09:13 29.10.2018
Մեծ Բրիտանիայի Մեն կղզում ավարտվեց Isle of Man միջազգային խոշոր մրցաշարը, որին մասնակցում էր 37 երկրի 165 շախմատիստ, այդ թվում՝ 75 գրոսմայստեր: Հայաստանն այս մրցաշարին ներկայացնում էին Լևոն Արոնյանը և Հրանտ Մելքումյանը, ընդ որում՝ Արոնյանն այս մրցաշարում իր վարկանիշով առաջինն էր:
Ընդհանուր առմամբ, Արոնյանի ելույթն այս մրցաշարում հաջող չի կարելի համարել: 9 հնարավորից Արոնյանը վաստակեց 5.5 միավոր և կիսեց 28-ից 49-րդ տեղերը: Արոնյանը տարավ 3 հաղթանակ, կրեց 1 պարտություն և 5 պարտիա ավարտեց ոչ-ոքի: Ավելի հաջող էր Հրանտ Մելքումյանի ելույթը, որն իր վարկանիշով 28-րդն էր, սակայն վերջնարդյունքում նա ցույց տվեց 23-րդ արդյունքը՝ կիսելով 10-ից 28-րդ տեղերը: Մելքումյանը վաստակեց 6 միավոր, կես միավորով ավելի, քան Արոնյանի ցուցանիշն էր: Հրանտը տարավ 4 հաղթանակ, կրեց 1 պարտություն ու ևս 4 պարտիա ավարտեց ոչ-ոքի:
Իսկ մրցաշարի հաղթող դարձավ լեհ Ռադոսլավ Վոյտաշեկը, որը վարկանիշով 10-րդն էր: Լրացուցիչ մրցախաղում նա հաղթեց Ադրբեջանը ներկայացնող Արկադի Նայդիչին:
Ի դեպ, Արոնյանի չափ՝ 5.5 միավոր, այս մրցաշարին վաստակեց նաև Բրազիլիան ներկայացնող Գրիգոր Սևակ Մխիթարյանը, իսկ ԱՄՆ-ի կազմից հանդես եկող Սամուել Սևյանն իր ակտիվում գրանցեց 5 միավոր:
Նշենք նաև, որ այս մրցաշարի համար սահմանված էր 11 գումարային մրցանակ: Առաջին տեղի համար սահմանված էր 50 հազար ֆունտ սթերլինգ, երկրորդի համար՝ 25 հազար, երրորդի համար՝ 12 500, ու ևս 8 խրախուսական մրցանակներ:
15:53 17.06.2025
Ուժեղ քամու հետևանքով Ապարանի տարածաշրջանում գրանցված դեպքերի հետևանքների վերացման աշխատանքները շարունակվում ենՀունիսի 16-ին ՀՀ ՆԳՆ Փրկարար ծառայության ստորաբաժանումները շարունակել են Ապարանի տարածաշրջանում նախօրեին՝ հունիսի 15-ին, գրանցված ուժեղ քամու հետևանքների վերացման աշխատանքները։ Այս մասին հայտնել են ՆԳՆ ՓԾ-ից: Վթարավերականգնողական և տեխնիկական աշխատանքներին մասնակցել է 205 փրկարարական ծառայող։ Աշխատանքներն իրականացվել են ինտենսիվ ռեժիմով՝ Ապարան քաղաքում և Լուսագյուղ բնակավայրում։ Փրկարարները կատարել են շենք-շինությունների տանիքներից վտանգավոր կերպով կախված թիթեղների և […] ...
15:40 17.06.2025
Հետախուզվողի հայտնաբերման մասին տեղեկացվել է Հակակոռուպցիոն դատարանըՔրեական ոստիկանության գլխավոր վարչությունում ստացած օպերատիվ տեղեկություններն իրացվեցին Գեղարքունիքի մարզային վարչության գործընկերների հետ: Այս մասին հայտնել են ՆԳՆ ոստիկանությունից: Հունիսի 13-ին ժամը 20.30-ին, Երևանի Մինաս Ավետիսյան փողոցի մի բնակարանում հայտնաբերվեց 2023 թվականից Սևանի բաժնի կողմից քրեական օրենսգրքի մի քանի հոդվածների խոշոր չափերով խարդախության, վստահված գույքը հափշտակելու, փողերի լվացման և պաշտոնեական կեղծիքի մեղադրանքով հետախուզվող, Սևանի բնակիչ […] ...
15:29 17.06.2025
«Բարսելոնան» շրջագայության կմեկնի Ասիա«Բարսելոնան» մինչմրցաշրջանային հատվածում շրջագայություն կանցկացնի Ասիայում։ Կատալոնացիները կլինեն Ճապոնիայում և Հարավային Կորեայում և երեք ընկերական հանդիպում կանցկացնեն։ Կատալոնական թիմը հուլիսի 27-ին կհանդիպի «Վիսել Կոբեի» (Ճապոնիա), հուլիսի 31-ին` «Սեուլի» (Հվ. Կորեա), իսկ օգոստոսի 4-ին` «Տեգուի» (Հվ. Կորեա) հետ։ Ակումբը 2019թ-ից. հետո առաջին անգամ է շրջագայության մեկնելու Ասիա։ ...
15:19 17.06.2025
Նիկոլ Փաշինյանը Ռեջեփ Էրդողանի հրավերով կմեկնի Թուրքիա. Ալեն ՍիմոնյանԱԺ նախագահ Ալեն Սիմոնյանը խորհրդարանում լրագրողների հետ զրույցում հաստատել է, որ նախապատրաստվում է վարչապետ Նիկոլ Փաշինյանի այցը Թուրքիա: «Պատերազմի հետ կապված ռիսկերն այսօր մինիմալ են, մենք պետք է աշխատենք, որ ընդհանրապես այն չեզոքացնենք, և ՀՀ կառավարությունը գործուն քայլեր է անում դրա համար: Ես համարում եմ, որ նման գործուն քայլերից մեկը ձեզ հայտնի՝ վարչապետի նախատեսվող այցն […] ...
15:10 17.06.2025
Հունիսի 21-22-ը Գավառում կանցկացվի Արհեստների միջազգային փառատոնՀունիսի 21-22-ը Գավառը կդառնա ժողովրդական արվեստների կենտրոն։ ԿԳՄՍ նախարարության աջակցությամբ այստեղ կանցկացվի Արհեստների միջազգային փառատոնը, որը կազմակերպում է Հովհաննես Շարամբեյանի անվան ժողովրդական արվեստների թանգարանը՝ Գավառի համայնքապետարանի հետ համագործակցությամբ։ Այս մասին հայտնել են ԿԳՄՍ նախարարությունից: «Երիտասարդները ստեղծում են համը․ խոհարարություն և արհեստներ» խորագրով փառատոնը մեկ վայրում կհամախմբի Հայաստանի և արտերկրի լավագույն վարպետներին։ Տեղեկացնում ենք, որ փառատոնի […] ...
