22:37 27.10.2018
Հանրապետությունում պարտադիր սպանդանոցային մորթի անցնելու որոշման կատարումը հետաձգվել է մինչև հունվարի 1-ը: Մինչ այս, սահմանվել էր ժամկետ մինչև հուլիսի 1-ը: Այդ ընթացքում Շիրակի մարզում թեև 2 սպանդանոց է կառուցվել ու կահավորվել, բայց մորթ կատարելու թույլտվություն չկար: Պատճառը սպանդանոցային շենքերի անհամապատասխանությունն է սահմանված նորմերին: Սպանդանոցային մորթը պարտադիր է մանկապարտեզներին ու խնամքի կենտրոններին մատակարարվող մսի դեպքում: Ըստ այդմ՝ Շիրակի մարզի հաստատությունները գնումներ կատարում են Լոռու մարզի սպանդանոցներից: Մի քանի սպանդանոց մարզում կառուցման փուլում է, բայց շահագործման պատրաստ է միայն մեկը՝ Գյումրիի նախկին կաթի գործարանի տարածքում տեղակայվածը:
10 տարի է տևել շինարարությունը: Սեփականատերը սպանդանոցը համապատասխան սարքավորումներով է համալրել: Բայց սա էլ շահագործման երաշխիք չի հանդիսացել: Սարքերը կան, մորթի թույլտվություն չկա: Սպանդանոցի սեփականատեր Տորիչել Հովհաննիսյանը նույնիսկ միս արտահանելու մասին է մտածել ու դրան համապատասխան սարքավորումներ ևս տեղադրել: Այստեղ ո՛չ արտահանմանյան, ո՛չ էլ տեղական շուկայի համար մորթ չի կատարվում: Համապատասխան թույլտվությունը ուշանում է, թեև նույն այդ թույլտվությունը տվող մասնագետները մեկ անգամ չէ, որ եղել են սպանդանոցում ու պայմանները բավարար գնահատել: Ըստ սեփականատիրոջ՝ Սննդամթերքի անվտանգության պետական ծառայությունից 3 անգամ այցելել են սպանդանոց, բայց համապատասխան թույլտվություն չեն տրամադրել: Ծառայության մարզային կենտրոնի գլխավոր մասնագետ Գագիկ Սարգսյանը նշում է, որ սպանդանոցի համար սահմանված բնակելի հատվածից 300մ հեռավորությունը չի պահպանվում:
Կառույցը հանրապետությունում գրանցված 18 սպանդանոցների թվում է, որի շահագործմանը հավանություն են տվել նաև Հոլանդիայի փորձագետները, բայց Սննդամթերքի անվտանգության պետական ծառայության համար, դա բավարար չէ, կառույցը առարկություններ ունի։ Եզրակացություն կտրվի այն ժամանակ, երբ համապատասխան չափանիշներն ապահովվեն: Սեփականատերն էլ շարունակ փորձում է հասկանալ, թե տեխնիկապես հագեցած ու սանիտարահիգիենիկ վիճակում գտնվող այս սպանդանոցում անասուններին մորթելու պայմաններն արդյո՞ք ավելի վատն են, քան անասնագոմի պայմանները։
Եթե սպանդանոցը չի գործում, ուրեմն անասունների բակային մորթերը շարունակվում են: Վաճառվող մսի անվտանգության փորձաքննությունը հավաստող միակ փաստաթուղթն էլ սա է, որում նշվում է միայն քաշը և փորձաքննող ընկերության անվանումը: Գյումրիի կենտրոնական շուկայում վաճառվող մսի որակը միայն մեկ ընկերություն է երաշխավորում: Ստացվում է, որ ոլորտը մենաշնորհային է, ընկերության տնօրենը հրաժարվեց մեկնաբանել, թե ինչպես են մսավաճառները ձեռք բերում փաստաթուղթը:
Եթե սպանդանոցային մորթն, այնուամենայնիվ, պարտադրվի՝ Շիրակի մարզին,պետական ծրագրի հաշվարկներով, 12 սպանդանոց է անհրաժեշտ:Պետական ծրագրով սպանդանոցի կառուցման հետաքրքրություն Շիրակի մարզում չկա: Միայն անհատներն են շահագրգռված: Այն անհատները, որոնք անասնաբուծական մեծ տնտեսություններ ունեն:
13:25 22.06.2025
Առաջիկա օրերի եղանակային կանխատեսումը
23:59 22.06.2025
ՀՀ օդերևութաբանական կայաններում գամմա-ֆոնի դիտված արժեքների փոփոխություններ չեն դիտվելՇՄՆ Հիդրոօդերևութաբանության և մոնիթորինգի կենտրոն ՊՈԱԿ-ի կողմից 24/7 ռեժիմով շարունակվում են պետական նշանակության հիդրոօդերևութաբանական աշխատանքների կատարումը՝ այդ թվում ֆոնային գամմա-ճառագայթման դոզայի հզորության ամենօրյա չափումները, համաձայն ՀՀ կառավարության 30․05․2024թ․ 826-Լ որոշման պահանջների։ Հունիսի 21-22-ին օդերևութաբանական կայաններում գամմա-ֆոնի դիտված արժեքների փոփոխություններ չեն դիտվել և գտնվել են 14-20 միկրոռենտգեն/ժամ տիրույթում։ ...
