17:04 18.05.2018
Ցմահ դատապարտյալ Մհեր Ենոքյանը մասնագիտությամբ արդեն իրավագետ է: SHANTNEWS.am-ն արդեն հայտնել է, որ «Նուբարաշեն» ՔԿՀ-ում այսօր կայացել է ցմահ դատապարտյալ Մհեր Ենոքյանի դիպլոմայինի պաշտպանությունը: Ենոքյանն ուսանել է Հայ-ռուսական համալսարանի իրավագիտության ֆակուլտետի հեռակա բաժնում:
«Ուշադիր լսեցինք Ձեր դիպլոմային աշխատանքը, հարցեր տվեցինք, պատասխանեցիք, բայց մի շարք հարցերին տրված պատասխանները ինձ իրավունք են տալիս ասելու, որ ձեր այստեղ լինելը խանգարել է ավելի լայն նայել խնդրին, եթե այստեղից դուրս լինեիք, դուք լավ հետազոտող կլինեիք»,- ասել է հանձնաժողովի նախագահ, ռուսաստանցի մասնագետ Անատոլի Բարաբաշը` հավելելով, որ գնահատականը չորս է: Ըստ Բարաբաշի` բարձր գնահատական է դրվել, քանի որ ՔԿՀ-ի պատերի ներսում նման աշխատանք գրելը կամքի մեծ ուժ է պահանջում:
Ինչպես արդեն հայտնել ենք, պաշտպանությունը կայացել է մեկուկես ժամ ուշացումով: Հանձնաժաղովի նախագահ Անատոլի Բարաբաշը և հանձնաժողովի անդամները՝ փաստաբաններ Լուսինե Սահակյանը, Երվանդ Վարոսյանն ասել են, որ ուշացել են, քանի որ այլ դիպլոմային աշխատանքի պաշտպանության էին, իսկ այն երկար է տևել:
Հավելենք, որ սա առաջին դեպքն է ոչ միայն Հայաստանում, այլև հետխորհրդային երկրներում, երբ ցմահ բանտարկյալը իրավաբան է դառնում: Ենոքյանը դիպլոմային աշխատանքը պաշտպանել է «Օրինական ուժի մեջ մտած դատավճիռների վերանայումը. տեսական և պրակտիկ խնդիրներ» թեմայով: Ցմահ բանտարկյալն ասել է, որ այս ամենն անում է իր գործի վերաբացման համար: Հայտնի է, որ Ենոքյանը 3 անգամ Վճռաբեկ դատարան է դիմել գործի վերաբացման համար, 3 անգամ էլ մերժվել է: Նա իր աշխատանքում Քրեական դատավարությունում օրենսդրական փոփոխություններ կատարելու առաջարկներ է արել:
12:14 02.08.2025
Թրամփը հրամայել է տեղակայել երկու միջուկային սուզանավ՝ ի պատասխան Մեդվեդևի հայտարարություններիԱՄՆ նախագահ Դոնալդ Թրամփը, շարունակելով իր վեճը Ռուսաստանի Անվտանգության խորհրդի փոխնախագահ Դմիտրի Մեդվեդևի հետ, հայտարարել է, որ իր հռետորական սպառնալիքներին ի պատասխան կուղարկի երկու ամերիկյան միջուկային սուզանավ «համապատասխան տարածաշրջաններ»։ Նա չի մանրամասնել, թե որ տարածաշրջանների մասին է խոսքը։ «Հաշվի առնելով Ռուսաստանի նախկին նախագահ, այժմ Ռուսաստանի Անվտանգության խորհրդի փոխնախագահ Դմիտրի Մեդվեդևի կողմից արված խիստ սադրիչ հայտարարությունները, […] ...
12:08 02.08.2025
Oգոստոսի 12-20-ը ՀՀ-ում կանցկացվի «ԱՐԾԻՎ ԳՈՐԾԸՆԿԵՐ-2025» հայ-ամերիկյան համատեղ զորավարժությունըՄիջազգային խաղաղապահ առաքելություններում մասնակցության նախապատրաստման շրջանակում օգոստոսի 12-20-ը Հայաստանի Հանրապետությունում կանցկացվի «ԱՐԾԻՎ ԳՈՐԾԸՆԿԵՐ-2025» հայ-ամերիկյան համատեղ զորավարժությունը։ Այս մասին հայտնում է ՀՀ ՊՆ-ն։ Զորավարժությանը ներգրավված են լինելու ՀՀ ԶՈՒ խաղաղապահ բրիգադի, Եվրոպայում և Աֆրիկայում ԱՄՆ ցամաքային զորքերի և Կանզասի ազգային գվարդիայի զինծառայողները: Զորավարժությունը ենթադրում է խաղաղապահ առաջադրանքների նախապատրաստում և իրականացում՝ բժշկական տարհանման ընթացակարգերի շեշտադրմամբ: Զորավարժության նպատակն […] ...
11:47 02.08.2025
Ուսուցողական և գործնական միջոցառում Ստեփանավան քաղաքումԼոռու մարզի Ստեփանավան քաղաքում իրականացվել է կարևոր նախաձեռնություն՝ ուղղված երեխաների՝ անվտանգության վերաբերյալ իրազեկվածության բարձրացմանը։ «Լիարժեք կյանք» ներառական ամառային ճամբարի տարածքում ՆԳՆ Լոռու մարզային փրկարարական վարչության կողմից կազմակերպվել են սեմինարներ՝ նվիրված հակահրդեհային կանոնների ուսուցմանը և տարհանման հմտությունների զարգացմանը։ Սեմինարների հիմնական նպատակն էր ճամբարականներին ծանոթացնել հրդեհների կանխարգելման կանոններին, տարհանման կարգին և քայլերին, ինչպես նաև նրանց հաղորդակից դարձնել արտակարգ իրավիճակներում ճիշտ, վստահ և կազմակերպված վարքագծի […] ...
11:30 02.08.2025
Հյուսիս-հարավ ճանապարհային միջանցքի Քաջարան-Ագարակ 32 կմ երկարությամբ հատվածում ամեն օր աշխատում է 600 շինարար․ ՏԿԵ նախարարՀյուսիս-հարավ ճանապարհային միջանցքի Քաջարան-Ագարակ 32 կմ երկարությամբ հատվածում յուրաքանչյուր օր աշխատում է 245 տեխնիկա, շինարարական աշխատանքներում ներգրավված է ավելի քան 600 շինարար: Այս մասին Ֆեյսբուքի իր էջում գրել է ՏԿԵ նախարար Դավիթ Խուդաթյանը։ Հուլիս ամսվա ընթացքում միջին օրական կատարողականը գերազանցել է 60 միլիոն ՀՀ դրամը: ...
11:07 02.08.2025
Տարադրամի փոխարժեքներն օգոստոսի 2-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 382 դրամ, վաճառքի նվազագույն արժեքը՝ 384․50 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 441 դրամ: Ռուսական ռուբլու առքի առավելագույն արժեքն է 4․75 դրամ, վաճառքի նվազագույն արժեքը՝ 4.82 դրամ: ...
