստակավոր նկարչի թոռն իր արխիվում պահում է այն որմնանկարների ու խճանկարների լուսանկարները, որոնք տարիներ առաջ քանդվել ու ոչնչացվել են:
Նույն ճակատագրին կարող է արժանանալ նաև Արթիկի այս որմնանկարը: Պարզվել է, որ հայտնաբերված որմնանկարի հեղինակը Միշա Սարգսյանն է, որի աշխատանքը ներկայացրեց նրա կինը՝ Ազատուհի Թադևոսյանը, որի համար անակնկալ է եղել որմնանկարի ի հայտ գալը: Կնոջ խոսքերով՝ իր ամուսինը որմնանկարը 45 տարի առաջ է վրձնել, նույնիսկ մոռացել էր դրա գոյության մասին:
«1967-1968թթ. է նկարվել նկարը, այդ ժամանակ մենք նոր էինք ամուսնացել: Ես առաջարկեցի վերջում իր ստորագրությունը թողնել նկարի տակ, բայց այդ ժամանակ նկարչի անուն գրելն արգելված էր»,- SHANTNEWS.am-ի թղթակցին պատմել է Ազատուհի Թադևոսյանը:
«Նկարը պատկանում է Միշա Սարգսյանին, լավ նկարիչ և ուսուցիչ էր, մեզ քանդակ ու նկարչություն էր դասավանդում: Որմնանկարը նկարելիս ես ներկա եմ եղել, քանի որ ամուսինս Երիտասարդական սրճարանում խոհարար էր աշխատում»,- իր հիշողություններն է պատմել արթիկցի Ալվարդ Եգանյանը:
Ալվարդ Եգանյանն ավելի քան վստահ է, որ որմնանկարը նկարիչ-քանդակագործ Միշա Սարգսյանինն է:
Որմնանկարի էսքիզները չեն պահպանվել:
Նկարչի ընտանիքը որմնանկարի պահպանությամբ զբաղվել չի կարող, կառույցի սեփականատիրոջն են խնդրել այն պահպանել, իսկ տարածքը, հայտնի է, որ վերածվելու է շինանյութի վաճառասրահի: Առայժմ որմնանկարի պատին շինարարները ձեռք չեն տալիս. որմնանկարի ճակատագիրը որոշելու են մշակույթի նախարարության մասնագետները:
23:59 03.08.2025
«Երևան» երիտասարդական նվագախումբը ներկայացրել է Հայաստանը Բեռլինի «Կոնցերտհաուս» համերգասրահում«Երևան» երիտասարդական նվագախումբը՝ մաեստրո Սերգեյ Սմբատյանի ղեկավարությամբ ներկայացրեց Հայաստանը և Երևանը Բեռլինի «Կոնցերտհաուս» համերգասրահում՝ «Երիտասարդ եվրոպական դասականներ» փառատոնում: Այս մասին ֆեյսբուքյան իր էջում գրել է Երևանի քաղաքապետ Տիգրան Ավինյանը: «Նվագախումբը ստեղծվել և ամբողջությամբ աջակցություն է ստանում Երևանի քաղաքապետարանի կողմից, և մեր քաղաքը կանգնած է այս հաջողության հիմքում՝ սկսած գաղափարի ծնունդից մինչև բեմ դուրս գալու իրական […] ...
23:41 03.08.2025
Սպիտակ քաղաքի և Լեռնանցք բնակավայրի մի շարք հասցեներում փորձարկվելու են էլեկտրական շչակներՕգոստոսի 4-ին՝ ժամը 10:00-ից մինչև 17:00-ն ընկած ժամանակահատվածում, Լոռու մարզի Սպիտակ քաղաքի և Լեռնանցք բնակավայրի մի շարք հասցեներում փորձարկվելու են էլեկտրական շչակներ: Փրկարար ծառայությունից խնդրում են չանհանգստանալ։ ...
23:28 03.08.2025
Երևանում կայացավ համաշխարհային փոփ աստղ Ջենիֆեր Լոպեսի մենահամերգըԵրևանում կայացել է համաշխարհային փոփ աստղ Ջենիֆեր Լոպեսի մենահամերգը, որը տեղի է ունեցել Վազգեն Սարգսյանի անվան հանրապետական մարզադաշտում։ Այս մասին տեղեկացնում են ԿԳՄՍ նախարարությունից: Լոպեսը երևանյան հանդիսատեսին ներկայացրել է հին ու սիրված հիթերը, ինչպես նաև իր վերջին ալբոմի նոր ստեղծագործությունները՝ պարային կատարումներով և հատուկ լուսաձայնային էֆեկտների ուղեկցությամբ։ Ի թիվս բազմահազար հանդիսատեսի՝ համաշխարհային աստղի երևանյան համերգին […] ...
23:20 03.08.2025
Հրդեհ Լուկաշին գյուղում․ կանխվել է հրդեհի տարածումը դեպի մեղվի փեթակներՕգոստոսի 3-ին` ժամը 16:52-ին, Ճգնաժամային կառավարման ազգային կենտրոն ահազանգ է ստացվել, որ Արմավիրի մարզի Լուկաշին գյուղի Անդրանիկի փողոցում այրվում է մեղվանոց։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։ Պարզվել է, որ հրդեհը բռնկվել է չբնակեցված քարե շինությունում (մոտ 30 քմ)։ Հրդեհը մեկուսացվել է՝ ժամը 17:15-ին, մարվել՝ 18:39-ին: Այրվել […] ...
23:10 03.08.2025
Ավստրալիայում առատ ձյուն է տեղացելԱվելի քան 40 տարվա ընթացքում Ավստրալիայում առաջին անգամ առատ ձյուն է տեղացել: Ձյան առատ տեղումները հազվադեպ են Ավստրալիայի համար: Ձյունը քաոս է առաջացրել մի շարք շրջաններում՝ էլեկտրաէներգիայի անջատումներ, ճանապարհներին բազմաթիվ վթարներ։ Փրկարարական ծառայությունները խնդրում են բնակչությանը զերծ մնալ տեղաշարժվելուց մերկասառույցի և փոթորկային քամիների պատճառով։ ...
23:00 03.08.2025
Իրանը պլանավորում է եռապատկել Պակիստանի հետ առևտուրըԻրանը պլանավորում է եռապատկել Պակիստանի հետ իր առևտուրը՝ 3 միլիարդ դոլարից հասցնելով 10 միլիարդ դոլարի, հայտարարել է Իրանի նախագահ Մասուդ Փեզեշքիանը։ Կիրակի օրը Փեզեշքիանը Պակիստան կատարած այցի ընթացքում հանդիպել է Պակիստանի վարչապետ Շահբազ Շարիֆի հետ։ «Բարեբախտաբար, կան լուրջ համատեղ ջանքեր՝ բոլոր ոլորտներում հարաբերությունները խորացնելու և համագործակցությունը ընդլայնելու համար։ Ես խորապես համոզված եմ, որ մենք կկարողանանք […] ...