23:44 22.06.2025
«Մանչեսթեր Սիթին» տուգանվել է շուրջ 2 միլիոն ֆունտ ստերլինգովԱնգլիական Պրեմիեր լիգան տուգանել է «Մանչեսթեր Սիթիին» հանդիպումները ժամանակին սկսելու և վերսկսելու պարտավորության վերաբերյալ մրցաշարի ընթացակարգը խախտելու բազմաթիվ դեպքերի պատճառով։ Անցած առաջնությունում «Մանչեսթեր Սիթին» այդ կանոնը խախտել է 9 անգամ և ստիպված կլինի վճարել 2,09 միլիոն ֆունտ ստերլինգ տուգանք։ հատկանշական է, որ մանչեսթերյան ակումբը չի վիճարկել տուգանքը և ընդունել է մեղավորությունը։ Պրեմիեր լիգան հիշեցնում է, […] ...
23:29 22.06.2025
Հայաստանյայց Առաքելական Սուրբ Եկեղեցին նշեց Կաթողիկե Սուրբ Էջմիածնի տոնըՀունիսի 22-ին Հայաստանյայց Առաքելական Սուրբ Եկեղեցին նշեց Կաթողիկե Սուրբ Էջմիածնի տոնը: Այն Սուրբ Գրիգոր Լուսավորչի տեսիլքով Կաթողիկե Սուրբ Էջմիածնի հիմնադրման տոն է։ Բերկրառատ օրվա առիթով Միածնաէջ Մայր Տաճարում, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հանդիսապետությամբ, մատուցվեց Սուրբ և Անմահ Պատարագ։ Պատարագիչն էր Մայր Աթոռ Սուրբ Էջմիածնի երիցագույն միաբաններից Գերաշնորհ Տ ․ Հայկազուն […] ...
23:20 22.06.2025
ՄԱԿ-ը կոչ է անում Իրանին թույլատրել ՄԱԳԱՏԷ-ի տեսուչներին մուտք գործել միջուկային օբյեկտներՄԱԿ-ը կոչ է անում Իրանին թույլատրել Ատոմային էներգիայի միջազգային գործակալության (ԱԷՄԳ) տեսուչներին մուտք գործել երկրի միջուկային օբյեկտներ՝ ԱՄՆ-ի հարվածներից հետո պատճառված վնասը գնահատելու համար, հայտարարել է ՄԱԿ-ի գլխավոր քարտուղարի օգնական Միրոսլավ Յենչան։ «Ես կոչ եմ անում Իրանին թույլատրել ՄԱԳԱՏԷ-ի տեսուչներին մուտք գործել օբյեկտներ՝ վնասի գնահատում անցկացնելու համար, հենց որ անվտանգության պայմանները թույլ տան», – ասել […] ...
22:58 22.06.2025
Վարչապետը հետևել է «Դպրոցականների բասկետբոլի լիգա» մարզական խաղերի եզրափակիչ փուլի հանդիպմանըՎարչապետ Նիկոլ Փաշինյանը Երևանի Սպորտի կառավարման կենտրոնի բասկետբոլային մարզադահլիճում հետևել է «Դպրոցականների բասկետբոլի լիգա» մարզական խաղերի 2025 թվականի եզրափակիչ փուլի հանդիպմանը: Մրցաշարը նպատակ ունի խթանելու առողջ ապրելակերպը, զարգացնելու բասկետբոլի նկատմամբ հետաքրքրությունը դպրոցականների շրջանում, ինչպես նաև բացահայտելու տաղանդավոր և հեռանկարային մարզիկներին։ Վարչապետը շնորհավորել է բոլորին մրցաշարի առիթով և հույս հայտնել, որ այն առաջիկա տարիներին անպայման կշարունակվի: […] ...
22:30 22.06.2025
Էլեկտրաէներգիայի պլանային դադարեցումներ՝ Երևանի և մարզերի մի շարք հասցեներում«Հայաստանի էլեկտրական ցանցեր» ՓԲԸ-ն տեղեկացնում է, որ հունիսի 23-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը․ Երևանի Էրեբունի վարչական շրջան՝ 10։00-16։00 Մուշական փ. 2, 4, 5, 6 առանձնատներ և հարակից ոչ բնակիչ-բաժանորդներ, 11:00-16:00 Խորենացու փողոցի առանձնատներ, Խորենացու փ. 72 շենք , Տիգրան Մեծի պող. 39, 41, 43 շենքեր և ոչ բնակիչ-բաժանորդներ, Արմավիրի […] ...
