13:34 26.10.2018
«Միջազգային կոնվենցիաների համաձայն՝ հակամարտող երկրներում ճիշտ չի համարվում, որ զենքեր վաճառվեն: Դա ավելի է լարում իրավիճակը և բանակցային փուլը տանում է ավելի մեծ հակամարտության: Կարծում եմ, որ այդքան էլ ճիշտ չէ նմանատիպ հայտարարություններով շահագրգռել, թե ում զինատեսակն է ավելի հզոր, ավելի ուժեղ: Մենք չենք գնում պատերազմի, մենք գնում ենք խաղաղ ճանապարհով, բանակցային պրոցեսներով խնդրի կարգավորմանը, որը նաև համահունչ է Մինսկի խմբի հայտարարություններին»,- ասաց ԱԺ ՀՀԿ խմբակցության ղեկավար Վահրամ Բաղդասարյանն այսօր ԱԺ-ում՝ անդրադառնալով ԱՄՆ նախագահի ԱԱ հարցերով խորհրդական Ջոն Բոլթոնի հայտարարությանը:
Բաղդասարյանի խոսքերով՝ Հայաստանի վարած քաղաքականությունն այնպիսին է, որ բոլորի հետ ունենա դիվերսիֆիկացված հարաբերություններ:
«Լինելով ռազմավարական գործընկեր ՌԴ-ի հետ՝ բարձր մակարդակի հարաբերություններ ունենք Եվրամիության հետ, իսկ ԱՄՆ-ի հետ ունենք նորմալ և ջերմ հարաբերություններ: Եթե իրավիճակն այնպիսին է, որ պետք է մտածենք մեր ռազմական հզորացման մասին, այստեղ մասնագետների կարծիքներն են կարևոր, թե ինչն է նպատակահարմար և ինչպես մենք պետք է զինվենք»,- ասաց նա:
Վահրամ Բաղդասարյանն անդրադարձավ նաև Բոլթոնի այն հայտարարությանը, որ «պետք է հրաժարվել պատմության կաղապարներից»:
«Ես էլ պետք է հայտարարեմ, որ չունենք պատմության կաղապարներ: Մենք ունենք ազգային արժեքներ, որոնցից հրաժարվելն անթույլատրելի է: Եթե մի փոքր վերծանենք, դրա տողատակերում հասկանում ենք, մեր ավանդական ընտանիքները, մեր տարածքները, պատմական ձեռքբերումները, Արցախյան հարցը, դրանք բոլորը պատմություն են: Պատմությունից, անցյալից հրաժարվելը նշանակում է կասկածի տակ դնել ապագան»,- ասաց ՀՀ ԱԺ ՀՀԿ խմբակցության ղեկավարը:
23:59 10.05.2025
Երևանի բոլոր վարչական շրջաններում շարունակվում են փոսային նորոգումներըԵրևանի բոլոր վարչական շրջաններում շարունակվում են փոսային նորոգումները: Արդեն իսկ կատարվել են շուրջ 19.000 քմ աշխատանքներ։ Այս մասին հայտնել են Երևանի քաղաքապետարանից: Աշխատանքների սկզբնական փուլում ֆրեզով կտրվում են ասֆալտբետոնե ծածկի վնասված հատվածները, որից հետո մաքրվում են փոշուց, բիտումապատվում, այնուհետև տեղադրվում է ասֆալտբետոնե նոր ծածկ: Մանրամասները՝ տեսանյութում: ...
23:58 10.05.2025
Լարսը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:56 10.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:54 10.05.2025
Ավարտվել է կարատեի Եվրոպայի մեծահասակների 60-րդ առաջնությունըԿ. Դեմիրճյանի անվան մարզահամերգային համալիրում ավարտվել է կարատեի Եվրոպայի մեծահասակների 60-րդ առաջնությունը: Առաջնությունն անցկացվել է ՀՀ կրթության, գիտության, մշակույթի և սպորտի նախարարության աջակցությամբ` Հայաստանի կարատեի ֆեդերացիայի և միջազգային գործընկերների հետ համագործակցությամբ: Այս մասին հայտնել են ԿԳՄՍ նախարարությունից: Եվրոպայի առաջնության եզրափակիչ մենամարտերին հետևել և մրցանակակիրներին պարգևատրել են ԿԳՄՍ նախարար Ժաննա Անդրեասյանը և նախարարի տեղակալ Հասմիկ Ավագյանը, […] ...
23:42 10.05.2025
Մակրոնը չի բացառում Արևմտյան զորքերի տեղակայումն ՈւկրաինայումՖրանսիայի նախագահ Էմանուել Մակրոնը չի բացառում Ուկրաինայում մի քանի հազար արևմտյան զինվորականներ տեղակայելու հնարավորությունը։ «Գլխավոր տարրը զորքեր ունենալն է Ուկրաինայում: Կարող է լինել մի քանի հազար, բայց ոչ հարյուր հազարավոր։ Հարցը թվերը չեն։ Հարցն այն է, որ մենք այնտեղ կլինենք պահեստային ուժեր ապահովելու համար՝ օդում կամ առաջնագծից հեռու ռազմավարական դիրքերում», – ասել է Մակրոնը Le […] ...
23:26 10.05.2025
«Միլանն» ու «Ինտերը», հնարավոր է, հանդիպումներ անցկացնեն ԱՄՆ-ումԻտալիայի Ա Սերիայի նախագահ Էցիո Մարիա Սիմոնելին «Միլանին» ու «Ինտերին» առաջարկել է 2026 թ. տարեսկզբի հանդիպումներն անցկացնել ԱՄՆ-ում, հայտնում է Football Italia-ն։ Բանն այն է, որ երկու ակումբների տնային ստադիոնում`«Սան Սիրոյում» վերանորոգման աշխատանքներ են տեղի ունենալու` կապված փետրվարի 6-ից 22-ը Միլանում անցկացվելիք ձմեռային 25-րդ Օլիմպիական խաղերի հետ։ «Սան Սիրոն» հունվարի 10-ից փետրվարի 8-ը փակ կլինի, […] ...
